1 مرفق
مساعدة في موضوع عن بطاقة الاتمان
السلام عليكم ورحمة الله وبركاته
كيف حالكم يا اعضاء المنتدى الغالي
اتمنى ايفادتي في هذا الموضوع
أنا راسلت مكتب تجسير الفكر في امريكا بخصوص تأمين السكن وارسلي نموذج تجدونه في المرفقات وهذا النموذج يطلب المعلومات الكاملة عن بطاقة الفيزا
وكما تعلمون ان بطاقة الائتمان تحتوي على معلومات والحاصل عليها يمكن ان يستخدمها في اي وقت بدون علم صاحبها
الاستفسار : هل هذا النموذج مر على احد منكم وماذا تنصحونني ان افعل ؟
رد: مساعدة في موضوع عن بطاقة الاتمان
وين الاعضاء
المشاهدات 17 ولا احد رد
رد: مساعدة في موضوع عن بطاقة الاتمان
خطأ ثم خطأ ثم خطأ على المعهد يطلب نفس هذا الطلب .. طلبوا مني وعبيتها وياليتني ماعبيتها لاني متوتره بصراحه والبطاقة مو تبعي فخايفة يسحبو منها بأي وقت وصاحبها صديق ابي ماراح يتكلم :(
كثير احاتي يأخذوا شيء وانا مااعرف عنه ويصير بذمتي وابي منبهني اي سحب ابلغه به ليدفعه لصاحبه مره متضايقه من الوضع :(
رد: مساعدة في موضوع عن بطاقة الاتمان
صح فعلا وايضا مره ارسلوا لي رساله قالو لي البطاقة رفضت تدفع لنا مبلغ فلاني وهم ماخبروني عنه من الاساس!!!
قلت الحمدلله مادفعت لهم جان الحين مادري عنه فبلغت ابي وبطاقة صديقة من حركوها وهي معتفسه الله يزولهم
خايفه كثير
رد: مساعدة في موضوع عن بطاقة الاتمان
نصيحتي لك وان جائت متأخره لان للتو اطلعت على الموضوع تقول لهم لن اعبيها اريد دفع على الشبكه فهو افضل بكثير
واكثر امان
يا خوفي الخلل اللي صار ببطاقة صديق ابي بسببهم قبل ماشيه مثل العسل بس اخذو بياناتها ورقمها السري انعفست
رد: مساعدة في موضوع عن بطاقة الاتمان
السلام عليكم
الموضوع ياشباب مو مسخره , لو حدث خطأ وأخذو مبلغ زائد تقدرون توضحون لهم ان فيه مبلغ انأخذ زائد وتجيب اثبات بذلك . كيف تثبت ؟ تدخل على حسابك البنكي اون لاين وتطبع مايوضح
انهم سحبو مبلغ زائد وتوريهم الإثبات وراح يتأكدون من الخطأ ويرجعون المبلغ ( الدنيا مش سايبه في امريكا ) وأي جهه تاخذ زياده تقدرون تعملون نفس الطريقه وراح يرجعون الفلوس لو اخذو مبلغ زائد.
وقبل ماتدفع لازم تعرف الجهه الي راح تاخذ المبلغ علشان لو صار فيه خطأ تروح تراجعهم . وشكرا
رد: مساعدة في موضوع عن بطاقة الاتمان
سلام عليكم
إدا مراسلاتك على إيميل نفس الموقع عادي
أنا كنت بسجل في مركز اللغة تبع جامعتي فقالوا لازم ترسل شيك ب50 دولار رسوم تسجيل فقلت أنا مستعجل و الشيك يطول قالوا خلاص ارسل رقم بطاقة الفيزا و نحنا ندفع لك كنت خايف المهم أرسلت و أنا خايف شوي و رساله تم سحب 50 و أنا خايف تجي رساله مكتوب فيها تم سحب كل فلوسك هههههههههه و الله الحمدلله يمكن دفعت و أرسلت لكذا جامعة حساباتي زي ماهية وإذا دفعت بالخطا يرجع لحسابي
رد: مساعدة في موضوع عن بطاقة الاتمان
اذا خايفيني الغو البطاقة وطلعو وحدة بديلة
وبالنسبة للفيزا مسبقة الدفع انصح الجميع فيها اذا مره تلغيها وتطلع بديلة برقم اخر
رد: مساعدة في موضوع عن بطاقة الاتمان
اقتباس:
المشاركة الأصلية كتبت بواسطة abo wasan
اذا خايفيني الغو البطاقة وطلعو وحدة بديلة
وبالنسبة للفيزا مسبقة الدفع انصح الجميع فيها اذا مره تلغيها وتطلع بديلة برقم اخر
صحيح اخوي انا امس قدمة على بطاقة ماستر كارد من البنك الاهلي وقيمة البطاقة 100 ريال تحسم من حسابك اللي في الاهلي
وقلي تجيك بعد اسبوعين ولما سألتهم عن سبب التأخير تدري اسبوعين ماهي هينه وهي كلها بطاقة
قال تجينا من البحرين واذا تبيها في اسبوع ادفع 100 ونجيبها لك بـDHL
الحلو في البطاقة هذي انك انت اللي تودع فيها وانت اللي تسحب يعني حلال %100
ملاحظه : كاتبينها بالخط الصغير ( في كل عملية سحب خارج المملكة يحسم 30 ريال )
هذا العلم وسلامتكم
رد: مساعدة في موضوع عن بطاقة الاتمان
الموضوع لايدعو الى القلق
المهم انك ما تعطي رقم بطاقتك الا لموظف في الجهه اللي بتقدم لك الخدمه
ولزياده الامان ارسل رقم البطاقه الى ايميل رسمي
اذا الايميل مجاني من هوتميل او ياهو او قوقل لا ترسل معلوماتك ابد
للمعلوميه الايميل في امريكا يعتبر اثبات رسمي مثل الاوراق الرسميه بالسعوديه
في حال صار خطأ وسحبو اكثر
تتصل على البنك وتوقف العمليه
لانهم اصلا يسحبون من حساب شركه فيزا او ما ماستر كارد وبعدين الشركه تسحب من حسابك بعد عده ايام
اذا وقفت العمليه وانت غلطان واستفدت من الخدمه ممكن الجهه ترفع عليك قضية وتروح انت فيها
يعني باختصار مافيها مجال للنصب
للمعلوميه الناس في امريكا يشترون اكثر اغراضهم اونلاين عن طريق الفيزا و مافيه مشاكل لان حقك مضمون
المصدر : خبره شخصيه + نصائح مدير فرع بنك في امريكا