الرجاء الدخول والمساعدة ظروري
بسم الله الرحمن الرحيم
ارجوا المساعدة
انا معيد بالجامعة تخصص علاج طبيعي
ولازم اطلع اكمل ماجستير
وابغى استفسر عن بعض الاشياء وارجوا افادتي افادة كامله ومساعدتي
1- من وين اجيب قبول لغة وماجستير وكم تاخذ اجرات القبول؟؟ في مكاتب اقدر اراسلها هناك او احد يساعدني؟؟
2- الجامعة الي يوجد بها تخصصي وفي اي مدينه,,واي ولاية
3- كم المكافاءة الي اخذها هناك
4- كم تكاليف السكن , الاكل الشرب, المواصلات, احوال الطقس .
5- كم مدة دراسة اللغه للي مستواه اقل من المتوسط
6- كم مدة دراسة الماجستير لتخصصي
7- كم مدة دراسة الدكتوراه لتخصصي
تكفووووون ابي رد ظروري
رد: الرجاء الدخول والمساعدة ظروري
اقتباس:
المشاركة الأصلية كتبت بواسطة معيد علاج طبيعي
بسم الله الرحمن الرحيم ارجوا المساعدة انا معيد بالجامعة تخصص علاج طبيعي ولازم اطلع اكمل ماجستير وابغى استفسر عن بعض الاشياء وارجوا افادتي افادة كامله ومساعدتي 1- من وين اجيب قبول لغة وماجستير وكم تاخذ اجرات القبول؟؟ في مكاتب اقدر اراسلها هناك او احد يساعدني؟؟
طيب هل انت ملزم انكتجيب قبول ماستر!!!!اذا لا هات قبول لغه في جامعه بها نفس تخصصك عشان تطلع من المعهد وتدخل بنفس جامعة المعهد وهذي الحيلة المتبعه حاليا اما في خلال كم يعني لو اوراقك خالصه تراسل المعهد اليوم اليوم الي بعده هم مرسلينه لك بفديكس كلها خمسه اسام وهوعندك ماتحتاج ابدا لمكاتب اعتمد على نفسك وابحث والله يخلي قوقل
2- الجامعة الي يوجد بها تخصصي وفي اي مدينه,,واي ولاية
اول شي اكتب موافق عالرشروط ثم حط تخصصك +ماستر بس وبعدها اعمل سيرش>>
http://ru.mohe.gov.sa/Must_Read.aspx...2fdefault.aspx 3- كم المكافاءة الي اخذها هناك
1800 للطالب المفرد
4- كم تكاليف السكن , الاكل الشرب, المواصلات, احوال الطقس .
على حسب الولايه ابحث ولا تعبت ريح وابحث ثاني بدون ملل الين تلقى ولايه مناسبه لك وشوف هل فيها تخصصك ولا
5- كم مدة دراسة اللغه للي مستواه اقل من المتوسط
المده مالها دخل بالمستويات في ناس يروحون صفر ويخلصون ب8شهور وناس كويسين ويطولون للسنه والبعض يمدد ست شهور بمعنى سنه ونص وهذي الحد الاقصى لان الاصل سنه والست شهور طلب تمديد من عندك
6- كم مدة دراسة الماجستير لتخصصي
تختلف من جامعه لجامعه بس العاده 2
7- كم مدة دراسة الدكتوراه لتخصصي
مالي علم والله
تكفووووون ابي رد ظروري
الله يوفقك............................................. ...........
رد: الرجاء الدخول والمساعدة ظروري
الله لايهينك وانا خوك ويبيض وجهك
وماقصرت
وانتظر المزيد من الاخوان
رد: الرجاء الدخول والمساعدة ظروري
ايه لازم قبول مشروط
قبول لغه وماستر
طيب مافي مكاتب بامريكا تجيب لي قبول احد يقدر يفيديني
