تغيير المعهد في امريكا ..

السلام عليكم ورحمة الله وبركاته
اخواني اخواتي عندي بعض الاستفسارات وياليت ماتبخلون علينا بالاجابة
لدي قبول بمعهد تجاري في كاليفورنيا يبدا من 1 مايو واستخرجت الفيزا عليه
والان قبل وصولي الى امريكا باسبوعين نويت اني اجلب قبول بمعهد جامعي افضل عن طريق مكتب قبول وخيرني بين فترتين 1 جون ( اقضي شهر في المعهد القديم ) او 1 اغسطس ( 3 شهور في المعهد القديم ) ، مع العلم ان بعد وصولي الى واشنطن سيتم اخبار الملحقية بموضوع التحويل والاي توني الجديد سيصلني الى امريكا بعد وصولي باسبوع او اسبوعين ( فهل هناك اي مشاكل في التحويل ؟ وهل تجبرني الملحقية بقضاء 3 شهور في المعهد القديم بسبب الضمان المالي ؟ وبرايكم استقر على قبول جون او اغسطس ؟

ولكم كل الشكرر

السلام عليكم انا راح اقول الي حصل معي ويمكن تستفيد..
انا كان قبولي بمعهد مو كويس وفيزت علية ولما وصلت امريكا واشنطن نويت التغيير كل الناس تسب في المعهد وكمان الولاية الي كان القبول فيها غالية نار..
وسويت موضوع هنا في مبتعث وسألت هل لازم ادرس في المعهد القديم ولاعادي احول على طول منهم الي قال لا لازم تدرسين شهر ومنهم قال لازم تدرسين 3شهور ..
وجتني رسالة خاصة من عضوة الله يوفقها ويسعدها وين ماراحت ويسخر لها جميع خلقة.. تقول انو هي حولت مافية مشكلة ,,هنا انا علطول روحت للملحقية انا ومرافقي وطلبنا مقابلة الاستاد فالح الحقباني وقال مافي اي مشكلة ومن حقكم التغيير.. واعطاني ضمان مالي للمعهد الي انا ابغى اجيب قبول منو ورحت للولاية وجبت قبول من المعهد الجديد الي انا ابغاه ونفس المعهد راسل معهدي القديم وطلب اخلاء الطرف وكل شي الحمدلله تمام التمام..وحولت المعهد من غير ماادرس ولا يوم في معهدي القديم..
اتمنى انك استفدت..

تسلمين اختي واتمنى لك التوفيق
عندي استفسار :
بعد ماخبرتي الملحقية بانك ماتبغين المعهد وين سكنتي في فترة جلب القبول ؟*

مشكوووووره ((ابيك لغربتي دايم))وربي ريحتيني كثيير كنت شايله هم التحويل ..
طيب عادي يعطيكي ضمان مالي وانتي ماعندك قبول للمعهد اللي انتي تبغيه والفيزا ايش سويتي فيها لما غيرتي المعهد مو لازم تعدلي اسم المعهد القديم <<
اسفه طولت عليكي ...والشكرك مرره تانيه..

ياليت اللي عندهـ/ـا خخبرة او تجربة بالموضوع يفيدونا ...

انا بعد نفس وضعكم انا وزوجتي جالنا قبول في معهد تجاري ونبي نحول لمعهد جامعه وامورنا كلها منتهيه من فيزا وتكت منتظرين موعد السفر وننطلق , الرد الاول ريحني كثير الله يوفق الجميع

بس عندي سؤال هل الملحقيه بتعطي ضمان مالي للمبتعث والمرافق ولا للمبتعث الاساسي فقط طبعاً لهذا الحاله .

أنا تقريبا نفس وضعكم
دراستي في المعهد تبدأ بعد أسبوعين و أنا الان في امريكا
و كثير سمعت ان المعهد مو كويس و بحاول اجيب قبول معهد ثاني.. بس ماني عارفه لازم اروح الملحقية؟؟ مااقدر اغير وانا في ولايتي؟؟

ضروري بليز

في وقت فتح الملف في واشنطن اروح الملحقيه واطلب تغيير والا مو ضروري حتى اجيب قبول من المعهد اللي ابغاه

وبعدين اكلم الملحقيه ؟؟

حاول تجيب قبول في المعهد الجديد اللي تبغاه بشرط مايكون من الموقوفين

وبلغ الملحقية بنيتك للتغيير وان شاءالله تكون سهلة وميسرة لنا ووللجمييع يارررب ..

ان شاءالله احد يفيدنا ويجاوب على الاسئلة عن تجربة

جزاكم الله خير

وش اسم المعاهد الي التحقتوا فيها؟
واذا تعرفوا اسماء افضل المعاهد بأمريكا موصى بها من وزارة التعليم العالي؟