بصراحه المعرض مو ذاك الزود .. يعني ما فيه إمكانية القبول عندهم طيب وش مستفيد ؟؟؟ أدخل موقع الجامعه وأعرف عنها
كنت متأمل أحصل قبولات مشروطة وتسديد الرسوم اذا كان فيه رسوم مباشر حتى لو كان بيتأخر شهر شهرين
زمان العجايب April 19th, 2011, 10:37 PM
7 " اللله يوفق الجميع لما فيه الخير
that's me April 20th, 2011, 12:03 AM
7 " والله يا اخوان أنا رحت أمس وبصراحة كان المعرض جيد لكن كان يفتقد الى التنظيم الى حد ما
بالنسبة للقبولات اكثر الجامعات لايوجد لديها قبول مشروط للماستر .. لكن وجدت تقريبا 3 جامعات لديها قبول مشروط للماستر
انا لدي ماستر في إدارة الأعمال بتقدير ممتاز ولله الحمد لكن لم اجد قبول مشروط دكتوراة مما جعلني ابحث عن قبول ماستر واعطوني الـ 3 جامعات ابليكشن ورقي وقالوا املئها وهات معك صور من مستنداتك وسلمها لنا طبعا جامعة قالت لي مجانا وجامعة قالت 100 دولار وجامعة نسيت اسألهم
كلام كليم April 20th, 2011, 01:57 PM
7 " كلامكم مايشجع ابد
مع اني فكرت اجي واطق مشوار
بس بالوقت الضايع
لكن تذكرت الملتقى
من شاف الملتقى مارجا خير
وسوء التنظيم تعودناه
هههههههههه يكفي ان الملتقى مافيه مصلى
تسئل عن القبلة والسجادات مايدرون ههههههه يدرون عن البوفيه بس
روحوا يا اهل الرياض وشوفوا لنا حل حق الفيزا الله يجزاكم خير
مانبي معلوماتهم ولا محاضراتعم الخربطيشيه
وقولوا لهم يطوروا من البعثة
وبلاش سوء تنظيم كمان بالقبولات والفيز
نـــــــوفي April 20th, 2011, 08:27 PM
7 " بصراحه انا كنت بالمؤتمر
لكن المعرض مريت عليه وقت الاستراحه
وانا مااحب اني اكون مجحفه بمعروف وسأبدي رأيي
اولا من ناحية الندوات وورش العمل بصراحه انا استفدت بحكم اني اكاديميه وماحضرت الا لأجلها
ثانيا بالنسبه المعرض الجامعات المتواجده ماتعطيك قبولات لكن اي شي في بالك ومحتاج تستفسر عنه راح تلقى الاجابه الاكييييده , ليه ! لانك بتلقى منسوبين الجامعه اللي تبي تدرس فيها وبتلقى اشخاص ابتعثوا بيفيدونك وبكل مصداقيه وعن تجربه وليس تخمينات
ثالثا من ناحية التنظيم اليوم الاول ممكن كان فيه شبه لخبطه وهذا بعذرهم لان عدد الزوار جدا كبير لكن مو معناته سيء جدآ يالعكس سعوا جاهدين للتنظيم بدليل اليوم الثاني تقريبا تخطوا جميع اللخبطه اللي مرت في اليوم الاول
وبالنسبه للي تقول مافيه مصلى انتي لو شفتي الكروكي مااحتجتي تسألين وبالعكس كان فيه اكثر من موقع فيه مصليات
لكن الشي الوحيد اللي تمنيته يكون قسم النساء منفصل ومستقل عن الرجال هذا شي وايضا زيارة المعرض يحدد يوم للنساء ويوم للرجال .
هذا مارأيت بعيني فأحببت ان ادلوا بدلوي........
rose** April 20th, 2011, 09:27 PM
7 " زرت المعرض امس ايضا وهو ثاني يوم ازوره وبصراحة اكتشفت اشياء جديدة لم اكتشفها باليوم الأول مع اني حضرت اول يوم من الساعة الخامسة عصرا
الأشياء التي اكتشفتها هي
وجود جناح خاص بالمحقية السعودية الثقافية بأمريكا بل بأغلب الملحقيات السعودية - وجود جناح خاص بوزارة التعليم العالي وخصوصا وكالة البعثات - وجود جناح خاص بالتعليم في امريكا ويجيبك عن اي شي يخص التعليم والتأشيرة الأمريكية .
وكذلك استنتجت خلال اليومين اللي زرت فيها المعرض بعض الأمور :
1- سوء تعامل (شين نفوس) موظفي وزارة التعليم العالي وعلى راسهم وكيل الوزارة لشئون البعثات اللي قابلته شخصيا مع ان فيه شخص هناك قال لاتكلمه ترا نفس شينه ولكن ماصدقته وعلى فكره هذي مو اول مرة اكتشف هالشي في موظفي وكالة البعثات وفوق نفوسهم الشينة جهلهم بالأنطمة .
2- سوء تعامل موظفي الملحقية السعودية بأمريكا باستثناء موظفة وبصراحة كانت من جد راقية وتفاعلت معنا وتركت مكانها وراحت معنا الى اجنحة أخرى تساعدنا في بعض الأمور لكن للأسف وبعد ماسألتها طلعت مو موظفي الملحقية وانما متعاونة معهم في السعودية فقط وانا اقول دام نفوس شينة معنا هنا اجل وش بيسون معنا اذا جيناهم في امريكا الله يرحم الحال بس .
3- الطيبة الكبيرة والرقي الكبير في مبتعثينا المتخرجين من هناك والمتعاونين مع بعض الجامعات الأمريكية بصراحة يحرجونك بطيبتهم وكل ما تروح لجامعة أخرى وتلقى سعودي تلقاه اطيب من اللي قبله على قولة المثل (كلن يقولون الزود عندي) والله ساعدونا في امور اخرى لاتخصهم بصراحة مفخرة للشعب السعودي على فكرة الموظفة اللي في الملحقية ساعدتنا هي أحدى المبتعاث الخريجات من امريكا (قابلت 5 شباب وبنت احدة) .
4- الرقي والأدب الكبير في الشعب الأمريكي وعلى قولتهم اذا عرف السبب بطل العجب الظاهر عشان كذا هم متقدمين عن بقية دول العالم ‘ فعلا شعب طيب ومتعاون وفاهم وراقي ناقصهم بس يعتنقون الأسلام .
طبعا هذي وجهة نظري الشخصية البحته والملاحظات اللي لاحظتها وخصوصا ( 1- 2) اتمنى ان لاتكون حقيقة واتمنى ان اكون متشائما فيها مع العلم انها نفس ملاحظات 99% من الناس اللي سألتهم من المبتعثين بل وحتى اللي قرأت لهم في المنتديات مثل منتدى مبتعث وغيره لكن انا بطبعي ما اصدق الا بالتجربة .
كلام كليم April 21st, 2011, 11:13 AM
7 " هههههههههههههههههههه نوفي نفس وضعنا
تدرين وش سوينا!!!طلعنا برا شفنا الشمس وين غربت ورحنا صوبها وصلينا بمدخل القاعه شكلنا توووحفه بس مهو اتحف من الملتقى
مدري وش السالفه !! April 21st, 2011, 01:23 PM
7 "
كنت متأمل أحصل قبولات مشروطة وتسديد الرسوم اذا كان فيه رسوم مباشر حتى لو كان بيتأخر شهر شهرين