حوار السكن مع عائله : أبغى تجاربكم ؟ هل احد استفاد ؟!!!!

بهذي والله انك صادق لأني عندي عيال عمي الصغار < امريكان
مايحتسون عربي ابلش لاجيتهم مادري وش اقول لهم ماغير ابوهم يترجم لي > يافضيحتي











طيب يعني انت الحين مؤيد للعائله وحاطها من الضروريات ؟ ولا تتوقع تمشي اموري كذا !!!!!

بالعربي العوائل انت وحظك

انا سكنت مع عائله شهر بس وش اقول وش اخلي انا اول مره اسكن مع عائله بس ماظن اني راح القى عائله مثلهم فالزحف والهستره اللي فيهم ونفس الشي الاحترام.

ياشيخ لدرجة ان الام تسمع بالكبسه وتعرف ان السعودين يحبون الكبسه واصرت انها تتعلمها وفعلا مادري في يوم من الايام الا وهي مسويه لي احلى كبسه امريكيه

تخيييييل انو اذا كانو بيرحون عند احد مثل جيرانهم او اقاربهم يقولون لازم تروح معنا عشان نوريهم ولدنا الجديد هههههههههه

طبعا هم يسون فطور والعشاء
والغدا انت بتكون بالمعهد ومع ذلك ام العائله تقول بسوي لك غدا وخذه معاك بشنطتك تخيل يعني شلون تعاملهم ولطفهم معاي

بقولك شغله على مسالة تعلم اللغه
العائله لاتفكر انها بتدخل اللغه براسك وبتخليك بلبل اذا انت مارغبت في تعلم اللغه وذاكرت واجتهدت بس اللي ابي اقوله انا نفس وضعك ماعندي لغه ومن يوم جيت عندهم بديت اسمع منهم جمل وكلمات وخلاص اي شي اسمعه منهم ويعلموني معناه ماراح انساها مره ثانيه , العائله تخليك تتجرا وتسولف انجليزي مو مثل لما يكون ساكن لوحدك او معاك روميت عربي


وشفني اللحين اظطريت اغير الولايه ورحت معهد للاسف ماعنده عوائل وساكن بشقه لوحدي يعني بس اتكلم انجلش بالمعهد فقط
وبصراحه عرفت قيمة العائله لانها راح تفيدك باشياء كثيره وراح تسهل لك تعلم اللغه وحط مليون خط تحت كلمة تسهل يعني الواحد لازم يشد على نفسه

واتمنى اني افدتك بتجربتي وتعرف المقارنه بين اللي ساكن مع عائله او لوحده

اتفق معاك من السطر التاسع 100%
انا لله الحمد اتعلمت بنفسي من الأفلام والمسلسلات وقاموس الكتروني
وان شالله رايح وناوي اخذ توفل دايركت

الله يعطيكم العافيه
لاكن اللي يقهرني اللي يجيني ويقول لي ان العائله مامن فائده يعني يقول لي سكن لحالك ابرك لك ؟

الله يعينك ويوفقك أخوي بندر ..

واللـه من كثر الآرإء الوآحد يتلخبط .ههههههههههه

انآ أن شآء أللـه مآشي بآول مآيو .لـ تكسآس .؛ دالأس

لكن مآدري المعهد يوفر عآئلـه ولأ لأ

وكيف وضع عوآئل تكسآس يقولون بدونز ..

كويسين ولأ جلووف .ههههههههه


بشآرك بمزآين أم رقيبـه حقهم ^^

.




للرفع ياجماعه

والله انا ساكن في شقه لحالي وحاس اني ماستفدت لاني مليت اترجم وبس وناوي انقل لمعهد في مدينه ثانيه عشان القا عائله صراحه مدري وين انقل بس مليت من الوضع اللي انا فيه اطلع كني في التحليه كل الشارع سعودين

واقول للمعهد ابي عائله يقولون مافيه عوائل في ديرتنا يعني انصحك في عائله ولا تشاور

حبييبي .. انا بقولك عني انا ..

انا ساكن عن عائلة انا في غرفه ومعاي واحد من سويتزلاند ولد عمرة ١٧ سنة في نفس المعهد معايا .. طبعن العائلة بس حرمة وحدة عمرها تقريبا اممم ٥٦ بس تشتغل وتتحرك واوك ..

بس المشكلة الي اعاني منها المواصلات يعني قبل الدوام بساعتين اصحى اخد ٣ باصات والرجعه باصين وادقها كعابي ٢٠ دقيقة .. يعني هادي المشكلة الي ممكن تخليني اغير العائلة مع اني مترردد ..

السلام عليكم
انا ما صارلي كم يوم كاتبه موضوع عن العايله
بس كل الي ردو علي قالو ان العائله مره مفيده
واعرف ها الشي بس هم ما فهموني كنت كاتبه ابي اعرف شلون احصل عائله

وانا انصحك فيها
انت جرب شهر اذا ما اعجبك ارجع لبيتك حط اغراضك بمستودع
كان استمريت معهم بيعها
وكانه ما اعجبك رجع الشقه والاغراض وحطلك مدرس خصوصي زي ما قالو
ولا تفكر بلكلفه لانه هذا هدفك اصرف علي اللغه ولا دخلت الجامعه عاد خلاص بتقل المصاريف

انا الشي الي كنت ابيه
ابي احد راح لاعائله ويقولي خوذي هذا رقمهم وكويسين ابي عائله مجربه
لاني ابي اجلس عندهم كم اسبوع قبل لا ارجع السعوديه يعني ما فيها اغير وارجع وكذا
يعني بس عندي الشهر الجاي
تكفون الي يقرا ردي وعنده اجابه ينقذني بعائله في مدينه حلوه
لاني ما عندي معهد بس بروح عشان اقعد عندهم

الله يسهل لك امورك
جاري البحث عن اجابه شافيه


والمشكله اني اشوف اغلب الشباب يطلعون من العوائل ويسبون فيها بصراحه انا محتار ولاكن مثل ماقلتي بجرب شهر جاز لي الوضع كان بها ماجاز اللهي عين نغير وش ورانا