مزايا و عيوب شراء الI Phone من السعودية ولا من أمريكا؟؟؟:؟؟؟
السلام عليكم
انا من طالبات المرحله السادسه بس لسا سفري كمان شهرين إنشالله....
أنا حابه أشتري I phone و حابه أستفسر إذا أحسن أخده من السعودية ولا أستنى أخده من أمريكا؟؟؟؟؟
في نفس الوقت ما أبغى أشتريه و أرتبط من أي شركة سواء من السعودية شركة الإتصالات أو موبايلي ولا في أمريكا شركة AT & T
شي تاني أنا ما أبغى أخد الجهاز و يكون ملعوب فيهه شايلين من الFace Time و حاطين فيه جيل بريك أبغى الجهاز زي ما هوا أصلا كل شي فيه و ما أبغى و أنا داخله أمريكا يعملوا لي مشاكل في البرامج الموجوده....
شي أخير لو أخدته من أمريكا كيف أقدر أعرب الجهاز؟؟؟؟ و من فين حيكون لي أرخص و أوفر من السعودية ولا من أمريكا....
أنا عارفه إني مررره كترت أسئله بس من جد أنا محتاره من في أخده و ما عندي فكره كتييير عن الجهاز.....
بإختصار أحتاج منكم مقارنه مبسطه عن مزايا و عيوب إنتي أشتري الجهاز من السعودية ولا من أمريكا من كل ناحيه و كمان من ناحيه السعر من فين حيكون أرخص و أوفر و أكون شاكره لكم....
رد: مزايا و عيوب شراء الI Phone من السعودية ولا من أمريكا؟؟؟:؟؟؟
ممكن تشتري من السعوديه بريطاني قيمتو 3600 ومفتوح
او من موبايلي ب 2700 وتعمليلو جيل بريك والجيل بريك صار رسمي ومسموح
لكن الغير مسموح البرامج والأغاني (انا اشتريت برنامج للجيل بريك من امازون)
الأسعار اعلاه ل 16 جيجا ونا اشوف انك تاخديه من السعوديه افضل لأنو مفتوح لأي شريحه
((واعتقد لو سافرتي وحطيتي شريحه امريكيه بيطلع معك الفيس تايم) لأنو فكرتو معمول له Hidden فقط
على اي شبكه غير امريكيه, لعلمك ارخص ايفون مفتوح رسمي (في العالم) تبع موبايلي
رد: مزايا و عيوب شراء الI Phone من السعودية ولا من أمريكا؟؟؟:؟؟؟
رد: مزايا و عيوب شراء الI Phone من السعودية ولا من أمريكا؟؟؟:؟؟؟
نصحية اشترى الايفون من موبايلي او شكرة الاتصالات السعودية فقط
رد: مزايا و عيوب شراء الI Phone من السعودية ولا من أمريكا؟؟؟:؟؟؟
انصحك تشتريه من السعودية لان هنا نظامهم معقد لازم ترتبطي معاهم بعقد لمدة سنتين
رد: مزايا و عيوب شراء الI Phone من السعودية ولا من أمريكا؟؟؟:؟؟؟
انصحك تشترية من at&t بـ 199$ فقط
مع عقد سنتين
وعلى فكرة انتي راح تسددين فواتير شهرية في جميع الحالات
مهما كان الجهاز
وطول فترة البعثة
عشان كذا افضلك اشترية من الـ at&t
رد: مزايا و عيوب شراء الI Phone من السعودية ولا من أمريكا؟؟؟:؟؟؟
اقتباس:
المشاركة الأصلية كتبت بواسطة ابوعبدالله44
انصحك تشترية من at&t بـ 199$ فقط
مع عقد سنتين
وعلى فكرة انتي راح تسددين فواتير شهرية في جميع الحالات
مهما كان الجهاز
وطول فترة البعثة
عشان كذا افضلك اشترية من الـ at&t
تصحيح للمعلومة أعلاه :
انا كنت نفس حالة الأخت محتار هل أشتريه من أمريكا أو من السعودية ، فقررت إني أشتريه من أمريكا لأني كنت فاهم نفس كلام الأخ أبو عبدالله ..
لكن لما وصلت لأمريكا ورحت ل at&t وقلتلهم أبغى جهاز قالوا لي تدفع 199$ قيمة الجهاز وتوقع معانا عقد لمدة سنتين تدفع 30$ شهريا خارج قيمة الباقة الي تختارها (وهنا اللبس الي حصل لي ) فتصبح قيمة الجهاز 919$ وطلبوا مني تأمين أدفعه مقدما (500$ لأن ماعندي سوشل سكيورتي نمبر وهذا مشكلة تواجه كل المبتعثين )
فأنتي ستدفعين قيمة الجهاز مقدما ثم تقسطين عليهم الرسوم لمدة سنتين حتى يعيدوا لك التأمين ..
إضافة إلى ذلك ستدفعين شهرياً قيمة المكالمات والرسائل حسب الباقة التي ستختارينها ..
فمن رأيي إنك تشترينه من السعودية وتركيبن برنامج سكايب الي بيغنيك عن الفيس تايم وزيادة ..
أو إنك تطلبينه من أحد الدول ألتي تمنع الاحتكار كبريطانيا مثلا ..
رد: مزايا و عيوب شراء الI Phone من السعودية ولا من أمريكا؟؟؟:؟؟؟
ماقريت الموضوع كامل ...
الفرق بيكون في كم شغلة :
1 الايفون في السعودية مافية خدمة face time و الامريكي فية ، بالنسبة لي غير مهمة ابدا لانه فية برامج كثيرة تغني عنها و الاسكايب منها ، ولكن هذه الخدمة هي الاقوى
2 - اذا اخذتة من موبايلي فسعرة 2700 ريال صافي ، لكن AT&T بعقد و دجة ووجه قلب
3 - الايفون بالسعودية مفتوح بشكل رسمي ( راجع موقع ابيل ) اما في امريكا علي حسب كلام صديقي انه مايشغل الا الشرائح الامريكية
4 - AT&T تلزمك بعقد و مزايا غبية و كل شهر لازم تدفع ، و اذا مادفعت مو مشكلة محد مدور وراك !!
٥ - الافضل انك تاخذي من موبايلي ، الي بالسوق كله ضحك علي الدقون و زيادة ١١٠٠ ريال و مافي فرق الا الفيس تايم !! قريب راح تفتح ابيل خدمة الفيس تايم بهذه الاجهزة تبع موبايلي و غيرها ( اصلا ماراح تحتاجيها )
الخلاصة :. لو اقدر اخلي احد يجيب لي الايفون من السعودية كان جبتة و ارتحت من صرفدة هذه الشركات ، ممكن اشتري شريحة من T-mobile قيمتها 70 دولار شحن و اخذ معاها رسائل لا محدودة + مكالمات لا محدودة لاي شركة ثانية او ثابت ( الدولي لا ) + 2 جيجا انترنت
للمعلومية : انا شريحتي الامريكية مافيها 3G و هي من T-MOBILE ، لكن السرعة مقبولة .
انبراشة سريعة : استعمال الايفون شي مو طبيعي عندنا بالكلاس ؟؟ اليوم جلست اعد الايفونات طلعت 7 او 8 ايفونات ، و 3 بلاك بيري !! طبعا مع السعوديين بس ، الايفون جدا جدا جدا جدا مفيد في هذه البلد في كل شي ( عروض ترويجية - خرائط .. الخ ) نصيحة انسي البلاك بيري لانه مضيعة وقت !
رد: مزايا و عيوب شراء الI Phone من السعودية ولا من أمريكا؟؟؟:؟؟؟
اقتباس:
المشاركة الأصلية كتبت بواسطة Shogat Memo
السلام عليكم
انا من طالبات المرحله السادسه بس لسا سفري كمان شهرين إنشالله....
أنا حابه أشتري I phone و حابه أستفسر إذا أحسن أخده من السعودية ولا أستنى أخده من أمريكا؟؟؟؟؟
في نفس الوقت ما أبغى أشتريه و أرتبط من أي شركة سواء من السعودية شركة الإتصالات أو موبايلي ولا في أمريكا شركة AT & T
شي تاني أنا ما أبغى أخد الجهاز و يكون ملعوب فيهه شايلين من الFace Time و حاطين فيه جيل بريك أبغى الجهاز زي ما هوا أصلا كل شي فيه و ما أبغى و أنا داخله أمريكا يعملوا لي مشاكل في البرامج الموجوده....
شي أخير لو أخدته من أمريكا كيف أقدر أعرب الجهاز؟؟؟؟ و من فين حيكون لي أرخص و أوفر من السعودية ولا من أمريكا....
أنا عارفه إني مررره كترت أسئله بس من جد أنا محتاره من في أخده و ما عندي فكره كتييير عن الجهاز.....
بإختصار أحتاج منكم مقارنه مبسطه عن مزايا و عيوب إنتي أشتري الجهاز من السعودية ولا من أمريكا من كل ناحيه و كمان من ناحيه السعر من فين حيكون أرخص و أوفر و أكون شاكره لكم....
انا استخدم الايفون البريطاني المفتوح في امريكا واستخدمته في السعودية ومرة كويس
انصحك بالبريطاني يوجد فيه الفيس تايم وكل الاشياء مفتوحه والاهم محد يقيدك بشركة
بالتوفيق
رد: مزايا و عيوب شراء الI Phone من السعودية ولا من أمريكا؟؟؟:؟؟؟
لمعلوماتكم ياشباب الفيس تايم جودتو عاليه جدا
لأن الأتصال الفيديو دايركت من ايفون لأيفون والصوت والصوره بدقة HD
اما سكايبي والبرامج الأخرى فيوجد وسيط وهو السيرفر الخاص لنفس البرنامج