السعوديين اللي معهم جوازات امريكية كيف يسافروا من الرياض لواشنطن؟

انا معايا الجواز الامريكي و سافرت 3 مرات .. اقولك ايش سويت

في مطار جده طلعت الجواز السعودي .. قالي وين الفيزا .. قلتله عندي جواز امريكي !.. ما قال اعطيني الجواز و لا شي ! بس ختم على الجواز

وصلت مطار واشنطن طلعت الجواز الامريكي .. عاملوني كاني امريكي عادي جدا بس قالولي هاو ار يو .. ويلكم باك !!!!! ..

و انا طالع من واشنطن برضو اعطيتهم الجواز الامريكي ... دخلت السعوديه بالجواز السعودي و لا سالني وقتها الموظف اي شي !!!!!!

الخلاصه ..

اعتقد بان عندهم في السيستم يبين اني ما احتاج فيزا و عندي جواز !!..

و اصلا يكون في علمك لو كان الواحد معاه الجواز من تحصيل الولاده هناك مثل حالتي .. راح يفرض عليك انك تطلع الجواز و ممنوع تدخل على امريكا بفيزا مدام انك مولود في امريكا و طبعا هذا الشي يبين من مكان ولادتك في اوراقك الشخصيه !!.. فالنظام الامريكي يغصب الناس اللي اتولدو هناك يطلعو الجواز ..

فمن هذا المنطلق حتى لو كانو هنا في المطار ما طلعوك عشان عندك جوازين فهذا الشي مو باختيارك اصلا !! .. و لو تحب تتاكد اسال السفاره الامريكيه هنا و راح تقولك نفس الكلام

اما الحالات الثانيه بصراحه ما ادري عنها

اتمنى اكون وضحت الصوره ..

انا شكلي باسوي نفس الشي .. اطلع بالسعودي وادخل بالامريكي ..


الله يوفق الجميع

بس اهم نقطة
اذا وفقك الله ووصلت امريكا
لايشوفون جوازك السعودي معك ترا عندهم حساسية ( من معرفة شخصية اصدقائي صارت لهم مشاكل)

جزاك الله خير لى معلومتك المهمة