الحذر ثم الحذر من بعض السعوديين !!!!!

والله عنوان الموضوع يصيب بالتشاؤم..

لاتحكم على تجربتك الشخصيه باتهام مجتمع كامل..

لكن انا مااقول الا والله الحذر ثم الحذر من المتشائمين امثالك..

بعدين مدري انت كنت عايش بجزر الكاريبي طول عمرك وفجأه رحت لامريكا وعرفت سعوديين هناك؟

ياخي بكل مكان الزين والشين والي تقول عنهم ترى حتى بالسعوديه موجودين..والله امرمكم عجيب والله مدري ليه الي مثلك يتعب نفسه ويشترك بالمنتدى ويدخل النت ويكتب مواضيع وردود مال امها داعي لاهداف دنيئه في نفسه..

لكن والله اني اظن فيك حسن النيه لكن ياليت المرات الجايه تحاول تطور من نفسك وتتعلم وتنتقي كلمات واصدقائك بعنايه..

ونقطه اخيره ياليت تعرفها انه فيه فرق بين(الزميل والصديق)..

والله يوفقنا وياكم لما يحبه ويرضاه..

اول شي احب اقوله العنوان غلط ياحبيبي, بهذا العنوان انت تعم جميع سعوديين !! وتشوه سمعتهم امام العرب

وثاني شي احب اقوله ان كلامك صحيح اخوي وعين الصح هناك ناس تقول متربين بشوارع وصارت قصص كثيرة عنهم " الهمج "
اجل وجههم وجه دراسة وعلم مالت عليهم فيه ناس اولى منهم والله يعني كل من هب ودب يروح ويبتعث !!
والله شي يقهر والمشكلة انهم يشوهون سمعه اعظم شي وهو الاسلام وثاني شي الحين الامريكان ماخذين سمعه سيئة عن السعوديين ثم يجون هالهمج ويزيدون الطين بله !!
وبعدين هاللي يصير مش بس بامريكا بكل الدول التي يبعث لها السعوديون او العرب بصفحة عامه

وثالث شي احب اقوله انشالله يارب يوقفون البعثات ويرجعون مثل الكلاب بالشوارع هايتين لانهم اساسا كلاب .. الله يكرمكم

واللي بيروح بيدرس ولا مانع ان يكمل دينه على اجنبيه ف انا أؤييد هذا

شكرا للطرح

اللهم يامصلح الصالحين اصلح لنا اولادنا واولاد المسلمين

الحمد لله والشكر لله اليوم الجمعه صلينا مع المسلمين في المسجد وشفت ابنائنا السعوديين يصلون مع المسلمين وتغدوا في مطعم خلف المسجد مطعم اسلامي

الشباب فيهم خير والتقصير موجود حتى في السعودية ..... لا تعتقد اذا هو سعودي ملائكة هو احد البشر حسب ثقافته الي تربى عليها بيكون

البنات السعوديات ماشاء الله عليهم متحجبات باللباس الاسلامي ماشيات بكل ثقه


الي يدور الخنى موجود في كل ديره بس العيب التعميم

الله يسامحك ويشرح صدرك

مواطن

احس من لهجتك مانت سعودي !! اشم كذا اتمنى ماظلمك بس

لان في عرب حاقدين من دول مجاوره تحقد على السعوديين ومنقهرين لاننا مبتعثين في الخارج وملكنا مومقصر علينا

مثال كنت في نيوزلندا واحد من ليبيا يقولي انت تاخذ راتب ومدري وشو وانا امش يعلى عكاز يالله احصل الدولار!! حسد عيني عينك

ويدور السلبيات اللي عندنا ولايشوف الايجابيات!! حنا مانعرف ننصب وعلى نياتنا لكن العرب وماودي اقول الدول لكي لا يزعلون يدورون السعودي علشان يستقلونه

حبيبي انا قلت انا سكرت ؟؟
و من انت عشان تجي تقول حسافه ؟ ماخذ من جيبك شي ؟
و للمعومية انا ادرس على حسابي

مخفه ؟! يا ليت توزن كلامك قبل لا تتكلم
و ياخوي انا ماقلت انا الي سكرت انا الي سويت
انا قلت عن شي شفته قدامي من بعض الشباب !!

والله يا اخوان انكم ما تصدقون لو اقلكم ان انا لما طلعت من واشنطن ل اورلادو سألني السواق انتا من وين .... وجاوبته بكل ثقة اني من السعودية..... وقعد يحكيني عن واحد سعودي ركب معاه قبلي بكم يوم ويقلي انه صار يكره السعوديين من ورا الرجال هذا ( للعلم السواق باكستاني و مسلم واسمه احمد ) و يقول لي انا استغربت ان الواحد لما يوصل من المطار يقول للسواق وديني الفندق بروح ارتاح ...... لكن يقول هذا الشخص طلب يروح نادي ليلي و يروح يسكر ويقول له تقدر تجيب لي بنات ....... بصراحة انا لما سمعت السواق يقول لي هل الكلام قلت في نفسي ******** على السعودي اقسم بالله صرت حتى اخاف اتعرف على اي سعودي بس عشان ما اشوه سمعتي قدام الامريكان لان والله انهم صاروا يحقدون على السعوديين من ورا بعض الأشخاص و في مثل كنا زمان نقوله ( اذا مرض عضو ... تداعا له سائر الجسد....) يعني احنا حوالي كم ...40000 سعودي في امريكا .... لو قلنا 1% = 400 شخص مننا اخلاقهم زي الي في اقدامكم اكرمكم الله يعني 99% = 39600 شخص بيتضررون

يا ريت من الفئة النجسة هذي الي نتكلم عنها انه اذا ما يبغوا يحترمو انفسهم يحترمو وجود سعوديين غيرهم في امريكا .... واذا مو عاجبهم كلامي ينقلعوا بره البلد خلي طلاب غيرهم يستفيدوا من بعثاتهم لأنهم معطلين السير

^
ونعم الرد , كفيت ووفيت يا بطل

اذا العدو الاكبر السعودي اكثر من الامريكي على قولك أنا أقلك انك ماتعرف السعودين لانك ماتختلط بيهم.
ويريت ماتقول كذا لانه ماتعرف كيف السعودين متكاتفين ويساعدو بعض. قلي في امريكي ساعدك بدون مقابل أنا أتحداك، أنا مولود هنا وعندي الجنسية الامريكية واتعاملت مع نسبه كبيرة من الأمريكان في عدة ولايات ماشفت من وجههم خير، لكن تعال شوف السعودي لو طلبت منه شي وش يسوي. واذا تبغا نصيحتي انتبه من الامريكي لانه ربنا قلك "ولن ترضى عنك اليهود ولا النصارى حتى تتبع ملتهم".
واتمنى انه الموضوع ينحذف

اشوف بعض الردود ما اعجبتني
بانسبه للعنوان انا كتبته لجذب القراء هذا اولا ثانيا انا ماعممت السعوديين ولكن قلت بعض السعوديين وخصيتهم ثالثا انا مواطن سعودي فهد القحطاني مبتعث لامريكا ولي سنتين . انا اشوف واسمع وش يسوون السعوديين سواء فالوييكند او ايام الاسبوع
طلاب سعوديين موجودين الان في بعض السجون الامريكيه بتهمت اغتصاب و سرقه و ضرب. ياللي اسمك مهند اقسم بالله ماتدري وينها هابه معه , او الاحتمال الثاني انك من النوعيه اللي اتكلم عنها لذلك اللي في بطنه ريح مايستريح,
انا عاشرت جميع انواع الطلاب واعرفهم زين اعرف الفالح من الطالح كثير كثير طلاب مثل العسل ومتفوقين لكن انا اتكلم عن الجانب المظلم هنا عشان نحاول اصلاحه. ليه ماتكون فيه اجهزه حكوميه تسوي تحليل كل شهر للطلاب
يااخي الحشيش يباع بـ 20 دولار فقط , اشوفهم يحششون ويشربون فالداون تاون ماني اعمى اشوفهم يمشون بسكاكين خضره فالدوان تاون , ااشوفهم مكبلين بالكلبشات سكارى , اشوفهم ياخذون تكاسي ويناححشون مايحاسبون ,
اشوفهم بكراتينهم طالعين من محل الخمور( اللكر). أنا اخاف على بلدي واخاف على مستقبله من الدمار والانحراف يكفي ياشباب حسد يكفي عصيان لرب العالمين كيف تبون ربي يوفقكم وانتوا عاصينه. الابتعاث فرصه عمر ماتضيع
وابو متعب حط فينا الثقه كلها وماقصر معنا. ماقول الا الله يحفظ شبابنا ويعز السعوديه, وتكفون بيضوا وجيهنا يالمطاليق, وارفعوا اسم بلدكم.
هذا اللي حبيت اقوله واوضحه. ختاما عسى ربي يعطيني على نيتي امين..