مبتعث فعال Active Member
الولايات المتحدة الأمريكية
bandar.sa , ذكر. مبتعث فعال Active Member. من السعودية
, مبتعث فى الولايات المتحدة الأمريكية
, تخصصى KSA
, بجامعة KSA
- KSA, KSA
- السعودية
- Nov 2009
المزيدl April 9th, 2011, 11:32 AM
April 9th, 2011, 11:32 AM
.
.
.
السلام عليكم ورحمة الله وبركاته
ودي تفيدوني شباب بخصوص العائله
للأسف انا سئلت اكثر من شخص من هم في امريكا ولا كن قال
ماتستفيد من العائله ومدري ايش والأكل يارب لك الحمد
والنفسيات وووووووووووالخ
فـ اخترت السكن بشقه لحالي
وبصراحه احس اني استعجلت
لأني استاجرت شقه + تأثيث كامل بحوالي 3500 دولار
ونصحني احد الأخوان وقال لي ترى ماراح تستفيد شئ نهائيآ وراح تبقى لغتك واقفه بدون تطور
فـ انا ابي ناس مجربين سكنو عند عائله وابي ناس لم يسكنو عند عائله
وش تشورون علي
هل اكسر العقد وابيع اثاثي واشوف لي عائله ؟
او وش اسوي لأني ابي اخالط
.
والله شف ياطويل العمل ..
انا ماجربت لكن اسمع من الشباب لاجو يسولفون ..
فيه عوايل ( مب فاضيه لك ومحتاجه فلوس )
وفيه عوايل تعتبرك مثل ولدهم .. يسولفون معك ...الخ
انت وحظك عاد ,,
وما انصحك تروح لعائله ساكن معهم احد .. لان فيه عوايل بيتهم كبير ويحطون عندهم اكثر من شخص يسكن عندهم
واهم شي شف العائله وش نظامها لان بعضهم يشرط عليك تجلس بالبيت ماتتاخر عن 9 الليل ومن هالكلام .. بيقروشونك يعني
وبيني وبينك حرام تبيع الاثاث والشقه وانت توك مضبطها ..
انا عني ساكن لحالي ومصادق لي كم واحد من المعهد اطلع معه بشكل شبه يومي وتلفونات بين بعض ..
والحمد لله استفدت منهم كثير في السبيكنق ..
فـ افضل لك تصادق لك كم واحد اجنبي كويس ,,
وفيه طريقه حلوه بس يمكن صعب تحصلها تضبط معك ..
وهي سكن الروميت ..
فيه بعض العماير يأجرك سكن روميت تروح تسكن مع كم شخص اجنبي بسويت واحد او يمكن مع شخص ثاني اجنبي بغرفه وحده ,
عاد انت وحظك ..
تلاقي امريكان يدرسون بجامعه ويسكنون فيها لانها رخيصه ,,
بس عيبها الحمام المشترك والاشياء هذي ..
DnDoRy April 10th, 2011, 06:56 AM
7 " ياسلام عليك
وانا رفضت سالفة الروميت عشان الأشياء هذى
الحمام الله يعزك والأكل
وانت ادرى كيف طريقة استخدامهم للحمام أيضآ لما اسير على بعض الأخوان السعوديين اللي ساكنين بـ روميتات كلهم يشكون مشكلة الحمام والوصاخه وطريقة استخدامهم لها
بخصوص الأثاث والله اني ماودي افرط فيه لأني كل شريته حسبت حساب 5 سنوات يعني اخذت افضل شئ
اما بالنسبه للصداقه مشكلتي جديد على اللغه ولا عندي شئ ابد يعني يادوب حافظ لي كم كلمه وبصراحه سيئ بشكل كبير يعني ماقدر اتكلم ون تكلمت ارتبك ولا افهم وش يقولون وووووالخ
يعني جديد ......
سمعت من احد الأخوان يقول انه افضل شئ العوائل اللي تكون بعيده عن الجامعه يعني احتاج سياره واانا حاليآ جالس ابحث عن سياره
فيقول لي دامها كذا اشتر لك سياره ودور عوائل تكون بعيده عن الضوضاء والزحمه ويكونون بأطراف المدينه حسب كلامه عوائل محترمه
فـ مدري وش وضعها
مشكور يالغالي ولا زلت انتظر المشاركه من الأخوان المجربين
bandar.sa April 10th, 2011, 07:33 AM
7 " السلام عليكم ورحمه الله وبركاته ...
هلا بك يالغالي, بما انك ساكن لحالك ومرتبط بعقد شقه, ومرتاح بالاثاث الجديد , لا تروح لعائله لان عندي لك الحل اللي يكفيك من العائله . فيه بعض النصايح ودي اقدمها لك ولجميع طلاب اللغه.
كل ولايه في امريكا فيها مدرسين خصوصيين يدرسون الساعه تكون بين 5,10, 15, لذلك خذلك مدرس خصوصي يجيك ساعتين فاليوم يتكلم معك ويشرح لك ويساعدك في حل واجباتك...الخ وابحث عنهم فالنت وأسأل وتحصلهم ان شاء الله.
لذلك يومك يكون على النحو التالي: دوام فالمعهد +( بعد المعهد) مدرس خصوصي ساعتين + ساعه قراءه 5-10 صفحات وترجمه الكلمات اللي ماتعرفها+ساعه استماع الى قصص اطفال او اخبار والكلمات اللي ماتعرفها تترجمها وتحاول نطقها+ ساعه كتابه يومياتك ولازم تضيف كلمات جديده كل مره تكتب + ساعه فراغ وراحه + نوم = بعد 6 شهور راح تشوف الفرق وتدعي لي.
الله يوفقك وييسر امرك امين......
يالله الخيره April 10th, 2011, 07:43 AM
7 " انا بالنسبة لي الحمد لله مستفيد من العائلة بالطول و العرض ، كفاية اني بسمع طريقتهم في نطق الحروف و الكلمات ، هذا اهم شي ، لاني بالمعهد بشوف ناس تتكلم لكن للاسف تحس الي يتكلم بنقالي توه متعلم انجليزي ( مع بعض الاكشن و هز الراس و اليدين طبعا ) و بعضهم لما يتكلم تحس انه يتكلم عربي !! فمثلا تحصلة يكرر الكلمة كم مره و بنبره صوت معينة كانه يتكلم عربي لكن بالانجليزي ؟! ، في بعض الاشخاص يفكر بالعربي و ينطق بالانجليزي بمعني تلاقي كلامة الانجليزي مقلوب ..
فأنت حاول على الاقل تسمع كيف العائلة او الاشخاص يتكلموا ، او ادخل على اليوتيوب و ابحث عن الدروس و دروس تعلم النطق علشان تعرف مخارج الحروف ، ولا تنسى تركز بالله على مشكلة الـ b و الـ P عند اغلب او كل السعوديين هههههه
إياد العنزي April 10th, 2011, 08:19 AM
7 "
April 9th, 2011, 11:32 AM
..
.
السلام عليكم ورحمة الله وبركاته
ودي تفيدوني شباب بخصوص العائله
للأسف انا سئلت اكثر من شخص من هم في امريكا ولا كن قال
ماتستفيد من العائله ومدري ايش والأكل يارب لك الحمد
والنفسيات وووووووووووالخ
فـ اخترت السكن بشقه لحالي
وبصراحه احس اني استعجلت
لأني استاجرت شقه + تأثيث كامل بحوالي 3500 دولار
ونصحني احد الأخوان وقال لي ترى ماراح تستفيد شئ نهائيآ وراح تبقى لغتك واقفه بدون تطور
فـ انا ابي ناس مجربين سكنو عند عائله وابي ناس لم يسكنو عند عائله
وش تشورون علي
هل اكسر العقد وابيع اثاثي واشوف لي عائله ؟
او وش اسوي لأني ابي اخالط
.