مطلوب .. قبول خلال شهرين فقط !!
.
السلام عليكم
انا مبتعثه من جهه حكوميه (لسه مو موظفه بس عشان يقبلوني) مشروط علي الاقي قبول في جامعه بأمريكا خلال شهرين فقط !!!
هل تنصحوني اروح لمكتب معين يساعدني في البحث عن قبول ؟ - انا في الرياض -
وماهي المكاتب المشهور اللي تجيب قبول بسرعه ؟
والا ممكن احد منكم يساعدني ؟
----
اخوي راح يروح مرافق معي ويدرس بكالوريوس
هل لازم القى له قبول معي ؟ والا بس يكفي المعهد وبعدين اذا وصلنا هناك دورنا له قبول بالجامعه ؟
مع العلم ان نسبته منخفضه 68 %
مدري انا قريت شئ بخصوص الـ i-20 وانا مدري وش سالفتها صراحه
بس انو يذكر فيها الشخص وين يدرس وكم مدة اقامته ..
اخاف تكون مدة اقامته فقط هي مدة دراسته بالمعهد .. بينما هو بيكمل بكالوريوس .. هل عشان كذا لازم نلقى له قبول بكالوريوس ؟
------
بالنسبه لمصاريف الدراسه
انا راح تتحمل مصاريف دراستي الجهه اللي مبتعثتني .. اخوي بتتحمل مصاريفه الدوله .. بس كيف الطريقه ؟
عشان الضمان المالي .. نعرف لوين نرسله ويكون باسم مين << ما افهم كثير بهالامور :p
راح اكون شاكره جدا جدا للي بيساعدني
والله يسهل اموره ويفرج له ياكريم
محتاجه القبول بأسرع وقت .. في انتظاركم ...
رد: مطلوب .. قبول خلال شهرين فقط !!
جيبي لهم أي قبول بس عشان يقبولنك لأن العملية بتاخذ وقت...
وبعدين اختاري الجامعة اللي تبيغين...
رد: مطلوب .. قبول خلال شهرين فقط !!
تبين اي قبول ولا براسك جامعة معينه؟؟؟؟؟؟؟؟
ونصيحه ابعدي عن المكاتب
اذا ما تفرق معك الجامعة ،،، تقدري تجيبي قبول ماجستر خلال اقل من اسبوعين في جامعة http://www.mtsu.edu/ >>>معترف فيها من الوزاره ، بس تأكدي اذا الجهة اللي مبتعثك تعترف فيها او لا ؟؟
طبغا انا جبت لنفسي قبول مشروط ماجستير محاسبه خلال اقل من اسبوعين هذه الجامعة ، ووكنت ناوي اجيب القبول بهذه الجامعة عن طريق المكتب والسعر كان من 1800 الى 2000 ، لكن قلت انا اولى بهذه المبلغ وسويت الاجراءات حقت القبول سهله جدا ودفعت 30 دولار بس >>>>رسوم الابلكيشن
وبصراحه المكاتب ما مشى سوقها الا بسببنا لأننا نحنا اتكاليين في كل شي ، يعني ما نكلف انفسنا بس نقرا شويا معلومات عن الجامعة ونعبي ابلكيشن ما ياخذ اكثر من 3 دقايق ،،، وعاد المكاتب لاقينها من ورى روسنا، وبعدين فيه شي قاهرني في المكاتب ينصبو على الطلاب المساكين مثله يجيهم واحد معدله منخفض يقولونه اوووه معدلك منخفض والجامعات هناك ما تنقبل معدلك وحنا راح نساعدك في الموضوع هذا يعننهم تعبو في الشي ذا ويقالهم خدموك خدمة العمر وهم كذابييييييييييييين .
بالتوفيق
رد: مطلوب .. قبول خلال شهرين فقط !!
ناجي ..
المشكله الوظيفه ماراح اخذها الا بعد ما يسوون تقييم للجامعه اللي انا انقبلت فيها
ويشوفون هل فيه فائده من دراستي فيها والا رفضوني !!
رائد
مشكلة ميدل تينيسي مافيها ماستر تسويق
لاني دخلت موقع الوزاره قدام قسم التسويق بس b مافيه m !!
تعرف جامعه ثانيه قبولها سريع ؟؟
الله يعطيكم العافيه يارب .. ماقصرتوا
رد: مطلوب .. قبول خلال شهرين فقط !!
رد: مطلوب .. قبول خلال شهرين فقط !!
هلا اختي اللي فهمته من كلامك انك تبين قبول جامعة مشروط بس انو خلاص راح تدرسي فيها وما راح تغير الجامعة ، لكن مثلا البعض ومنهم انا جبت قبول في جامعة ميدل تنسي علشان قدام الملحقيه بس مو اكيد اني راح ادرس فيها
فهل الجهة الحكومه اللي انتي مبتعثه عن طريقهم نفس النظام؟؟؟
بعدين انتي لازم تشوفي قائمه الجامعات المعتمده من قبل نفس الجهه ولا هم قالولك نفس جامعات الوزاره واللي تعترف فيها الملحقيه؟؟؟ وهل لو كانت الجامعة مقفله من الملحقيه للتكدس تعترف بها جهة عمله؟؟؟؟
كل هذا اسئله مهله تسأليها لجهة العمل
عموما ما عندك مشكله اختي انتي عطيني اسم ولاية معينه وكم جامعة وانا ادق عليهم عندي برنامج يكلم امريكا ببلاش ونزلوه الشباب هنا في المنتدى
واستفسر منهم القبول المشروط كم ياخذ وقت وهل يطول او لا ولا نبي منك الا الدعاء :)
بالتوفيق
رد: مطلوب .. قبول خلال شهرين فقط !!
روك مان ..
انا تخصصي بالبكالوريوس اداره اعمال . تخرجت بمعدل 4.48 من 5
وابغى اتخصص بالماستر تسويق
اقتباس:
المشاركة الأصلية كتبت بواسطة رائد 15
هلا اختي اللي فهمته من كلامك انك تبين قبول جامعة مشروط بس انو خلاص راح تدرسي فيها وما راح تغير الجامعة ، لكن مثلا البعض ومنهم انا جبت قبول في جامعة ميدل تنسي علشان قدام الملحقيه بس مو اكيد اني راح ادرس فيها
فهل الجهة الحكومه اللي انتي مبتعثه عن طريقهم نفس النظام؟؟؟
ما ادري صراحه .. هل يسمحون لي اغير والا لا !
المهم الان اني ابغى قبول مشروط في حال ماقدرت اغير .. وبنفس الوقت محتاجته بسرعه عشان اضمن الوظيفه
بعدين انتي لازم تشوفي قائمه الجامعات المعتمده من قبل نفس الجهه ولا هم قالولك نفس جامعات الوزاره واللي تعترف فيها الملحقيه؟؟؟ وهل لو كانت الجامعة مقفله من الملحقيه للتكدس تعترف بها جهة عمله؟؟؟؟
سألتهم .. قالوا لي المهم تكون معترفة من وزارة التعليم العالي
واذا مقفله ما يصلح تسجلين فيها
كل هذا اسئله مهله تسأليها لجهة العمل
عموما ما عندك مشكله اختي انتي عطيني اسم ولاية معينه وكم جامعة وانا ادق عليهم عندي برنامج يكلم امريكا ببلاش ونزلوه الشباب هنا في المنتدى
واستفسر منهم القبول المشروط كم ياخذ وقت وهل يطول او لا ولا نبي منك الا الدعاء :)
بالتوفيق
اخوي خذ راحتك .. انت اختار لي الجامعه .. المهم يكون قبولها سريع ومشروط .. واذا فيه امكانيه بعد تكون بدون جيمات :(
وافضل طبعا الولايات الوسطى .. او اوريغون من الولايات الغربيه ..
الله يجزاك خير ويحقق لك كل ما تتمنى
رد: مطلوب .. قبول خلال شهرين فقط !!
الله يعطيك العافيه ماقصرت ....
رد: مطلوب .. قبول خلال شهرين فقط !!
هلا اختي الحالمة
لقيت لك هذه الجامعة في ولاية اورغين في مدينه اسمها Portland
اسم الجامعة
Portland State University
والحلو هذه الجامعة انها مصنفه في u.s news ( موقع امريكي يختص بتصنيف الجامعات)
والاهم من ذلك ان هذا الجامعة داخله في تصنيف National Universities
عموما هذا صفحة الجامعة في التصنيف ،، ولو تروحي على ثاني اختيار اللي هو grad school وانزلي شوي راح تحصلي Best Business Schools
شوفي اذا تخصصك موجود فيه ولا لا ؟؟؟هذا مو معناته ان التخصص موجود في الجامعة او لا ، لا بس نفس التخصص يكون مندرج تحت تصنيف افضل كليات البزنس ،،، انا هذا طريقتي ادخل على رابط اي جامعة ابغاها في التصنيف واشوف مثلي تخصصي اللي هو محاسبه داخل ضمن تضنيف افضل كليات البزنس او لا،،، على سبيل المثال الجامعة هذه لو تلاحظي Best Business Schools مو مكتوب تخصص المحاسبه لكن كاتبين تخصصك اللي تسويق
فهمتي الفكره؟؟؟
عموما اختي هذا رابط راح تحصلي فيها كل الجامعات اللي في اوريغون طبعا عددها كثير 25 تقريبا
http://colleges.usnews.rankingsandre...y/category+nat
طبعا انتي ماشاء الله معدلك حلو واكيد تدوري جامعة قويه مو عادية ،،، فراح تسوي فلتره انو يستبعد لك الجامعات العاديه ويخلي لك اقوى الجامعات المصنفه في امريكا
الطريقه هي انو فوق اللسته حقت الجامعات تحصلي خيار مكتوب عليه
Show expanded search options
اضغطي عليه وبعدين روحي على
Ranking Category
واختياري
National Universities
وراح يسوي لك فلتره ويطلع الجامعات اقوى جامعات مصنفه في هذه الولاية ، طبعا تدخلي على نفس الجامعة من القائمه وراح يظهر لك كم ترتييب الجامعة في التصنيف
وبالتوفيق
رد: مطلوب .. قبول خلال شهرين فقط !!
المعذره بعد ما كتبت الرد دخلت موقع الوزاره وحصلت الجامعة هذه موقفه
كان المفروض اشوف موقع الوزراه قبل
عموما انتي سوي الطريقه اللي فوق،،وحطي مثلا 5 جامعات مرشحه(ولا تكثري علشان ما يصدع راسك ) وشوفي وش اللي يناسبك منهم وبعد الاستخاره ، طبعا في حالتك اللي يهمك اسرع جامعة تعطيك قبول مشروط