الفزعة يا شباب الله لا يهينكم
السلام عليكم ورحمة الله وبركاته
هذا أول موضوع لي في مبتعث
يا شباب أنا خريج ثانوية ونسبتي
79.35
جيد جداً
والقياس/ 70
وأنا من خريجي عام 1429هـ
ووقفت النسبة عائق لأحلامي لأنا أول سنة يطبق عليها نظام جمع ثاني وثالث ثنوي
وكنت أحسب ثاني نقطة أستراحه في الثانوي ولما أنصدمت بالنسبة 72 في ثاني
صحيت وقالوا أن راح يجمعونها بثالث والله ماتهنيت بالأجازة كل يوم وأنا أجمع وأطرح
أشوف كم يبغالي علشان أوصل للتسعين
وقدر الله وجبنا ها النسبة
والحمد لله على كل شئ
وأنا أحلم بالدراسه بالخارج
درسة في جامعة القصيم
وتركتها لأسباب خاصة
والحين ندمت لأني تركتها وأنا الحين في الكلية التقنية في بريدة
وبصراحه أنا أحلم بالدراسة في أمريكا
ولو الود ودي أني أدرس على حسابي
بس التكاليف ما تغطي للدراسه بالخارج
وأنتم وش رايكم تكفون الفزعه
رد: الفزعة يا شباب الله لا يهينكم
كيف تبي تدرس برررا وانت نسبتكـ ما تأهلك لبعثهـ وما تقدر تطلع على حسسابكـ ......؟!
مو تحطيمـ لكن هذا الواقع لا تعيش بأحلام وتضيع دراستكـ خلكـ بواقعكـ وابدع فيهـ يمكن تقدر تكمل ماستر بررا بعدين
سلامـ
رد: الفزعة يا شباب الله لا يهينكم
يا الطيب أنا داري أن نسبتي ما تأهلني
بس أنا عندي أستفسارات
فيه واحد من خوياي يقول أنه قدم على البعثه لأمريكا يدرس هندسه مالية
ودخل على الوزير ووافق على البعثه والرجال ينتظر التأشيره علشان يروح
س/ هل أقدر أدرس بأمريكا على حسابي وبعدين أطلب ألحاقي بالبعثه
س/ كم تكلف الدراسه إلين يدخلوني البعثه على حساب الدوله
س/ وشلون طريقة التسجيل في الجامعات الأمريكية
س/ وما هي أفضل الجامعات في أمريكا
الله لا يهينكم أنا جاد بموضوعي واللي يعرف لا يبخل علينا بالحل
رد: الفزعة يا شباب الله لا يهينكم
اقتباس:
المشاركة الأصلية كتبت بواسطة طموح للقمة
يا الطيب أنا داري أن نسبتي ما تأهلني
بس أنا عندي أستفسارات
فيه واحد من خوياي يقول أنه قدم على البعثه لأمريكا يدرس هندسه مالية
ودخل على الوزير ووافق على البعثه والرجال ينتظر التأشيره علشان يروح
س/ هل أقدر أدرس بأمريكا على حسابي وبعدين أطلب ألحاقي بالبعثه
يب وهذي طريقة الجميع
س/ كم تكلف الدراسه إلين يدخلوني البعثه على حساب الدوله
على حسب الولايه وانت اختار ارخصها
س/ وشلون طريقة التسجيل في الجامعات الأمريكية
عن طريق مواقعها الاونلاين
س/ وما هي أفضل الجامعات في أمريكا
ماعندي علم وان شاء الله الغير يفيدك
الله لا يهينكم أنا جاد بموضوعي واللي يعرف لا يبخل علينا بالحل
الله يسهل امورك ويحقق مرادك
رد: الفزعة يا شباب الله لا يهينكم
طيب ليش ماتكمل ماستر ودكتوراه جيب معدل حلو في الجامعه ؟!
أو تبغاها بكالوريوس الله يعينك مااعرف شيء صراحه .
الله يوفقك ..
رد: الفزعة يا شباب الله لا يهينكم
للحين محد جاوب على أسئلتي
رد: الفزعة يا شباب الله لا يهينكم
والله انت اللي منت داري وش تبي
ابتعاث ما تقدر تطلع ( هذي وحده )
الدراسه على حسسباك من 70 الى 90 الف على حسب الولايهـ
هذي هي الطريقتين
انت تقوول ما تقدر تطلع على حسسابك ونسبتك ما تأهلك للبرنامج
يعني تبغى الناس تكذب عليك وتقلك الا تقدر
كمل بكالوريوس جيب معدل زين وكمل ماستر بررا مالكـ الا هذا الحل اذا ما تقدر على حسابكـ
رد: الفزعة يا شباب الله لا يهينكم
قبل كل شئ انا اشكر الأخوة اللي جاوبوا على سؤالي
aboood-08 حط نفسك مكاني أنا بصراحه ما جيت لكم
إلى لأنكم تقدرون تنصحوني وأنا بصراحه
يمكن أكمل دراسة المعهد التقني ببريدة تخصص قوى كهربائية
وأدرس برا أنشأ الله وبصراحه
والصراحه ما تزعل الجميع جامعات المملكة الكثير منها غير معتمده
والواحد لازم يكون طموحه عالي
وأخوي ( مدري وش السالفة!!)
شكراً على المعلومات وجزاك الله خير
طيب لو قلت أبدرس في نيوورك أو ولاية فرجينيا كم تكلفة الدراسة
وعندي سؤال كيف يدخلون في البعثه إذا درست بحسابي يعني لازم أجيب معدل وكم لازم المعدل
وماهي أرخص الولايات للدراسه
رد: الفزعة يا شباب الله لا يهينكم
السلام عليكم
اول شي احيي فيك الطموح والاصرار
لكن الحين انت ليش ماتدرس لغه
لانه سهله وتقدر على تكاليفها
بعدين تشوف نفسك انت تقدر تكمل والالامن الناحيه الماديه والعلميه ويمكن ان شا الله يضمونك للبعثه,,
وبالنسبه للغه تكاليفها
1- المعهد كل كورس 3000 دولار
2- العائله الشهر 500 دولار<وجبتين+الثلاجه مفتوح>
3- التذاكر يمكن 2000 دولار
هذا بالنسبه للمدينه اللي انا فيها
رد: الفزعة يا شباب الله لا يهينكم
شكراً للجميع على الأهتمام والمساعدة
