ودي أعرف شغلة - ليه الدنيا تعز الرخوم وتذل الشريف

السلام عليكم ورحمه الله وبركاته

ابي اعرف شغلة ، ليه الولد الي مهتم بالعلم وجاد بطريقه ويحب يدرس ويتعلم ومؤدب وسلوكه طيب وماله بالبلاوي لا فعل ولا قول
ماعنده أصحاب ؟!!!!!!!!!!!!!!!!!
يعني لا صار لساني وصخ وراعي مراقص الله بتشوف اللسته عندي فوق ١٠٠ فريندز ( سعوديين )
يعني بجد حصلت لي سنة ونص اقسم لكم بالله احتكيت بسعوديين كثير مافيه ولا ( واحـــــــــــــد ) والله ولا واحد حصلته جاد في دراسته ويحب يتعلم أو له هواية حلوة أو أي شي طيب ويحب يستفيد من وقته
أيضاً فيه شي ثاني
ليه السعوديين كل واحد مسوي فيها ثقل ويحسب انه بنت ابي ارقمه كل شوي يصرف ؟ ولا ماقدر بابا يضربني لا خرجت ؟؟؟؟؟؟ ومادري ايش أنا اعرف طريقة تفكيرهم كل واحد يحب يسوي نفسه رسمي عشان صديقه مايفكر انه خفيف أو بعض من هالأفكار السطحية المتخلفة
ياليت كل واحد أو وحده يحط ف باله انهم ف غربة ومافي عيب لو اجتمعتوا بالويك اند يوم واحد بالاسبوع بس وترفهون عن نفسكم ، وكل أبوكم مغتربين وأكيد بعض الأوقات تمرون بأزمات نفسية عادي ليه كلن مسوي رسمي على الثاني وأنا الثقيل وانا الي مامثلي أحد
تخيلوا بقولكم موقف
جاني واحد قالي شمعنى الكلمة ذي ؟
قلت له معناها وهو يهج يحط رجله !!!!!!!!
ليه ؟ عشان ما أسولف معه ههههههههههههههههه
يعني بأمانة اتركوا عنكم التصرفات الغبية هذي
برضه البنات والله شفت تصرفاتهن مع بعض مش ولابد
خل كل واحد يتفهم إنه مصيره يحتاج لولد أو بنت بلده ومابينكم شي وكلكم اخوان
وسلام عليكم

شبابنااااا فيهم الخير يارجل

و الله يعينك ويوفقك ياخوي ... .. وان كان تدور الرجال .. فالرجال راح دوورهاااااا مابقى الا القلين والقليل لازال متين وثقيل

بعض الشباب الله يهديهم ... ماهو مصدق انه في امريكاااااااااااا ...

وبعضهم ماودة يحتك في العرب او السعوديين خاصة ... لانة جاي يتعلم لغة اخرى ... وكثر الاستماع العربي يصعب له تعلم اللغة الأنجليزية بسهولة

وعلى قولتك في اخر الاسبوع لو يوم واحد ... راح تستمر التجمعات كثيرة ... وتلقى كلن يعزم الثاني ... فأنت جاي تتعلم مانت جاي تتعرف على سعوديين جدد .. صح ولالا

عشان كذا كلن يحاول الابتعاد عن العرب او السعوديين خاصة ..

تقبل خالص تحياتي >>>>>>>>> هذي وجهة نظري

اعتقد في هذا الزمن من نت وغيره بتغنيك عن هذي الطلعات
كلامك صحيح 100% اللي مؤدب وسلوكه طيب وحق دراسه الكل يبتعد عنه
واللي كلامه وصخ ورايح فيها وحق مراقص على قولتك اصحابه فوق المئة
بس با العكس اذا انت من هذا النوع اهنيك
وما عليك من احد وراح تتذكر اذا تخرجت وخلي اصحابهم ينفعوهم

قلت ليه الدنيا من اسمها دنيا دنية وفانية بتفكر ليومها وما تهتم لمستقبلها
وما تدري يمكن بعدهم عنك غنيمة لان اصحاب المصالح كثير , وممكن يكون لك اصحاب لكن وقت الشدة تظهر الحقائق
انا كمان عندي تقريبا مشكلة مختلفة انا مالي صحبات كل مجموعة عاملين لهم قروب وانا متنقلة بين انواع القروبات وحتى لما نسولف هم في وادي وانا في وادي البنات اللي معي مو بالقدر المطلوب من الدفرة هههه ومو لاقية بنت زيي وفي الكلاس اشطر الطلاب شابين هم التوب وبصراحة لما نكون في الفصل اتفاعل بسببهم ويكون الدرس حماس ونفسي اتقرب منهم شوي يعني كزمالة فقط لانه في بعض الاحيان احتاج اتكلم معهم بخصوص الدرس الواجبات وكدة وفي نفس الوقت خايفة لا يروح بالهم بعيد لان بعض الشباب السعودي عنده افكار غريبة وخصوصا لما اشوفهم احيانا مجتمعين ويضحكون الله يستر يخوفون !
عموما اتقبل اي تعليق وشكرا

خوي ابعطيك نصيحة حطها في بالك ..!

شوف انت باين انك على نياتك .. ترا بهالزمن قليل تلقى صديق وشخص خدوم وطيب ويوقف معاك وقت المشاكل ..

بخصوص الاصدقاء السعوديين : انا اقولك كون علاقات مع سعوديين يكونوا لك زي العزوة في الغربة بس احرص على النوعية ولا تحرص على عددهم .. يعني شوف لك 3 - 4 اصدقاء سعوديين تحس فعلا أنهم رجال مواقف ويوقفوا معاك وقت المشاكل لا قدر الله او وقت الضيق لما تكون مهموم تسلي خاطرك معاهم ، اما بشكل عام لا تحرص كثير لان بعض السعوديين ماوراهم الا الدشرة والمشاكل والسهرات والخراب اللي انت بغنى عنها ..

مع ذلك أنا اقولك حتى اصدقائك الـ 3 او 4 اللي قلت لك لا تحاول انك تقابلهم كل يوم علشان تضيف للغتك وتتميز وبرضه علشان هم ما يملوا من حنتك هههههه ، يعني تقابلوا بس الويك اند ممكن تروحوا رحلة سوا او تجلسوا على الغداء وتروحوا مطعم وتتمشون الى المساء وتروحون كافيهات وتوسعون صدوركم ..

والله يوفقك يا صغيري :)

اخوي الي فهمته من كلامك هو التالي
تدرس بمعهد لغة
الفئة العمرية المستهدفة ١٩-٢٣ سنة
إخوي لاتتحسر على النذل بالعكس فرقاه عيد
لو ماصادقت إلا كتابك فهو كفاية
تقعد لحالك ويقولون ماله خويا
ولا تصادق هملط ويقولون سلتوح :)

أي إنسان هو يكون علاقات مع الاخرين...

مو الصداقة تجي لعندك...

وبعدين يمكن أنه مستعجل...

وترا الابتسامة وطريقة التعامل لها دور كبير...

مثلا هذا جاك يسألك عن معنى كلمة لا تجاوبه قل عسى ماشر ((((وش مفكرني قاموس مثلا))))

الله يسسهلك امورك ويوفقك ,, بس اللي ما عجبني بكلامك هو صيغة الجمع ( السعويين في امريكا ) .. بالنسبه لي انا صارلي اسبوع في سياتل واعرف شباب كثير وعلاقتي معهم قويه وكل وآحد أحسن من الثاني الحممدلله وشباب فيهم الخخير وحب المساعده وما يقصرون أبــد .. بس ترى زي ما قالو بعض الشباب مو شرط يكونون كثير يعني حاول تتقرب من الافضل سواء 1 او 2 او 3

تدري متى تجتاج السعوديين
اول ماتجي فقط وترى فيه شباب فيهم الخير وفيه شباب الله يبعدك عنهم
لاكن شد حيلك بدراستك ولاتهتم بالأصدقاء
لأن الغالبيه العضمى < ركز عليها (حقين مصالح )
يعني لولا المصلحه ماسلم عليك اصلا


لذالك انا انصحك لاتهتم بموضوع الأصدقاء كثير

اقتباس:

---

المشاركة الأصلية كتبت بواسطة bandar.sa

تدري متى تجتاج السعوديين
اول ماتجي فقط وترى فيه شباب فيهم الخير وفيه شباب الله يبعدك عنهم
لاكن شد حيلك بدراستك ولاتهتم بالأصدقاء
لأن الغالبيه العضمى < ركز عليها (حقين مصالح )
يعني لولا المصلحه ماسلم عليك اصلا


لذالك انا انصحك لاتهتم بموضوع الأصدقاء كثير

---

كلامك منطقي

كلنا راحين نتعلم للغه وندرس

مو رايحين ندور علاقات وصدقات

ياصحاب الموضوع لو انا منك شوف لك غير فرند وتخاويها وتعلمك لغه وتطلع معها بالويك اند وتفل امها هههههههههههههههه

شباب ترى امزح لاتصدقوني