جامعات أمريكا وماأدراك ماجامعات أمريكا,,,,,,,,,,,,,,,,,,,,

ياجماعه كيف حالكم انشاء الله طيبين؟؟؟؟؟؟؟؟؟؟؟؟؟


جامعات امريكا وما ادراك ما جامعات امريكا , ناس دقيقين جداً , يدققون بكل شيء , حتى التسجيل الاون لاين بفلوس وفيه بعض الجامعات مايقبلون الا تجيهم اوراقك الاصليه باللبريد السريع , والماستر سنتين او سنه ونصف, تعقيييييييييييييييييد

يالبيه يابريطانيا بسسسسسس, كل جامعاتهم تقدر تقدم اون لاين وببلاش ولهم عدة معيايير للقبول ويقدرون خبرة العمل والماستر عندهم بالكثير سنه

المهم مالكم بالمقارنه , انا عبيت ابليكاشن لجامعه موري وقلت لهم ان معدلي نازل وآيلتس 6 وعندي خبرة عمل وعندي وعندي , المهم قالو لي انهم حسبو معدلي التراكمي والنتيجه عدم قبولي في الماستر والعرض اللي عرضوه على هو دراسة يسمونها ( second baccalurate degree ) لمدة 36 ساعه , رديت عليهم اني لا اقبل هذا العرض وان هذا اجحاف قالو لي هذي معايير الجامعه , المهم راسلت مديرهم وبينت له وانتظر رده , حتى اني قلت له ان نصف الشباب السعودي معدلاتهم C, D

انا صراحه ماخلاني اختار امريكا الا لاجل ربعنا هل الجامعات يفضلون خريج امريكا حتى لو جبت لهم شهاده من احسن جامعه بريطانيه

المهم وش الدبره مع هالجامعه ؟ هل فيه طرق للتعامل مع هذي الجامعات ؟ هل لو خليت مكتب يراسلهم بيقبلوني والا قدمت انا والا المكتب النتيجه وحده؟

هل تعرفون جامعات لا تهتم للمعدل التراكمي؟؟؟؟؟؟؟؟؟؟؟؟؟؟؟؟؟؟؟؟

يا رجال
تعقيد مو مشكلة دام إن العدل موجود و فرصتك تبي تلقاها و عندهم مبدأ الفرصة الثانية و عندهم مبدأ إنهم يسمعون لك
مو مثل جامعاتنا دراسات عليا مجالاتها ضيقة جدا و القبول محدود جدا و الإجراءات غير واضحة و اللي موجود لا يطبق أصلا و شفافية صفر و تقدم و ما تدري ايش السالفة إلا و فجأة تطلع أسامي المقبولين من غير موعد و لا شيء
على الأقل هناك فيه احترام فيه تقدير فيه شفافية فيه وضوح فيه سرعة فيه عدالة فيه مبدأ الفرصة الثانية فيه مبدأ ابرز نفسك عن طريق خطاب الغرض من الدراسة و المقابلة الشخصية
و غير كذا أمريكا فيه فوق الـ 500 جامعة موصى بها من وزارة التعليم العالي يعني طب و تخير

أنا عندي ملاحظة و هي نصيحة في نفس الوقت
شيء ما عندك إحصائيات مثبتة فيه لا تذكره
يعني كونك تقول نصف الشعب السعودي ، هل عندك إحصائيات ؟ ترى هم في العادة ما يقبلوا رمي الكلام من دون دليل مثبت أو مصدر موثوق
و بعدين مو كلام جديد .. في الإحصاء - فرع من الرياضيات - ، فيه منحنى يسمى منحنى التوزيع الطبيعي Normal Distribution Curve ، و وجد العلماء أن كل الظواهر الطبيعية تتبع هذا المنحنى .. و هو أنه في إحصائية ما ، الأغلبية من العينة الإحصائية تقع في المستويات المتوسطة و الأقلية تقع في طرفي المعادلة ( المستوى المرتفع و المستوى المنخفض )
للتوضيح بمثال .. عندك " الناس " .. أغلب الناس ذوي معدل ذكاء متوسط يتراوح ما بين تحت المتوسط إلى فوق المتوسط ، و الأقلية أذكياء جدا و الأقلية الأخرى في الطرف النقيض أغبياء جدا
نفس الشيء بالنسبة للطلاب ، الأغلبية C و D ، و القليل ممتاز و القليل راسب

لا تعقيد ولا شى .. واغلب الجامعات التقديم اونلاين .. وبنسبه لاوراق الاصليه غباء لو ترسلهم .. كل الي عليك انك تعمل كوبي وتروح تصدقهم من اي مكتب ترجمه .. الختم يكون true copy وترسلهم عادي
وكل الجامعات بالعالم لازم تدفع فلوس الى الابلكيشن وان ذبح عمره مايزيد عن 100 دولار
لا تقيم كل الجامعات من جامعه وحده قدمت عليها