اخيرا جاء القبول ولله الحمد

الحمد لله جاء قبولي مشروط من جامعة SMU تخصص قانون في ولاية تكسس مدينة دالاس قبل يومين لدرجة العلمية ماجستير ...... ولله الحمد ماخذ القبول الا اسبوعين وماقصروا الشباب جابولي القبول واحذ كل التحذير من مكاتب القبول وخصوصا لي طلاب القانون لان قبول مشروط للقانون صعب جدا والمكاتب تبغى التخصصات اللي ميتاخر في القبولات و الهدف الرئيسي عند المكاتب الفلوس و انا من الناس اللي عانون في هذي المكاتب بعد ما فريت جدة كلها ما لقيت الا مكتب واحد ويقول ماضمن لك القبول والجامهة اللي بيقدملي عليها حلوه في ولاية اورغون والجامعه الثانيه مافيها برنامج LLM وخايسه في ولاية ميسوري و طلب مبلغ 3500 ريال وبعد تفكير عميق رجعتله بعد اسبوعين قال معليش الجامعة او ريقون قفلة القبول المشروط وما معك الا جامعة ميسوري وصراحه تحطمت وقلت مالي الا هذي الجامعه و قالي واحد من الشباب في امريكا ارسلي اوراقك ويعرف واحد من اخوياه في تكسس في مدينة دالاس وكنت متردد على بالي ان المكاتب ارحم لكن قلت خلني اتوكل على الله وارسل الاوراق وارسلتها وبعد 3 ايام وصلت الى خويي وارسلها بعد لخويه بعد 5 ايام ماقصر خويه عبى الابلكيشن طبعا ببلاش في الجامعه هذي وبدون فلوس للطلاب الدوليين وقدم الاوراق وقالوا اجتماع اللجنة بعد 3 اسابيع
او 4 اسابيع ويقررون القبول وا لا لكن ولله الحمد دق على الرجال وقال ابو محمد مبروك جالك القبول وهذا في اقل من اسبوعين :confused::confused: طبعا انا انصدمت وقلت تأكد لا القبول جاني وهو قدامي الورقه وفي اقل من اسبوع .... حمت الله وشكرته وقلت يسر الله لامر


زبة الموضوع : ابعد عن مكاتب القبووووول نصيحه هدفها مالي .... والشغله كلها ماكلفتني الا 320 ريال رسوم شحن الفدكس لي واراقي لي خويي بامريكا وهم طالبين 3500ريال واللحين جاء موعد الفيزه والله يسهل ونتعد للسفر :plane::plane: انشاء الله وبالتوفيق للجميع .....

ماشاء الله تبارك الله ..

ألف مبروك القبول .. وبالتوفيق يارب

اخوي بسألك القبول اللي اخذته مشروط او غير مشروط ؟

الله يبارك فيك
نعم القبول مشروط باللغة ...وميزة هالجامعه انه في حالة انك انضميت لمعهدها تتغضى عن اختبار التوفل والايس وتكتفي انك تعدي مستويات معينه في اللغة..

الله يوفقك وييسر أمورك

ممكن تخدمني بأن تكلم لي خوياك يجيبون لي قبول لأني تعبت جدا من طلبات المكاتب وطالبين عليه واجد فهل تستطيع خدمتى فأكون لك من الشاكرين ؟؟

اخي ..
ياليت تتاكد من صاحبك اللي سو لك الخطوات اولا ..
لاني دخلت موقع الجامعه ولقيت انهم طالبين رسوم ابليكشن 60$, وطالبين توفل 550 او ايلتس 6.5 ..

,,؟

مبروك عليك اخوي وعقبالي يارب

طيب وش هي طريقة التقديم على الجامعات الامريكيه عشان احصل على قبول ؟