الأعضاء الإشتراك و التسجيل

الملتقيات
ADs

تم رفض التأشيره ...!!!! تكفوووووون ساعدووني لاعدمتكم

تم رفض التأشيره ...!!!! تكفوووووون ساعدووني لاعدمتكم


NOTICE

تنبيه: هذا الموضوع قديم. تم طرحه قبل 2473 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية رماد احساس
    رماد احساس

    مبتعث مجتهد Senior Member

    رماد احساس السعودية

    رماد احساس , ذكر. مبتعث مجتهد Senior Member. من السعودية , مبتعث فى السعودية , تخصصى ميكانيكا إنتاج , بجامعة جامعة بر الوالدين
    • جامعة بر الوالدين
    • ميكانيكا إنتاج
    • ذكر
    • Ireland, Galway
    • السعودية
    • Mar 2010
    المزيدl

    April 10th, 2011, 11:41 PM

    السلام عليكم ورحمة الله وبركاته

    ياخوان انا اليوم كانت مقابلتي بالسفاره الامريكيه بالرياااااض

    تاريخ 10/4/2011 الساعه 8 الصباح

    وعند اخر عتبه رفضو التأشيره الله لايوفق هالفلبينيه قولو آآآآمين

    كنت جايب كشف حساب + شهاده بنكيه

    سبب الرفض مادري هو من جوابي والا منها هي

    لأن كشف الحساب ودعت بحسابي 100 الف ريال وكان قبل بحسابي 21 الف ريال

    اول ماودعت الــ 100 الف سويت كشف حساب وصار تاريخ الايداع بنفس تاريخ الكشف

    سألتني سؤال قالت مين بيدفع لك فلوس ,, قلت انااا اللي بدفع ... قالت طيب وين الخطاب من العمل !!!

    قلت ماني موظف ,, قالت طيب من وين لك الفلوس عشان تدفع !!!!!! باللحظه هذي صدمني السؤال وتلخبطت شوي :|

    قلت معي فلووس ,, قالت طيب من ووووووين لك الفلوس من وين جبتهم ... تلخبطت زياده << لان الفلوس كنت متسلفهم وبنفس الوقت مادري وش يبي سألها :|

    وشافتني تلخبطت وجلست شوي تتصفح كشف الحساب ,, وهي تعطيني الاوراق وهي متردده بعد حتى نست الجواز عندها واخر شي عطتني الجواز

    قالت ماعليش ماقدر اعطيك تأشيره !!!!! قلت والسبب ...؟؟ قالت كشف الحساب بالبدايه مبالغ ضعيفه وفي نهاية الكشف مبلغ جامد !!!

    قلت يابنت تكفين منا والا منا قالت ماعليس ايام سوري ,,, وانا اخذ قشي وامسسك الباب

    واروح على طووول واسوي حجز موعد ثاني سويته بتاريخ 25/4/2011 الساعه 8 الصباح

    واللحين مادري وش اسوي عندي عدة خيارات ودي اشوف رايك وش يناسبني وش مايناسبني ....؟؟

    قبل الخيارات ودي اسألكم ...........؟؟

    س/ هل المقابله الاولى ورفض تأشيرتي راح تكوون نقطه سوداء علي والا شلون ....؟؟
    لأن الموظفه الأولى مشتني واموري مشت بالسليم بعد ماخذت بصماتي وحولتني لهذي الله لايوفقه .. هذي اشوفها تطقطق بالكمبيوتر عندها وبصمتني بعد

    وبعدين رفضتني ,,,,,,,!!!!! مادري هل راح تكون عائق لي هذي والا لا .....؟؟؟

    نرجع للخيارات اللي عندي ...!!

    1- عندي اخوي موظف اقدر اخذ منه كشف حساااب ....؟؟ وهل ضروري اني اجيب خطاب من عمله ...؟؟ لان الخطابات عندهم تتأخر ومايطلع الا بعد موعدي بالسفاره

    اذا مو لازم خطاب تعريف بالراتب حلوو على حلوو واذا لازم الخطاب هذا الله يعيني اشوف الخيار الثاني ,,,, (وهل ممكن اني اقولهم ان اخوي مو موظف وانه يشتغل اعمال حره ..؟ تمشي عليهم ..؟)

    2- عندي ولد خالي عزيز علي ومايرفض لي طلب مهندس وماسك منصب رئاسة بلدية ,,, اقدر اخذ منه كشف حساب او شهاده بنكيه وتمشي اموري ..؟ والا لازم يكون ابوي والا اخوي ....؟؟؟
    اذا ممكن اخذ من ولد خالي فالأموور ان شاء الله انحلت وسهله واذا مستحيل تمشي من ولد خالي الله يعين واشوف خياري الاخير

    3- الخيار الاخير اني اودع الفلوس بحسابي واطلع كشف حساب من جديد وادرعم عليهم مره ثانيه

    تكفوووووووون لاتمرون على الموضوع وتطنشووونه تكفوون افزعولي ابي اشوف اموووري قبل تتعقد بالمررره لان لو يضيع علي يوم واحد كأنه سنه راحت علي

    مابقى شي على المقابله الثانيه

    ملاحظه اخيره :
    انا كتبت يوم احجز موعد انه اخوي اللي بيتكفل بالمبلغ ,, طيب واذا جبت الكشف من غير اخوي يعني من ولد خالي اذا عادي او انا نفسي والا لازم اللي انا كتبته بالبدايه هو اللي بيتكفل ماحد يحل مكانه ..؟؟


    اتمنى اتمنى من كل قلبي اني اشووووووف ردود تشيل الهم اللي بصدري تكفوووووووووووون وربي انها قافله معي بالمررره

    استغفر الله واتوب اليه ,, استغفر الله واتوب اليه ,, استغفر الله واتوب اليه

    لا املك سوى الدعاء لكم

    بنتظاركم
  2. شوف انا اعرف ناس واجد صارت معهم نفس سالفتك وبعطيك مثال شخص قريب لي :

    1- اخذ مبلغ وقدره 70 الف ريال واودعه بحسابه وبعد ماطلع كشف الحساب بعد 24 ساعه على طول سحب المبلغ مع العلم ان المقابلة باقي لها اسبوعين , يعني ماراح يشوفون هل عندك فلوس ولا لا اهم شي تجيب لهم الضمان البنكي او الشهادة البنكيه انك قادر على المصاريف او اخوك او عمك او خالك او ابوك او ولد عمك ومن نفس البنك الى عليه الراتب حقه يحطون اسمك واسمه فقط انه يضمنك مالية فقط مجرد كلام على ورقة , وممكن يطلبون كشف حساب 3 شهور مثل ماطلبو من الشخص الى اتكلم عنه بالظبط .
    2- طلبو منه الشهادة البنكيه + قال من بيتكفل بمصاريفك قال خاله وطلبو منه كشف الراتب حق خاله وهو لا خاله ولا يحزنون ولد عمه فهمت .... المهم اخذو الاوراق وقالو توكل على الله واسبوعين والفيدكس يتصل عليه يقول تعال لك بريد ولا الفيزا *




    لكن انت الله يهديك يوم قالو من وين لك الفلوس تلخبطت ,, هنا قالت شكله ماراح يسدد المصاريف وعشان كذا رفضو الطلب حقك ,,

    الحلول الى انصحك فيها الان تجيب
    1- شهادة بنكيه بنفس المبلغ او مبلغ يتجاوز 70 الف ريال وتخليها بأسم اخوك الموظف (فيه بعض البنوك صيغة الشهادة البنكيه جاهزه وبعضهم يكتبونها على الورود لذلك انصح ماتاخذ الجاهزه عشان يكتبون اسم صاحب الحساب واسمك معه مجرد نصيحة )
    2- تعريف بالعمل لازم عشان يعرفون هل اخوك راح يقدر يسدد مصاريفك ولا لا وفيها كم راتبه وكم صار له موظف .
    3- كشف حساب اخر ثلاث شهور من نفس البنك
    * تقدر تكلم ولد عمك ويعطيك الضمان والاوراق نفس اخوك دام اخوك راح يتأخر العمل في اعطائه لورقة التعريف واذا سألتك قول خالك الى يتولى مصاريفك مالهم شغل اهم شي نفس اسم العائلة , (البنك ماراح يحط صلة القرابة راح يحط اسمك واسم صاحب الحساب وهذا هو المهم ) .

    هذا والله اعلم والله يوفقك
    7 "
  3. طيب يالاخوان كويس الاخ منزل موضوعه وان شاء الله تنحل مشكلته

    انا الحين موعد مقابلتي قرب بالسفاره الامريكيه طبعا انا موظف بالفتره الحاليه وراح طلع الامريكا درس على حسابي الخاص
    كل الاوراقي كامله (القبول المشروط للجامعه +I-20 + الشاهده البنكيه +السيفيس +الورقه الصفرا حقت بنك سامبا كلها حطيتها بملف واحد حق السفاره مرتبهم )

    ودعت مبلغ 40 الف ريال يعني 10 الف دولار طلعتها من البنك السعودي الفرنسي بالخبر
    ويه كشف حساب الي فيه رواتبي تنزل بشكل شهري ومع اخر مبلغ ودعته الي هو 40 الف وطلعت موجبه الشهاده البنكيه
    ثاني يوم والكشف حق 4 شهور هل شغلي كذا تمام او لا
    طلعت بالشهاده البنكيه لان كل الي راحوا الاويه هذي حطوا مبلغ 40 الف قصى حد الي هو 10 االف دولار ومشت امورهم تمام التمام

    انا ماخذ اجازه بدون راتب وبسافر الامريكا درس

    يحتاج اخذ من الشركه خطاب تعريف براتي وسنوات الخبره او لا ياليت تفديوني وهل الخطاب يكون بالانجليزي للسافره الامريكيه

    عشان ماطيح بنفس مشكله الرجال صاحب الموضوع ياليت تفديونا يالاخوان تكفون

    موعدي قريب بالسفاره الامريكه بالظهران
    7 "
  4. السلام عليكم..

    يالله عساها خيره وان شاء الله في المقابله الثانيه بتضبط امورك وبيعطونك الفيزا..

    اولا انصحك تكتب موضوعك بقسم التأشيرات..

    وثانيا انصحك تاخذ شهاده بنكيه من اخوك او ولد خالك واذا سالوك منهو الي بيتكفل بمصاريفك قلهم فلان او علان عشان تبعد عن الاساله الي مالها داعي مثل من وين لك الفلوس وهل انت موظف وغيرها من الاساله الروتينيه والمهمه والي بتمر على اي واحد بيسوي المقابله..الا اذا انك موظف وراتبك جيد هنا يتغير الموضوع لكن اتبع هالنصيحه وحاول قبل ماتروح تشيك على المواضيع وتجارب الاخوان وتشوف الاساله عشان تاخذ فكره عنها وتقدر ترتب اجابتك بحيث تصير مقنعه..

    وبالنسبه لشخصيه مستهدفه اذا انت كنت موظف اهم شي بالمقابله يكون معك تعريف بالراتب وسنوات الخبره لانها مهمه جدا جدا واذا قدرت تدبر مبلغ زياده يكون افضل والله اعلم..

    واتمنى من اي شخص عنده مقابله بالسفاره يقرأ مواضيع وتجارب الاخوان بالقسم..

    موفقين جميعا
    7 "
  5. انا اليوم كانت مقـآبلتي معكـ .. رحت لذيك الشـقرآ .. كاونتر 9 >> انا يوم شفتها كش شعر راااسي من كثر ما يسبونها الشباب يقولونها انها مستلعنة ههههههه
    خذت مني اوراقي وسألتني وين رايح وش بتدرس
    يوم وصلنا للمتكفل بدفع تكاليف دراستك >> ايوآآآآآ .. هنا قلت بس شكلها بتزلحقني بنت اللذين
    > قلت لها انا مبتعث على حساب الملك عبدالله ..
    > قالت لي ماعندك شئ يثبت ؟
    > قلت لها لاااا
    > قالت ولا حتى رقم الضمان
    > قلت لها ولا حتى رقم الضمان
    >>>> قااعد اتحرى متى تقولي خذ عفشك وسقهاا
    الا تعطيني ورقة صفرا وتقولي جب رقم ضمانك المالي وارسله على ايميل السفارة و خلاص
    >>> اخذت منى اوراقي مع جوآزي ..

    انشاء الله خير بس ..

    \

    اخوي هونها وتهون .. والله الامور سهالة .. وحاول تاخذ لك موعد طوارئ بعد يومين .. وسو مثل ماقالو لك الشباب .. اتمنى لك وللجميع التوفيق انشاء الله
    7 "
  6. شخصيه مستهدفه ايه لازم تاخذ معك خطااب من الشركه وعااادي الامور تساهيل والله ,


    يوم تعبي الاستمارة الى بالنت حطيت انك طالب ولا موظف على حسب ترى بس الاحتياط واجب لايدققون على شي مايسوى , اخذ تعريفك والاجر على الله

    , بتقول لك من وقت تخرجك الى هالوقت وش كنت تسوي .؟؟ نفس ماصار معي . جبت معي خطاب مختوم عاادي تشوفه وترجعه لك

    الخطاب فيه اسمك ومدة عملك وراتبك بس مو صعب ولا شي واذا تبي صيغه بخدمك ابشر , بس لازم تاخذ معك خطاب
    7 "
  7. [QUOTE=شخصيه مستهدفه;2750584][COLOR=red]طيب يالاخوان كويس الاخ منزل موضوعه وان شاء الله تنحل مشكلته

    انا الحين موعد مقابلتي قرب بالسفاره الامريكيه طبعا انا موظف بالفتره الحاليه وراح طلع الامريكا درس على حسابي الخاص
    كل الاوراقي كامله (القبول المشروط للجامعه +I-20 + الشاهده البنكيه +السيفيس +الورقه الصفرا حقت بنك سامبا كلها حطيتها بملف واحد حق السفاره مرتبهم )

    ودعت مبلغ 40 الف ريال يعني 10 الف دولار طلعتها من البنك السعودي الفرنسي بالخبر
    ويه كشف حساب الي فيه رواتبي تنزل بشكل شهري ومع اخر مبلغ ودعته الي هو 40 الف وطلعت موجبه الشهاده البنكيه
    ثاني يوم والكشف حق 4 شهور هل شغلي كذا تمام او لا
    طلعت بالشهاده البنكيه لان كل الي راحوا الاويه هذي حطوا مبلغ 40 الف قصى حد الي هو 10 االف دولار ومشت امورهم تمام التمام

    انا ماخذ اجازه بدون راتب وبسافر الامريكا درس

    يحتاج اخذ من الشركه خطاب تعريف براتي وسنوات الخبره او لا ياليت تفديوني وهل الخطاب يكون بالانجليزي للسافره الامريكيه

    عشان ماطيح بنفس مشكله الرجال صاحب الموضوع ياليت تفديونا يالاخوان تكفون

    موعدي قريب بالسفاره الامريكه بالظهران


    حياك الله اخوي ولاتهتم بالموضوع انا مثلك والحين انا موجود بامريكا لي اكثر من 3 اشهر

    المطلوب

    1- شهادة بنكية بمبلغ لايقل عن 10 الاف دولار حتى لوكانت الشهادة من بنك الراجحي وراتبك على سامبا
    2- جيب معاك تعريف من العمل موضح فية متى التحاقك وراتبك الاجمالي ويستحسن كشف حساب اللي ينزل فية راتبك
    3- اهم شي تبين لها انك رايح فترة محددة وبترجع لانهم يبون الناس اللي عندهم اثباتات برجوعهم وارنباطهم بالبلد
    4- توكل على الله وخلك واثق من نفسك ولا تتفلسف سوال واجابته محدودة وطالع بعيون الشخص اللي بيسوي معك مقابلة لاتصد ولاتنزل نظرك

    7 "
  8. مرحبا اخي الكريم
    والله انا شفت موضوعك ( رفض التاشيره ) وحاب اساعدك

    1 - اول شي معك قبول من معهد شامل سكن

    2- موضوع رفض التاشيره ممكن يصير نقطه سوداء في ملفك في السفاره . يجب انك تنتبه زين في المره القادمه يعني اذا رحت في الموعد القادم يجب انك تكون جاهز .

    3 - انك تجيب كشف حساب ابنك عمك ما يمشي على السفاره (( يا اخي الكريم سفاره يعني وزارة الخارجية الامركيا )) يعني لها تنسيق مع كل الطراف

    4- هل نت بدرس على حسابك

    5- كم مدة الدراسه

    ارجو الرد على السوال من الجل اعطاءك الحل المناسب

    وشكرا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.