مساعدة استفسارات بسيطه من طلاب University of North Texas ... ارجو الدخول

معقوله ما فيه الا واحد رد عليه برساله خاصه ..

وين الطلاب العرب او السعوديين بالاخص .. في انتظار تفاعلكم

ما زلت انتظر .............

waiting ................

انا ناوية اغير معهدي لمعهد جامعة نورث تكساس ان شاءالله الاعضاء يفيدوناا

up pupupupupupupupupupupupupupupupup

.................................................. .........................

السلام عليكم . أنا درست في مععهد جامعة نورث تكساس وجلست فيه تقريبا خمسة أشهر .. والمعهد بإختصار قوي وشديد والرسوب فيه كثير .. اللي عنده خلفيه بسيطه في الإنجليزي يجي على المعهد هذا وراح يتحسن وضعه كثير واللي ماعنده أي خلفيه في الإنجليزي وفي نيته يجي هذا المعهد ويطور نفسه أنا أقول راح يتعب كثير .. أنا بحكم تخصصي (إنجليزي) عديت فيه ولله الحمد بأقل جهد لكن زملائي الباقين سار عندهم عقدة من المعهد لأنه لو يبقى على الطالب درجه على النجاح مايعطوه ! هذا بخصوص المعهد ولكن بخصوص المدينه فالجامعة تقع في مدينه صغيره إسمها دنتون .. فيها الأشياء الأساسيه مثل walmart وkroger هذي مثل بنده عندنا فس السعوديه .. وفيها مول واحد وفيها سينما وبحيره ومطاعم هنديه .. الجو عادة يكون حار في الصيف وبارد في الشتاء لكن بدون ثلوج إلا نادرا .. بخصوص السعودين في هذي المدينه فكثير جدا عزاب وعوائل ولهم جمعات وطلعات ومناسبات وأعياد ... يوجد مسجد ويصلون فيه الجمعة والآن قاعدين يجمعون تبرعات للمسجد علشان يسير جامع كبير .. بخصوص السكن أقول إذا كنت عزوبي فأحسب حسابك على 600 دولار شامله كل شي أقصد كهربه ومويه ونت وهذا إيجار غرفه واحده داخلها حمام وطاولة مذاكرة صغيره ومخزن صغير للملابس وسرير معه دولاب صغير .. علشان أوضح أكثر أنت بتستأجر غرفه واحده داخل شقه مكونه من أربعة او ثلاث غرف (ويمكن غرفتين أو غرفه واحده وبتكون أغلى شويتين) ويكون عندكم صاله مشتركه فيها تلفيزيون ومطبخ فيه ميكروييف وثلاجه وفرن وعندكم بعد غرفه غسيل فيها غساله ونشافه طبعا من أحدث شيء يعني حط الملابس والله لايهينك الصابون وأنسى الموضوع أرجع لها بعد ساعه وخذها جاهزه !! وإذا ماتحب المجمعات السكنيه فعندك خيارات ثانيه لكن بتزيد عليك أسعار الإيجار يعني ممكن توصل 900 دولار إذا تبغى غرفه بحمام وصاله ومطبخ مستقله .. عموما إذا كان معك عائله فأحسب حسابك على 850 دولار لشقه مكونه من غرفتين أو ثلاث غرف وهذا إيجار فقط ويقى عليك فاتورة الكهربه والمويه (داخل وطالع بس رخيصه) والغاز حق المكيف والنت والتلفيزيون وإجمالا ممكن أقول إنها تكلف 200 دولار .. طبعا لاتنسى إن العربون يعتبر شيء رئيسي بمعنى تروح تبغى تستأجر يقول لك أعطنا عربون وهو عباره عن إيجار كامل يكون تحت تصرفهم إلين تطلع وتعطيهم بعد إيجار مسبقا .. تروح لشركة الكهربه يقول لك هات عربون 300 دولار تروح لحقين المويه يقول لك هات عربون 150 دولار وإذا تبي تشتري جوال أي فون يقول لك عقد سنتين وعربون 500 دولار .. والسالفه تطول ... نصيحه مني للإخوان اللي بعد ماوصلوا أمريكا لاتتعب حالك وتطلع فيزا من السعوديه لأن بطاقة البنك اللي راح تطلعها في أمريكا راح تغنيك تماما
هذي مشاركه بسيطه مني وأنا للأسف ماني متابع المنتدى وأشوفه في الشهر مره لأني مشغول جدا بالمذاكره والله المستعان أرجو أن تجدوا الفائدة وأنا أظن إني كتبت موضوع عن هذا قبل فتره وحطيت إيميلي بعد .. لكن ماني متذكر عموما .. أتمنى لكم التوفيق ..

انا الان طالب متواجد في نفس المعهد واذا حبيتوا تسالو عن اي شي تفضلوا ؟

السلام عليكم
اخواني
انا عندي قبول من المعهد
حبيت اسأل بخصوص الفاينل تيست هل يعطوا لكل لفل اختبار لحاله ام هو اختبار واحد لكل المستويات ؟

وهل يكون الاختبار فيما تدرسه ام يكون اختبار لغه شامل ؟

اعذب التحية