خلاص بلغ السيل الزبى!!!!اقدر ادخل السفاره بدون موعد للاستفسار عن الفيزا

الحل
تكلمين الوزارة على 999 لانهم في خدمة الطالب اللي يتسمى مبتعث
بالعربي حتكوني ع كفوف الراحة
ومستحيل يماطلون بتأشيرتك وتأشيرة مرافقك
بحكم انك سعودية وبحكم انك طالبة مستوفية كل الشروط للإبتعاث وتم الاتفاق بين الوزارة والسفارة
بتسهيل امور المبتعث السعودي المستوفي الشروط
وجعل سفره في اتم الراحة ويعرف متى سفره ودراسته ومقرر ومخطط بنفسية مرتاحة

لين هاليوم من اكثر من ستة شهور من عمرنا ولين هاليوم
مو عارفين ارضنا من سمانا
مو عارفين نجهز حالنا وبنسافر او نحط يدنا على خدنا وننتظر ونقول ياقلب لا تحزن

ولازلنا نقول متى يخلص هالكابوس
وياليت لنا ذنب فيه!!

الحل يابنتي كالعادة تنتطقي وتنتظري حالك حال هالمساكين اللي ينتظرون ومتجمعين بموضوع مبتعث وصل لين 112 صفحة
انتظارك 60 او 70 او 100 او 1000 1و قرن يوم الله اعلم بس دائما توقعي اسوأ الاحتمالات

بعثتنا بهذه المرحلة كلها اكشنات قوية
عايدي عايدي

نوفي اول مالمحت ال999 قلت يمكن التحويله وتحمست مع انها ساورتني بعض الشكوك.... شوي واستوعبت الدوعابه الساخره
الله المعين يارفيقتي الله المعين

هلا اختي

اول شي مالك الا الصبر وانك تبثرينهم على الأيميل , وترا السفاره شغلها حظوظ , يعني انا ولله الحمد بعد 5 ايام من المقابله طلعت الفيزا مع العلم اني قابلت الي في شباك 11 , بينما واحد من الشباب جلست فيزته شهرين و 20 يوم وطلعت واجل دراسته مرتين , يعني الفيزا حظوظ , ومدامهم في وقت المقابله قالو لك فيزتك مقبوله واخذو جوازك اذا امورك ماشيه بس اللهم مسئلة وقت وتجيك الفيزا .

تحياتي لك

^
^
الله يجزاك خير يارب والله يسهل امورنا اجمعين

الصراحه انا مراتين رحت السفارة الامريكيه

مرهـ للفيزة B1/B2 وطلعت بعد المقابله بإسبوع

ومرة الثانيه F1 وطلعت بعد المقابله بثلاث ايام

ولا شفت التعقيد الي صاير معكم

والله ماقول غير الله يعينكم ويساعدكم

ما عندك مشاكل يا الحبيب .. هذه حلين مني لك :

1 - تطب اخر الليل على السفارة و تنقز من فوق السور و انت مشغل اغنية فيلم ( مشن انبسبول ) و تدخل على مكان الاختام و تحط الختم على جوازك و تترك الجواز ( كنوع من التموية ) و اليوم الثاني بيجيك على الفيديكس ، بس اهم شي تكون لابس ثوب و ماسك طرف الثوب بأسنانك و متلثم بشماغ و العقال على كتفك .

2 - تاخذ كيلو برتقال و شوية موز و ابعد عن الطماطم لانه يقولوا صارت غالية ، و تروح للشيخ السفير و تباشر عليه بالحاجات الي انت جبتها . و ان شاء الله بيعطيك الفيزة وانت واقف قدامة ، لا تشيل هم

3 - و الاخير هذا كزياده .. قول لاحد معارفك يتوسط لك عندهم

اما شغله التذكرة .. والله لو تجيب الخطوط السعودية بكبرها و تدخلها معاك السفارة ماعطوك الفيزة ولا عجلوا لك فيها هذه فيزة مو قسيمة مرور على شغاله !

اهلين اختي وياساتر على الردود شكل الوضع مزري من ناحية التاشيرات حاليا

في حل مجرب ومضمون 100 % واستغربت محد ذكرة الا وهو

الدعاء وتذكري مابعد الضيق الا الفرج وابقولك قصتي يمكن تريحك شوي

اختي انا طلعت تاشيرتي وتاشيرة زوجتي وبقيت تاشيرة بنتي وكنت مقرر اني اسافر بيوم 18 فبراير ودراستي تبدا ب 2 مارس

وصلنا لتاريخ 22 فبراير ما وصل شي اللي هو يوم الثلاثاء والاربعاء ما بعد القادم تبدا الدراسة

يعني لو ما جاء يوم الاربعاء راح يبقى لي السبت الاحد الاثنين الثلاثاء فقط لاغير

وتخيلي مخي ضرب الاربع ايام هذي ابجمع فيها تاشيره + قرار ابتعاث +تذاكر + سفر + ملحقية

فقررت اذا ما طلعت التاشيرة يوم الاربعاء راح ااجل دراستي

بعدها قررت اسافر للرياض عبر النقل الجماعي وطوال الطريق ادعي ربي وسبحان الله من يوم ما وصلت الرياض جاني تفاؤل وغيرت المسار من السفاره الى الوزارة

وطبعت قرار الابتعاث وبعدها اتجهت للسفاره ووصلت للاستقبال اللي برا وكلمته وقال مانقدر نخدمك لكن استعمل التليفون الخارجي واتصل فيهم داخل

اول ما كلمت قلت ( اي نيد ارابيك سبيكر ) وكلمني واحد وبصراحه كنت مرتبك وحس فيني اني مقهور وقمت اتكلم من غير شعور واشرح له الضروف وان الوقت مو من صالحي

قال اوعدك اما اليوم او يوم السبت قلت ارجوك ما تقدر تحدد لي لانها تفرق معاي ورفع صوته علي وقال اتريد اكثر من هذا التوضيح اما الاربعاء او السبت بعدها سكرت السماعه

وبعد اقل من دقيقه اتصل على جوالي ( شكلي كسرت خاطره ) وقال تعال اليوم العصر وتحصل جواز ابنتك بفيدكس اللي بساحة الكندي ( فرحة لا توصف )

بعدها رحت للوزارة علشان التذاكر ورفضوا يقصون تذكرة لبنتي عشان الجواز والحمد لله من حسن حظي ان الطيار اللي بالوزارة يفتحون الخميس وحجزت على يوم الاحد ويوم الثلاثاء اي قبل الدراسة بيوم الى مدينتي

واضطريت اني اجلس بواشنطن يوم واجل الحجز وداومت يوم الخميس وكنت خايف بسبب التاخير ومخي مشبع بنظام امريكا وياويلك من امريكا وهالخرابيط

بعد ما وصلت شرحت لهم الضروف وبالعكس تعاطفوا معي كثيييير والامور مشت ولله الحمد ووقتها عرفت معني كلمة اعز اصدقائي عندما قال لي وقت ضيقتي ( يافيصل ما بعد الضيق الا الفرج )

الله يفرج عليكم يارب وجميع الطلاب

^
هذي اسمها عناية الله الخاصه
فعلا الدعاء اكبر واسطه

الله يعينا ويعينكم بس لما تشوفين حال غيرك تحبين نفسك
أنا سويت المقابله في 2فبراير وزوجي معاي ،طلعت فيزتي بعدها بيومين اثنين سويتها الاربعا واستلمتها السبت ولكن.....زوجي صارله الحين شهرين وثمانية ايام وانا طبعا جت دراستي وفيرة زوجي ماطلعت فما كنت اقدر اطلع قرار الابتعاث بدون فيزة المرافق فلذلك اجلت دراستي شهر ثاني ،وعلا فكره حركة التذاكر ماتوقع تهمهم ابدااا لانو بيقولون مشكلتك انت
ثانيا أنا كلمتهم وشرحت لهم انو دراستي مابقا عليها شي قالو عادي اجلي الدراسه!!!
يعني طال عمرك ماتقدرين تقولين غير سمعا وطاعه سمعا وطاعه سمعا...

مااقدر اقول سمعا وطاعه ماتطلع معي ماقدر اكون مستسلمه الله يعينك اختي معناها اظطريتي تسوي فيزامن جديد!!
بتصل مره ومرتين وميه وبرسل ميه وميتين والف
حتى لو نفس الرد يجيني لو انواع التحطيم في ناس اصرت ونفع معها الاصرار
الله يعيننا جميع