*** وصلنا امريكا ولله الحمد واراسلكم الحين من فندق دبل تيري*** انتبهوا تجيبون .......

الحمد لله وصلنا امس 20 ابريل

وبصراحة الشباب خوفونا لا تحمل الجلبريك احذفه من الايفون.... لاتحمل السيديا لا لالالاااااااااا

وانتبه تشيل معك تمر او قهووووة او او اووووووووو....... والله كله كلام فاااااااضي

والله العظيم سهولة جدا جدا غير طبيعية.... انهيت اجرأتي في ثلث ساعة تقريبا

الرحلة كانت طويلة ومتعبة جدا وصلنا ونزلنا على طول ركبنا باص ونزلنا وصفينا سرا ما اخذ منا عشر دقايق ختمو

لنا الاي توني والجواز ودخلت استلمت عفشي ورحت قابلت سواق الملحقية لا تعقيد لا تفتيش لاتدقيق ولا شي ابدا ابد

بعض خوياي بعد ماختموا طلبوا منهم يجلسون ..... مدري ليه ...... انا ماطلبوا مني ابدا مع اني اول مرة اجي

امريكا ومع ذلك ما طولو خوياي اخذو ساعتين او اقل ولحقونا على الفندق

فاانتوا يا اخوان وسعوا صدوركم ترو الامور سهالاااااات غير عادية والاجراءت بسيطة

ملاحظة : شي مجنني كل اللي بالمطار يتكلمون عربي بداية من عسكري الجوازات تكلم معي عربي اسمه اسعد

يقول اصله لبناني اللي يشيلون الشنط يتكلمون عربي اتوقع انهم سودان او صوماليين اللي بالفندق يتكلم عربي

شي مو طبيعي حتى اللي بالسوق يتكلم عربي مع انه كورررري ...

نزلنا السوق مول كبير قريب من الفندق ولقينا السكيورتي يتكلم عربي خفيف واول ماشافنا سلم علينا ...شكل اللغة العربية بعد سنوات بتكون اللغة الام ..ان شاالله

ههههههههههههههههه
اجل انضربت لغتنا الانجلش بيصير تعاملنا كله عربي,,, الحمدلله ع السلامة , ودي~

ماشاء الله

الحمد لله على السلامة

دام اللي يستقبلوك يتكلموا عربي احلى شيء ما تنفجع من البداية ههههههه

الله يوفقك

الحمدلله على السلامه يالشاذليه

ياخي انت بطل حتى تسجيل دخول شكلهم ماسوولك ^^

طيب بشرنا من امس لليوم وش سويت تغديت ؟؟نمت ؟؟مشيت ؟؟ شربة مويه ؟؟

علشان نكون معك في الصوره وياليت تذكر لنا اسم المعهد والجامعه علشان لا تكثر التسأئلات بعدين >>دقيق ^^

وووووو لو تحط لنا صور كذا الموضوع يصير حلو وحماس يعني يعني

^^

وصلنا الفندق عبينا اوراق الملحقية واستاجرت وعلى طووووووول على المول انا والشباب الشقردية

الفندق يوصلك للمول بلاش ويجيبك بلااااش

وبصراحة الشباب خوفونا لا تحمل الجلبريك احذفه من الايفون.... لاتحمل السيديا لا لالالاااااااااا

وانتبه تشيل معك تمر او قهووووة او او اووووووووو....... والله كله كلام فاااااااضي

اذا مافتشوك مايعني الي قالوه الشباب كلام فاضي
ومايعني الي بيسافر لامريكا مايحتاط
من قالك اخوي النظام واضح فيه حاجات قد يمشونها للبعض ويفتشون البعض فيها
ومايعني انهم مافتششوك انه خلاص كل الشباب مابيتفتشون

على العموم بالتوفيق لك

^
^ اتفق معك 100%
يعني مو شرط أنهم مافتشوك اجيب معي هيروين واقول يمكن مايفتشوني !
الشيء الممنوع يبقى ممنوع وش نسوي عاد ،،
ولكن يعيب على بعض الناس يحب يكبر الأمور ويخوفك من كل شي بالمطار هذا كلام مو صحيح ،، ياحليلهم بس هالامريكان ناس يحترمون البشر مو مثل اللي عندنا اذا تأخرت رحلتك خلوك تتسدح على شناطك !
صاحب الموضوع الله يعطيك العافيه ويسهل امورك ،، وسلم لي على اوباما اذا شفته هههه

طيب بكم استاجرت بالفندق ولو تتكرم تعطيني احداثياته على الماب حتى احجز فيه ومشكور

اقتباس:

---

المشاركة الأصلية كتبت بواسطة رايح على حسابي

طيب بكم استاجرت بالفندق ولو تتكرم تعطيني احداثياته على الماب حتى احجز فيه ومشكور

---

ب 93 دولا سريرين ...... ويمكن يستاجر معك واحد وتتشاركون في الاجااااااار

بس الشعب الامررررررررررررررررررررررررررريكي طيب ودوددددددددددددددددددددد