ماالذي تغير بك في امريكا؟

با النسبة لي بصراحة اول شي زاد تمسكي بديني وبصلاتي على وقتها في المسجد ومثل ما قلت انت صرت اغسل ملابسي طبعا انا ماعندي سكسوكة الحمدلله موس على الماشي صار عندي التزام با المواعيد اكثر من أول طبعا الطبخ انا اعتبر نفسي بدرجة شيف في الموفنبيك لأني من فترة طويلة وأنا اجيد الطبخ وايضا عرفت قيمة الريال وايضا تركت قولة ولله ماتحاسب ولله مايدفع قيمة العشاء الا أنا تخبر امريكا رأس مالية تقريبا هذا التغير الى الأن وشكرا

ربي يوفقكم وشكلنا بنخوض هالتجربه هناك بالامريكا معكم قريب
بس هل كانت تجربه صعبه بالبدايه يالاخوان لكم بكل صراحه او عاديه جداااا
اعرف شخص رجع من نيوزلاند وماطول هناك لان سبب رجعته (دلوع الامه هو ) ههههههه شكله ماقدر يتحمل التجربه هناك للحاله وهذا سبب رجعه
الي يوفقنا بالعييش والتحمل الظغوطات النفسيه بالامريكا

تصدق انا اليوم ناوي استهدفك في الردود هههههههههه اهم شي تحط في بالك انت سافرت وتغربت من اجل شي واحد وهدف واحد الي الدراسة والشهادة ولا تحسبها رحلة سياحية وفلة احجاج لا وبعزيمة الرجال كل شي يهون ومن
خاف من صعود الجبال عاش الدهر بين الحفر حط في بالك هدفك الدراسة وبس واترك عنك الطايشين الي واقسم با اللة فشلونا هم وسلاسلهم وقصاتهم الي تخوف ماتدري هو انسان ولا كاركتير

عن نفسي تغيرت 180 درجة الحمدلله الصلاة صرت اصليها كيف الواحد يبغى ربي يوفقه ومايصلي!! الحمدلله
ثانيا الوقت تعلمت منهم لمن يقول اقابلك الساعة 5:45 اكون قبلها موجود بخمس دقائق!! تعلمت اغسل ملابسي تعلمت اسوي بيض مقلي لحد الآن خخخخخ تعلمت احلق بنفسي : ) تعلمت وتعلمت ومازلت اتعلم

تعلمت قيمة ميمي.....والشاطر يعرف منهي ميمي؟؟؟

انا صرت اغسل ملابس و اطبخ لنفسي و احلق دقني بعد ما عفست وجهي عدة مرات
بس الشي رائع ان الانسان يعتمد على نفسه في كل شي حتى لو بشي بسيط

من هي؟؟؟؟؟؟؟؟؟

موضوع رائع

أنا شخصياً تغير في الكثير.

فمن الناحية الدينية أصبحت أشعر بتقربي لله عز وجل أكثر ( الأكثار من قراء القرآن )

من الناحية الشخصية فبلا شك أصبحت أعتمد على نفسي أكثر من أي وقت مضى.

من ناحية الطبخ صرت طباخ درجة 2 ( لسه مو درجة أولى لأني أعرف أطبخ بس أنواع محدودة من الطعام )

من الناحية الأخرى أصبحت علاقتي الأجتماعية محدودة

و من ناحية الدراسية أصبحت أكثر تركيز على الدراسة.

الحمدلله والله يوفقنا وأياكم

أكيد تغيرنا لكن عندنا ثوابت مستحيل تتغير ..
تعلمنا الكثير من الغربة ومازلنا نتعلم ..
التقرب إلى الله بصلاة والدعاء .. والله يحفظنـا جميعاً ..
الاعتماد على النفس وتحمل المسؤولية واحترام المواعيد ..
التحليق والطبخ وغسل الملابس "اخدم نفسك بنفسك" وكل يوم تعلم اكثر ..