الفزعه تكفون فلوسي تنصرق قدام عيني !! واحد جالس يستخدم حسابي !!
السلام عليكم ورحمه الله وبركاته
ياشباب بدون مقدمات الفزعه الفزعه تكفون انا الحين في السعوديه وقبل لارجع السعوديه عطيت واحد مسلم ر قم البطاقه ورقم الصغير الي خلف البطاقه المكون من ثلاث ارقام عشان يحجز لي تذكره وفعلاً حجز لي تذكره ورجعت السعوديه المهم يوم رجعت السعوديه شيكت على حسابي الامريكي لقيت المبلغ 3000 ريال وانا يوم كنت في امريكا كان 3000 دولار سألت موظف البنك وقلت له ليش طلع المبلغ 3000 ريال مو دولار قال ماعليك حسابك هو 3000 دولار لكن السستم هنا يعطيك ايها بالريال قلت اوكي ورتحت لكن المشكله الاكبر الحساب بداء ينقص وكل ماشيك عليه ينقص يعني امس كان 3000 دولار وبعد ماشيكت عليه نقص من الحساب 10 دولار قلت اوكي هذا حق التشييك لكن المشكله اليوم شيكت على حسابي ولقيت المبلغ 2970يعني نقص 40 دولار !!!
بصراحه خايف من الرجل الي عطيته رقم حسابي خايف انه يستخدم البطاقه ويشتري فيها اون لاين ومادري وش اسوي الحين !!!
فلوسي وتحويشه عمري اشوفها تنقص قدام عيني :(
تكفوون قولوا لي وش اسوي لو اكلم البنك ماراح يفهمون علي لإن لغتي ماهي كويسه وانا برجع لإمريكا بعد شهر تقريبا انشاء الله افكر اسحب الفلوس الي في البطاقه بس المشكله ماتوقع تسحب اكثر من 800 دولار باليوم واذا سحبت راح يشرجوني ابي حل الله يوفقكم على عصابي ياخوان الفزغه الله يجزاكم خير
رد: الفزعه تكفون فلوسي تنصرق قدام عيني !! واحد جالس يستخدم حسابي !!
مدري انت غلطان ولا كتبت 3 بدل 2 ياريت تعدلها
لان 3970 معناها زاد حسابك 970 دولار وان كان قصدك 2970 دولار الي نقصك 30 دولار بس وانت شيكت 3مرات يعني يبني انت تخلي البنك يسرقك بهالتشييكات
وبعدين ليه تعطي احد حسابك دام بتشك فيه!!مهو حلوه بحق الرجال ترا الله يهديك مهو معقوله كل يوم بيسحب 10دولار!!!!تقسيط هو؟
رد: الفزعه تكفون فلوسي تنصرق قدام عيني !! واحد جالس يستخدم حسابي !!
اتصل على ال 800 Number الموجود في البطاقة، و يجيك خيارات، منها إلغاء البطاقة
بعدين وش ذا الحرامي اللي يسرق بالعشرة دولار و عنده بطاقة فيها 3000 دولار؟
رد: الفزعه تكفون فلوسي تنصرق قدام عيني !! واحد جالس يستخدم حسابي !!
رايي من رايي ابو قصي الغي البطاقه وريح بالك
رد: الفزعه تكفون فلوسي تنصرق قدام عيني !! واحد جالس يستخدم حسابي !!
والله اعرف واحد استخدم البطاقه بنفس الطريقه من مطعم طلب منهم بالتلفون واعطاهم المعلومات وفعلا كانوا بيسحيوا كل شوي مبلغ بس علاطول قفل البطاقه ولمن رجع لامريكا معد راح للمطعم
اتوقع هنا النصب له اشكال كتير بس الله يستر
رد: الفزعه تكفون فلوسي تنصرق قدام عيني !! واحد جالس يستخدم حسابي !!
ادخل من الاون لاين
وشوف وين راحت وفلوسك
ومره وحده ووقف على البطاقه
رد: الفزعه تكفون فلوسي تنصرق قدام عيني !! واحد جالس يستخدم حسابي !!
في البطاقة فيها الرابط حق البنك حقك ..
ادخل على الرابط .. وسجّل حساب جديد لو ما عندك حساب ..
وبعدها سوّ تشييك للرصيد وشف وين راحت فلوسك ..
وبتعرف بالضبط من اللي صرفها ..
لو ما فهمت ممكن أشرح لك بالصور ..
الله يردّها لك ..