الأعضاء الإشتراك و التسجيل

الملتقيات
ADs

تقرير واخرتها مع معهد ELS ، لازم الملحقية تتدخل وتشوف لها حل بسرعة !!!

تقرير واخرتها مع معهد ELS ، لازم الملحقية تتدخل وتشوف لها حل بسرعة !!!


NOTICE

تنبيه: هذا الموضوع قديم. تم طرحه قبل 2473 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. صراحة هذا الكلام سمعتة من كثير انا واحد من الشباب يقول لي جلس يحفر لمدة 8 اشهر وباقي بلفل 2 بالله عليكم هذا مو ابتزاز لا المشكلة وصدقوني هذه في عموم المعاهد في امريكا كلها الطالب السعودي مصدر دخل لهم تبي يمشونة بكل سهولة لا والله انا اذكر قبل فترة في معهد LCI في دنفر جاء طلبة سعوديين وطالبات جدد قامو المدرسين يتناقزون من الفرحة لانةو جايهم ناس وراهم فلوس ولا احد يطالب بحقوقهم لا والمصيبة تختلف معاملاتهم مع الطلاب الاخرين عن الطلاب الخليجيين وبالخصوص السعوديين تدرون فية طالب الماني كان معنا وكان مايبي يدرس يوم الجمعة يروح ياخذ منهم فلوس يوم الجمعة على طول يعطونة اما السعودي يحلبونة حلب لا وزيادة يخلونة يعفن في كل لفل حتى يعدي والمشكلة اذا عدى قالو ترى حنا ساعدناك عشان تروح للجامعه عموما هذا لاينفي ان بعض الشباب يجي متاخر احيانا وفي البريك بين الحصص يمدد دقائق الاستراحة في التدخين وياخذ علوم زملائة وين راحو وويش سوو ...غير اللي يجي ناسي الكتب ولكن تدرون متى يحسون بالقهر اذا لقو طلبة سعوديين شطار وعلى الوقت ومايضيعون لا كتب ولاغيرة ولايتكلمون مع بعض عربي هنا غصب عن اطلق شنب فيهم يوقف بوجة الطالب المجتهد
    7 "
  2. آه .. وش أقول
    من متى صارت المديرة تقفل مكتبها وتنزل الفصول تدرس ؟
    يجيبوا مدرسين شغلتهم يسولفون وهم رجل على رجل على المكتب ومطلوب منك تتفاعل معهم وبالنهاية يقول اقرا القاعدة واذا في اي سؤال قول !!!
    وحده من الف اللي تشرح وتبذل مجهود في مختلف الاشياء ( كتابة , نطق اللغة صح , تطبيق القاعدات )
    رفعوا علامة النهائي عشان تخلل بالليفل اللي انت فيه , خايفين من الطلاب اللي حولوا ع معهد الجامعة بالهبل وحنا ندفع الثمن وتجي الأدفايزر الحلوة تصفقك كلام يخليك ماتعرف تنام وتضرب اخماس بأسداس وش ممكن يصير وانت تلحق بهالبعثة , بهالحلم اللي الملحقية مع المعهد ناويين يطيرونها . باقي شوي واسكن بالمعهد , بالفصل حتى !
    فوق الدوام اللي يبدا من 8 ونص وينتهي 4 صرت أحضر زيادة بونس لاب عل وعسى يرفع النتيجة . يعني وش اكثر من هالحضور ؟
    حسبي الله , حسبي الله , حسبي الله
    7 "
  3. الله يكوووووون في العووون إن شااء الله

    أمحق نظام سعودي وملحقياااات كلام فاضي

    يا أبو الشباب هد اللعب بالهداوه لأن والله أنا رساله بسيطه وجهتها للملحقيه بس قلت فيها الحق والله الملحقيه والدكاتره يدورون رقمي ويكلموني قالو حن أنجزنا مجهود سنه في أسبوعين من الملحق نفسه

    لا كن مرمطونا الله ......... قالولي إنقل ونقلت لمعهد ELS وراسلتهم أبي الضمان المالي قالو يا أبو الشباب ملغي من قبل الوزارة

    قلت ليش من البدايه موافقيلي وقلت أنا مستأجر حق شهرين قال بكل بساطه من إلي قالك قلتله حلووه يعني أداوم يوميا من مدينها الأولى إلى مدينتي الثانيه طياره
    قلت مكلم الملحق بنفسه و وافقلي قال خير إن شااء الله أكلم الملحق إذا كان الكلام صحيح اوافقلك

    ليه الدنيا فوضااا لو ملغي على كيفكم بس نظااام في الهوااااااااااااااء
    وإذا كتبت رساله حق قالو بيباي برلين ما فيه بعثه ابسط حل والمسؤول الحق معه في كل الأوقات
    يا زين النظام الأمريكي مافيه رشوه ولا واسطه

    إن شااء الله لما أصير الملحق الثقافي أبشر بالدلع قولي إن شااااء الله وبالله يا المعقب لا تسوي حظر لي لأن الدنيا سهالات
    7 "
  4. ماقصرتو بصراحة
    كفيتو ووفيتو يااخوان وياخوات

    اثريتو الموضوع بأرائكم وتجاربكم
    لدرجة ان ماعاد باقي كلام ينقال اكثر من هذا

    بس السؤال مازال مطروح
    وش نسوي مع هل معهد البلشه ؟؟

    بالنسبة للملحقية ودورها ومسئولياتها اتجاه معاهد ELS ، فأنا يكفيني ان الملحقيه تكون علي بينه وتعرف وش قاعد يصير مع الطلاب السعودين بهذا المعهد ، منها علشان ماتلوم الي يدرسون فيها اذا عادو دراسة المستوي اكثر من مرة ، ومنها علشان يتلاشون المشكله هذي مع الطلاب الي راح يجون بالمستقبل

    اما بالوقت الحالي ، فأنا اشوف ان الحل الوحيد ان جميع الطلاب السعوديين يتجمعون ويوحدون اصواتهم قدام ادارة المعهد ، يمكن ساعتها يصير لنا قدر وحشيمة عندهم ويستحون علي دمهم ويبطلون حركاتهم السخيفه مع الطلبه السعوديين المبتعثين
    7 "
  5. الملحقيه ليست مع الطالب
    لو إنها مع الطالب تسأل عنك كيف مستواه الإستفاده مستفيد ولا بس يداوم يرز بوجهه

    قائمه موجوده بأسوى المعاهد وأكثر الطلاب السعوديين فيها ليه ما يكلمونهم ويقولون إطلعو من المعهد
    الوقت يمشي والبعثه تدق الطبلون ويبقون بس مده انا للغه ترووح

    ما فيه مسؤولين يقومون بالواجب ولا النظام
    7 "
  6. انا ما شفت الموضوع كامل و قريت البداية

    من جد لازم الملحقية تشوف لي حل في المعهد هذا ELS من جد كسر ضهري بالمواجبات و المدرسين مستقصدينني في الاجابات و التقارير الكتابية و الشفهيه !! لدرجة انه صاروا يقولوا لي لازم تستخدم الـ ( الايدمز - التعابير ) مع العائلة .
    اما سقوط السعوديين بمعهدي .. من جد وضع مخزي و حدث ولا حرج و كلة بسبب ELS ، يعني الي طاقها بارتي بشقتة و مجمع البرازيليات كل ليلة ، او الي طاقها جلسه مع العرب و السعوديين طول اليوم و ماينطق انجليزي ، او الي جالس يحاول يستخف دمة علي المدرسين ، او الي وصل الي المستوى السادس و والذي نفسي بيدة مايعرف يركب جملة و يحسب ان كلمة free معناها " حر " رغم انها تستخدم لـ " مجاني " ، و تقاريرهم مخزية حتي الشفهيه ، فوالله انه الشهر الي راح ماشفت احد يضحك و يتونس قد السعوديين بمعهدي ( الراسبين في المستوى ) !!

    من جد الملحقية لازم تتدخل علشان تفكنا من هذا المعهد ، ( انه رجسا من عمل الشيطان )

    .......

    لو اني ما ادرس في ELS و عندنا نقص معلمين كبير يعني المدرس يدرسك من 101 الين 112 كان صدقتك ، و انا ملاحظ ان السعوديين هم الوحيدين الي يلعنوا المعهد ، لكن الاجاب راضيين !! ، الحل بسيط انك تنقل لفرع ثاني ، و ترا السعوديين يلعبوا ( فيديو جيم - العاب فيديو ) يعني اذكياء <<< اتمني وصلت و الي فهمها بتنخر عظمة ، و اللبيب من الاشارة يفهم و الـ .... بالترفيس مايفهم
    7 "
  7. المشاركة الأصلية كتبت بواسطة CSL
    :
    اما بالوقت الحالي ، فأنا اشوف ان الحل الوحيد ان جميع الطلاب السعوديين يتجمعون ويوحدون اصواتهم قدام ادارة المعهد ، يمكن ساعتها يصير لنا قدر وحشيمة عندهم ويستحون علي دمهم ويبطلون حركاتهم السخيفه مع الطلبه السعوديين المبتعثين
    اهم شي يتجمعوا و اشوفهم يوم الجمعه في المسجد !! طلاب معهدي بشوف منهم ٣ او ٤ في صلاة الجمعه وين الباقي ؟ الله ما اراد لي اصلي الجمعه هذه الاسبوع في المسجد لكن اراد لي اني اشوف بعيني الي جالس يحضن البنات بوسط الشارع و الي جالس يعزم عليهم يوصلهم و ( الخاروف ) الي عازمهم غلي الغداء !!

    اهم شي يتقوية اللغة !!
    7 "

  8. mwa6n
    هنا الوضع غير غير غير
    المدرس يستخدم سياسة الباب المفتوح بمعنى تبي تدرس ادخل تاخرت يسجلك غاىب بدون مايتناقش معاك ولا يتعب نفسه
    الكلام هذا انا كتبته في اغلب الردود
    لان الشباب يمزحون في الفصل يتكلمون بالعربي ينكتو على الموجودين يخروجون للتدخين
    المدرس شغال بالصمت يغيب ويكتب ملاحظاته للاداره

    تراتيل الفرح
    نا مااكذب صاحب الموضوع لكن في فئة تفشل
    متبعة سياسة"ضربني وبكا سبقني واشتكى"!
    المهم انا بشوف أي شخص مجتهد يقدر يوقفهم عند حدهم من خلال احترامه لنفسه + مطالبته بورقة الاختبار
    + "ياغريب كن أديب"!

    إياد العنزي
    اهم شي يتجمعوا و اشوفهم يوم الجمعه في المسجد !! طلاب معهدي بشوف منهم ٣ او ٤ في صلاة الجمعه وين الباقي ؟ الله ما اراد لي اصلي الجمعه هذه الاسبوع في المسجد لكن اراد لي اني اشوف بعيني الي جالس يحضن البنات بوسط الشارع و الي جالس يعزم عليهم يوصلهم و ( الخاروف ) الي عازمهم غلي الغداء !!

    والله كل كلامكم صح ، في شباب سيئين جدا ، بس لاتنسون ان في بنفس الوقت ناس جاده جايه تتعلم وتدرس ، ومن الظلم انها تأخذ بجريرة غيرها ، وهذا الشي طبيعي وينطبق علي طلاب كل الجنسيات الي تدرس بالمعهد ، واي واحد يدرس بالمعهد فأكيد انه شاف بعينه اهبال البرازليين والفرنسيين ، والسوال هل تعتقد ان ادارة المعهد تتعامل معاهم مثل ماتتعامل معانا احنا السعوديين ،سواء من الناحية التعليمية اومن ناحية الاحترام الشخصي بالتعامل معانا أو من ناحية انها تعطينا الدرجات والمستويات الي نستحقها !!!

    عاشق الذيب
    الملحقيه ليست مع الطالب
    لو إنها مع الطالب تسأل عنك كيف مستواه الإستفاده مستفيد ولا بس يداوم يرز بوجهه

    قائمه موجوده بأسوى المعاهد وأكثر الطلاب السعوديين فيها ليه ما يكلمونهم ويقولون إطلعو من المعهد
    الوقت يمشي والبعثه تدق الطبلون ويبقون بس مده انا للغه ترووح
    ما فيه مسؤولين يقومون بالواجب ولا النظام

    والله ياخوك ياعاشق الذيب ، انا ماودي اني أرمي كل الوم علي الملحقيه ، بس بنفس الوقت ما أبرئها من مسئولياتها اتجاه الطلبه المبتعثين ، بس المحلقيه عندها الي مكفيها ، خاصه بالوقت الحالي ، محيوسين ومخبوصين مع عدد الطلاب الكبير الي قاعد ينكب عليهم كل فصل ، واذا تبغانا ننتظر لحد ما لملحقية تتحرك وتشوف لنا حل مع المعهد فغني ياخوك ياليل مااطووووووووووولك ، وخذها مني ياخوك انها أول شي راح تسويه اذا تحركت بهذا الموضوع انها تحمل كامل المسئوليه مثل العادة علي للطلاب السعوديين وتوقف بصف ادارة المعهد ( علي قول المثل ابوي مايقدر الي علي امي ) ومثل ماانت عارف احنا الحيطه الأضعف في الموضوع لان ماورانا ظهر يدافع عننا وعن حقوقنا
    ، ولا تستبعد بالاخير انهم يحملونا احنا الطلاب المسئوليه وهاتك ياساعتها انذارات وتعهدات وايقاف ابتعاث ووووووووو وساعتها نرجع مره ثانيه لمرمطة الواسطه في الرياض علشان يرجعونا للأبتعاث

    فلازم احنا الطلاب مانشطح بتفكيرنا و ننسي القاعده العامة الي قاعدين يسمعونها لنا الملحقيه بالطالعه والنازله وهي ( احمدو ربكم انكم ابتعثتو علي حساب الحكومة ، غيركم بالاف بالسعودية يتمنونها وجالسين الحين علي مقاعد الانتظار )



    وخاصة مثل ماشرحت لك في بداية الموضوع ، ان ادارة المعهد محصنه نفسها بتعهدات وانذارات اشكال والوان الزمت الطلاب السعوديين علي التوقيع عليها

    ابوسـعود
    الواضح للأسف ان المشكلة في إدارة ELS الرئيسية لأنه من غير المعقول بجميع الفروع توجد شكاوي للطلبة السعوديين على الزفت ELS الي ماحد يستفيد منه معلومة ولا يتقدم أي خطوة للأمام إلى بأجتهاد شخصي 100% .

    في اوهايو قبل شهر تم اغلاق احد فروع ELS
    وفي وايومنج تم رفع شكوى جماعية من قبل الطلاب السعوديين مع الأضراب عن الدراسة في بداية السشن مما استدعى تدخل الشرطة ! و وصول مديرة معاهد ELS كافة للأستماع لكافة شكاوي الطلبة السعوديين , وكانت النتيجة فعالة وسريعه من خلالها تم طرد مديرة المعهد وتغيير الطاقم الإداري بالكامل .

    نظرة ELS للطالب السعودي مصدر دخل دائم سهل الأمتصاص دون أي حسيب ولارقيب من أي جهة رسمية ( وهذه سبب التمادي الحاصل )
    هل تعتقدون ان لهم شريك بداخل الملحقية ؟ او من المشرفيين الدراسيين ؟ لا أخفيكم بدأت اشك بكل شيء حيث نسبة الفشل والشكاوي الموجهة ضد ELS مرتفعة إلى الحد غير المعقول ! هل من المعقول ان يتم تجاهل كافة شكاوي الطلاب على مختلف الولايات
    دون فسخ العقد بين الملحقية الثقافية بأمريكا وإدارة ELS او لمجرد سؤال ونظر بشكاوي الطلاب؟

    انا اتفق معك ياخوك ابو سعود ، وانا ميال لفكرتك وشكلي راح اسويها
    هذا هو الحل الوحيد ، وكل الي أتمناه ان الملحقية تكون متفهمه ومتعاونه مع اخوانهم وخواتهم الطلاب





    7 "
3 من 4 صفحة 3 من 4 ... 234
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.