الأعضاء الإشتراك و التسجيل

الملتقيات
ADs

طلاب الماستر ياريت تجاوبوني

طلاب الماستر ياريت تجاوبوني


NOTICE

تنبيه: هذا الموضوع قديم. تم طرحه قبل 2448 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مدري وش السالفه !!
    مدري وش السالفه !!

    مبتعث مميز Characteristical Member

    مدري وش السالفه !! الولايات المتحدة الأمريكية

    مدري وش السالفه !! , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى Nutrition , بجامعة باقي
    • باقي
    • Nutrition
    • أنثى
    • باقي, باقي
    • السعودية
    • Oct 2010
    المزيدl

    April 3rd, 2011, 08:41 AM

    في اسئله تدور براسي
    ((انا انقبلت بمعهد يؤهلني للدراسه الاكاديميه فقط ماياهل للتوفل فلازم اقدم على معهد ثاني(كابلن) ياهلني((( للتوفل والجي ار اي))) ))
    *السؤال الدراسه في معهد اللغه والجي ار اي الي ي عباره عن دورات هل تبدا بمجرد ان تبتدا سنة اللغه !!
    *اذا كان كذلك هل امور التسجيل في معد اخر بالاضافه الى االمعهد الاساسي هو امر معقد مع الادفايزر!! او انه يفضل اني اخذ قبول من الان عشان اسلمه من ضمن اوراقي لما اروح للملحقيه
    *وهل دراسة الجي ار اي والتوفل يبدان معا ام ان كلاهما على حده

    *هل المعهد من يحدد الوقت المناسب للاختبار ام انا من احدده !!ان كان انا فمتى يتوجب علي اختيار الاختبار
    *هل لي عدد معين من الاختبارات ما اقدر اتجاوزه ولا اوبن؟<<<ناس تقول محدد وناس تقول لا
    *ان كان محدد هل في اختبارات تجريبيه لاتحتسب من العدد المسموح لي!!
    * وبالنسبه الجي ار اي والتوفل هل في كتب يفضل اشتريها من السعوديه عشانها ؟

    *الحين خلصنا من التسجيلات وجلسنا ندرس اللغه في حينها بنحاول نجيب لانفسنا قبول مشروط الي من شروطها sop ياريت تعطونا فكره عن الخطه الي مشي عليها من اول حرف الى اخر حرف ماهي الخطه متبعه!!
    * وهل يكون حديث مسترسل او على شكل عناوين ونقاط!! وبايش راح نبدا وبايش ننتهي
    *طيب المفروض هذا يكون جاهز متى بالضبط بما ان ماعندنا انجليزيه تؤلنا بالشروع بالبيان!! مأزمني هالموضوع الغامض>_<
    *هل احتاج الى مرجع اعود اليه بعد انهاء بياني ...من هو هذا المرجع
    طيب قدمنا اوراقنا وانقبلنا
    *اثناء دراسة الماستر هل مقعدي في خطر ومن السهل فقده يعني هل هو تنافس على المقاعد !! والى ماذا تعود الاسباب
    عذرا على كثر الاسئله والله يجزاكم خير
  2. بالنسبة للتوفل انك لك حرية انك تخاذ الاختبار وقت ماتبي منت ملزوم بالمعهد
    بالنسبة للجعار اعلى حد 5 مرات في السنة انا شفت كتب في جرير عنهم بس ابحث وشف افضل كتاب قبل لاتشري لان فيه اكثر من كتاب
    sop هي من اهم المعايير اللي يتم بناء قرار القبول عليها اكتب وكلمهم عن شخصيتك وسبب اعجابك بالتخصص وايش الاشياء اللي مهتم بالبحث فيها وحاول تختار اشياء موجودة في مجال بحثهم وش اللي يميزك عن كل اللي تقدموا خبرتك في مجال عملك اذا كنت تشتغل واشياء واجد موجود هنا بعض الاشياء College Expectations
    ترا ماراح تظبط معك من اول مرة لازم يصير فيه تعديل اضافة لين ماتحس انها مناسبة وتشد الواحد يقراها
    هذا الاشياء اللي اعرفها باقي الاسئلة يساعدونك الاعضاء بالمنتدى
    7 "
  3. مافي شيء أسمه يؤهل دراسة أكاديمية و ما يؤهل توفل، المعهد يدرسك لغة، و التوفل أختبار تحديد لمستواك في اللغة، وبإمكانك إختبار التوفل من الان فليس للإختبار شروط معينة، غير أنك تدفع الرسوم و تحدد الوقت، و نعم التوفل و ال GRE له عدد مرات في السنة ( لا أعلم كم بالضبط)

    دورات ال GRE لن تنفعك إطلاقاً إذا أنت لم تدرس لغة مسبقاً، فهو إختبار قياس في قسمين لفظي و كمي و جزء أخر كتابي.

    بالنسبة لل SOP عبارة عن مقال و ليس نقاط مثل ال CV و أغلب الجامعات فيها مكاتب تساعدك في تنقيحه و تعديله، تكتبه أنت و لا يكتبونه لك، و لكن يساعدونك في تصحيح الأخطاء
    7 "
  4. المعهد الي انا فيه سالته هل المعهد لديه دورات تهيءلاختبار التوفل كان ردهم بـ لا حنا فقط نهيئك للدراسه الاكاديميه وماعندهم اختبار توفل
    يعني لو انا قررت ادرس دورة للتوفل بكابلن على حسابي الخاص!! خصوصا ان كابلن كما وصفه الدارسين انه يعطي طرق ذكيه وسريعه لاختبار التوفل واجتيازه بسهوله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.