حوار زميلتي الطالبة السعودية

الله يهديهم يآرب

السلام عليكم ورحمة الله وبركاته

بصراحه انا شدني الموضوع من باب الفضول وابدا ماكنت ناوية اعلق لكن اللي شفتو في الردود من عدائية وكراهية خلاني ارد

يعني بصراحه ياشباب وبنات مو اسلوب طلاب اكاديمين مثقفين فين حرية التعبير مع احترام الغير ولا سرنا زي الغرب لمن سبو اطهر الخلق ويقولو حرية التعبير

يعني والله كانو نقاش بين فلسطين واسرائيل

انا بصراحه ماشفت كل اللي تقولو عليه الحمدالله احنا في الكلاس شباب وبنات نتعامل بكل احترام

وانا عكسك يا عبدالله اول كلاس ليا حطوني في قروب مع شاب سعودي وطبيعي لمن تروح لواحد بتشتغل معاه بتقابله مبتسم لكن لقيت غضب الله كله في وجهه ولا يحل معايا وراسه في الارض

يعني ما ادري هوا كده الادب !!

بس بصراحه هوا التجربة السيئة الوحيده ليا اما الباقي ماشاءالله قمة في الادب والخلاق

الله يوفق الجميع , انتو اولاد بلد وحده صفو قلوبكم على بعض وترى الحياة حلوة ------------- شوفو الصينين ماشاءالله ; )

اولا السلام عليكم شكرا اختي على طرح الموضوع
اتكلم عن نفسي انا قبل لا اسافر كنت شايلة هم انو كيف ادرس مع شباب ونكون بكلاس واحد وكيف اشارك ونتناقش سوى بس الحمدلله
كل الي معي بالكلاس شباب سعوديين ومحترمين جدا واهم شئ انو مايحرجونا بنظراتهم ويعاملونا مثل اخواتهم واكثر ومابيننا الا كل الاحترام
ولاهم مفجوعين عالبنات زي ماقالو الاخوات خلاص تفكير شباببنا تطور وصار فيه الاحترام ومراعاة مشاعر البنت وعدم احراجها فلمن شفت
كذا جدا افتخرت فيهم والله الله يوفقنا ويوفقكم ونتخرج ونخلص ونرجع السعودية ههههه اشتقت لاهلي والله بس اش نسوي

السلااااام عليكم ايش وجهة نظريي امممممم
بالنسبه للموضوع الاساسي وجهة نظري هي الاحترام للشباب برا مررره محترمين معايا وانا بعامل السعودي والاجنبي زي بعض بامريكا
وبالنسبه للبنات برضو بحترمهم جدن متغربين عن اهلهم وبيحاولو يحققو طموحهم ومررره بنتعب وحجابهم تمااام ده الاغلب وبالنسبه للشباب والبنات قليل عكس كده بس في بنات واولاد بيحاولو يحاكو مظهر الاجانب للاسف
للاخت تراتيل لكي مني انحناؤة احترام ع ردك لعبدالله
ولللاخ عبدالله ازا احنا بوجهة نظرك مو جميلات بعين غيرك ملكات جمال كفايه تسكنا بحجابنا برره رغم مواجهتنا صعوبات بالتمسك فيه وازا احنا مو جميلات والفتيات الاجنبيات احلى مننا ايش تتوقع بالنسبه للسعودي ؟؟؟؟؟؟!!!!!
برضو الاجانب احلا منكم يااااعيني بس بقول ده الكلام لوجهة نظرك لكن وجهة نظري ولد بلدي المسلم افضل واجمل من الاجنبي
واخيرا ليس اخرا اتمنى ان نتعلم الرقي فالرد والتفكير قبل الكتابه كيلا نستفز الاخرين وللاخ بندر سلمت اناملك ع ماكتبت يا vip اصليييي ويدل ع رقي زوقك ^*

الموضووع جدا راااااائع أنا راح أتكلم من واقع تجربتي الي أعيشها الآن بأمريكاء
بالبدايه ماكنت شايله هم أبدالأني مقتنعه بشيبئيين الأول وبكل تأكيد وشيئ مفروغ منه الي محترمه نفسها بتجبر الغير على انه يحترمها بغض النظر كان سعودي أو غيره وثاني شي انه نسبة السعوديات كل ماله ويزيد فقلت الا ماتكون معاي وحده بالكلاس بس المفاجئه الي كانت منتظرتيني انه مامعاي الا 8 شباب وكمان كلهم سعوديين بس صدقوني قمه بالاخلاق والأدب وأنا لي الى الآن اسبوعين ماعمره واحد منهم تجرا وكلمني أنا بحالي وهم بحالهم علاقتي بهم جوى الكلاس وقت ماالتيتشر يطلب منا انه نتحدث مع بعض باللغه الانجليزيه حتى نطور من مستوى اللغه مع العلم انه أنا محجبه وغير متنقبه بس ولله الحمد لم أواجه أي مشكله أبدا
الشي الي حابه أقوله حتى تعيش الأنثى هناك بسلام ومن غير مضايقات انها تحترم نفسها قبل كل شي وماتتكلم مع أي شاب الا بحدود ووقت الضروره فقط وبعدين ترى شبابنا متفتح وواعي جدا ومااعتقد انه وصل لدرجه الدنائه والتفكير المنحط بالعكس الي أنا شفته انه طموح وماجاء وتغرب الالطلب العلم مو لشي ثاني أما الشباب الي عكس كذا فهم قليل وناااااااااااادر جدا

يسلموووووووووووووووووووو ع الموضوووووووووووووووع

موضوع رائع , شكرا لك

بالنسبه لي الطالب السعودي و الاجنبي... كلهم اجانب بالنسبة لي.. لا يوجد فرق في التعامل

لكن وجود الطالب السعودي في الكلاس ... يشعرني بالامان

ما شا الله تبارك الله كفيتو ووفيتو
من جد ردود تثلج الصدر
وبصراحة عجبني الموضوع ومالي اي تعقيب فيه
كامل والكمال لله ^^
وبالتوفيق يارب لكل المبتعثين

مرحبا

أشكر الأخ أمين ع متابعة الموضوع وإعادته لمساره الصحيح

كما أشكره ع نشر الرابط في الفيس بوك وتويتر

ممتنة له

مودتي