الحذر ثم الحذر من بعض السعوديين !!!!!

اللي انا ابي افهمة ليش شبيتو بالولد ؟؟
اولا كل اناس فيهم الصالح والطالح النظيف والوصخ والاخلاق وقليل الاخلاق

الكاتب لما هدفة واضح وهو انه ( كل قرين بالمقارن يقتدي) ينصحكم لنفسكم انكم تختارون اصدقاء يعينونكم على دينكم ودنياكم ولا تختارون ناس يسيئون لسمعتكم ويضرونكم بدينكم ودنياكم فهمتوو

تحاتي يالغوالي

وش فيهم الربع متحمسين شوي ياشباب عنوان الموضوع ( الحذر ثم الحذر من بعض السعوديين !!!!! ) ما قال كل السعوديين كتب بعض

وهو صادق انا اعرف واحد تخصصه في امريكا نصب السعوديين وهو سعودي من عيال مذهب الخُمْس :

يعطيك العافية اخوي على التنبيه وفي ميزان حسناتك

أخوك / محمد الحربي

’’’ جزاك الله خير ‘‘‘

اخوي فهد القحطاني بيض الله ووجهك والله يسعدك ...ويعلم ربي انك صادق في كل كلمه قلتها..هذا الكلام يدل على انك انسان راعي حميه والله ونععم يا فهد...

هذا ردي على كل شخص ماهو عاجبه الموضوع.....

اول شي صاحب الموضوع كاتب عنوان الموضوع((الحذر من بـــــــــــــعــــــــــض السعوديين)) ما ذكر كل السعوديين.....

مهند اذا كنت ما تعرف الوضع هنا فسكوتك رحمه والله يكفانا شر الناس الي مثلك الله يكفانا شر الناس الي ما تعرف تتكلم ويقعد يألف ويرد بكلام فــــــــــــــاضـــــــــــــــي...


انا عايش بامريكا وفعلا شفت ان اكثر السعوديين ما يستاهلون البعثه زلايب للاخر....كل يوم مرقص كل يوم مشاكل

قسمن بالله اني أأيد ان البعثه تتوقف ولا يبتعث الا اصحاب الماستر والدكتوراه....علما اني طالب بكالوريوس...


خذو عينات بذكرها لكم...فلان من الناس كنت اخاويه وكنت احسبه من خيره الناس عزمني ذاك اليوم الا الاخ طلع سكير حسبي الله عليه ويشرب ولا يعزمني بعد..!.!!!!!!!!!!!!

ناس مسكينه مالها في الدخان يادوب يلحق يذاكر....جا واحد ابن سته وستين وخربه مسكين وصار يدخن ويشرب ويضيع ويصيع وماهو داري ربي وين حاطه



عن نفسي حسافه والله اني قدمت على هذا الابتعاث والله حسافه لو تتوفر لي وظيفه محترمه في السعوديه اني لا ارجع يدون نقاش....لاكن حسبي الله ونعم الوكيل



اخوي فهد القحطاني ونعم فيك......وما يضر السحاب نبح الكلاب.............تحياتي لك فهد

السلام عليكم .. ودي الخص الموضوع ب نقاط ..

1/ محد يقدر يعمم لان كل واحد يتكلم عن السعوديين الي بمدينته .. وماتدري عن الباقي امريكا فيها الاف السعوديين..(( يعني اذا انت تذم السعوديين الي بمدينتك.. فيه مية واحد غيرك يمدحون السعوديين الي بمدنهم .. بالتالي مهب مقياس على السعوديين

2/ كل الي تحمس ضد هالموضوع وعصب اقوله الي على راسه بطحا يحسس عليها..

3/ الطيب يمشي مع الطيب ولا يخاوي الردي الي طايحن حظه .. وادعولهم بالهدايه وبس.. يعني انت انسان كويس امشي مع الي مثلك وخل غيرك في حاله


4/ بالنسبه للي قال انا عزمني سعودي وطلع يشرب ,, انا مثلك عزمني سعودي وطلع يشرب لكن ما عزمني على الشراب ,, انا عادي خله بكيفه ليش ادخل بخصوصياته .. بيشرب هذا شي بينه وبين ربه ياخي ايش ازعجك فيه ؟؟ انا نصحته وهو بكيفه. بس مستقبلاً راح اتجنب اجيله علشانه يشرب .. لكن لاتحاول انك تتصادم معهم .. خلك سلس

5/ صاحب الموضوع اولا جزاك الله خير .. بدل ما تشتكي على الطلاب حاول تحسن السمعه وخلك قدوه .. اذا هم يمثلوننا تمثيل سيئ انت مثل المملكه بالشكل الصحيح بدل ما تشتكي عليهم ..

وسلامتكم

فيزة مرافقي تاخرت وهذا الموضوع نشيط قلت تدعو لي بالفرج
يارب يسر ولا تعسر فماهو عسير علينا يسير عليك

حبيب قلبي انا اشوفك جالس تتكلم على الشباب السعودي وماظن واحد يترك اهله ويترك ديرته ويجي بالغربه من شان هالامور هاذي ياعمي اقسم بالله مافيه مثل عيال ديرتي وربي انهم كفو وتحطهم بذراعك الايمن اما عن الي يشربون كل جيمع دول العالم فيهم الناس الي يشربون والناس الي مايشربون بس ياحبيبي والله ماتلقى مثل طيبة السعوديين ياخي تخيل اول ماجيت مدينيتي ماعرف شي نزلني التاكسي عند الجامعه ومادريت الى شباب سعوديين جايين ماخذيني لشقتهم ومكرمينك ثلاث ايام الين ضبطت امور السكن حتى انه يقوم من فراشه الي اهو نايم عليه ويتركك تنام عليه شوف النخوه في عيال ديرتي روح لم اي واحد من دوله ثانيه والله مايعترف فيك واما عن كلامك فكلامك مردود عليك ولا اضن انك سعودي واتوقع انك حاقد على السعوديين لانهم يد وحده بكل شي

اشكرر صاحب الموضوع والله يجزاك خير من جد كلامك واقعي 100٪100 سوا بكندا او امريكا


وبعدين يا اخوان الاخ مراح كتب الموضوع بموقع مصري ولا س،ري ،لا اوردني ياخوان المنتدي هذا اغلبيته سعوديين والكلام مننا وبنا لنا فان لا حد يعصب وياخذها بمفهوم اخر وشكرا

بيض الله وجهك على هالموضوع وزين علمتنا على هالنوعيات عشان نعرف عنها اكثر قبل لانخوض في التجربه , عندي نقطه بسيطه لاحظت بعض الشباب وطنيتهم "المستفحله" واحب اقول شي الي يرد عليك ياصاحب الموضوع بدافع الوطنيه والسعوديه , ترى الوطنيه وحب الوطن في القلب مهب في اللسـان والي في بطنه ريح مايتسريح . يعني وش الي يخليك ترد بقوه عن سعوديتك وجنسيتك وبلدك ليه ماتكلمت عن الاسلام بما أن شهادتنا شهادة أن لاإله الا الله وأن محمدآ رسول الله , ليه ماقلت أن المسلم محرم عليه شرب المسكـر ليه ماتكلمت عن الموضوع ليه ماقلت رأيك ؟ الا إن في بطنك شيء وجاء هالموضوع وضغط عليك وحسيت نفسك تبي تدافع عن اشياء داخلك متغالطه.

يالله الخيره اي والله ياالله الخيره باقي شهرين على السفر وعسى الله يسهلها

ماقصرت حبيبي ووصلت المعلومــه جيدآ

بسم الله والصلاه والسلام على اشرف الانبياء والمرسلين نبينا محمد وعلى اله وصحبه اجمعين....
لا اله إلا الله الجليل الجبار لا اله إلا الله الواحد القهار,لا اله إلا الله الكريم الستار لا اله إلا الله الكبير المتعال, لا اله إلا الله وحده لا شريك له إلها واحدا ربا وشاهدا أحدا وصمدا ونحن له مسلمون .
اخواني فالله ان الظلم ظلمات يوم القيامه ليش الظلم يعلم الله ان نيتي صافيه ومحمله بنخوه وتأنيب ضمير, اذا لم نعرف اخطاءنا فكيف سنصلحها, الناس ساكته ما تقول شي كلن همه نفسه بس ولكن انا لا والف لا ما ارضى, انتم ياشباب المستقبل انتم سلاح الوطن, انتم من تخاف منك الامم والدول, اذا لم تسلط العين عليكم وتنبش اخطاءكم فسوف يكون مستقبل السعوديه مظلم وستتغير تربيه الابناء
بحيث تكون هناك اجيال منحرفه. كيف ندعو للاسلام والامريكان والكفار عامه يرون بعض الشباب المسلم يشرب الخمر ويفعل المنكر وهم يعلمون ان ديننا يحرم علينا شرب الخمر. هدف بعثتنا لديار الغرب ليس فقط دراسه! ولكن ايضا تعريف الغرب على الاسلام وعلى ثقافتنا و صدقننا في التعامل مع الناس. لماذا نشعر بالضعف ونحن من حكم الارض بعد الله جل جلاله في سالف الازمان؟ ما اريد ان اوضح هو ان لم نرفع كلمه التوحيد و نوحد صفوفنا ونتمسك بالدين ونتفوق فالدراسه لن نصل الى ماوصل له الدول العظمى وما وصل له اجدادنا من انجازات. نريد ان نرى شباب متعلم يبني لنا الوطن مصانع, مدن , طرق, اكتشافات علميه, خطط مستقبليه , استغلال النفط , رفع التصدير و التقليل من الاستيراد, رفع الانتاج المحلي الخ.

هبوا لنصر الدين يا نسل الاحرار=من شأن ما تغرق علينا السفينه
أجدادنا وصلوا بعيدات الامصار=وإيمانهـم بأرواحهـم محتمينـه
علو شعار الحق في كل الاقطار=وصدق العقيده منهـجٍ ناهجينـه
اليوم قو الدين ماضي وتذكار=متى متى يرجـع زمانـه وحينـه
اليا متى والدين في ذل وإصغار=اليا متى والدين ينـزف جبينـه
اليا متى بغداد في حكم كفار=اليا متى والقـدس تصـرخ رهينـه
اليا متى نصبر على شرب الامرار=اليا متى نرضى الحياة المهينه
اليا متى وسلاحنا شجب وإنكار=اليا متى يأهل العقـول الرزينـه
قدامنا الجنه وصهيون للنار=بس الضميـر الحـي وينـه ووينـه
يا كثر ما نقرى مقالات وأشعار=لكن قلوب الناس غُلـف متينـه
إن كان لا همه ولا فعل مغوار=ثبت على التلفاز صـورة بثينـه

الختام الله يسامح كل من ظلمني واشكر كل الاخوان اللي يحترمون النقاش ويعرفون ادابه واهدافه . شكرا لكم من كل قلبي ....

كاتب الموضوع: فهد القحطاني