الأعضاء الإشتراك و التسجيل

الملتقيات
ADs

فقدت حماسي للبعثه ؟؟ ساعدوني

فقدت حماسي للبعثه ؟؟ ساعدوني


NOTICE

تنبيه: هذا الموضوع قديم. تم طرحه قبل 2428 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. ^
    ^
    ^
    ياوويلي والتحطيم ... تفاءلوا بالخير تجدوه ... صح ان هالرحله ماراح تكون خاليه من المتاعب والعقبات بس لازم نتجاوزها بالصبر والاجتهاد

    واذا ع البكاء فهو شئ وارد من الحين والمناحه شغاله

    ع العموم مشكور ع الرد بس انا كنت محتاجه لشئ يرفع المعنويات لفوق مو يحمسني ع التراجع
    7 "
  2. طيب انا ابقول لك حكايه
    كان وياماكان في قديم الزمان كان في ماي لايف بيكون لها منصب عالي بس الكرسي عليها رفيع ولازم تصعد السلم عشان توصله وقامت تبكي لانها خايفه تصعد لان الدرجات رفيعه مرررا وهذا شي غريب عليها ولا مره جربته بس الي خلاها تتشجع جمال الكرسي وهي تتخيل شكلها فيه ولاقت نفسها تصعد بدون شعور وبمتعه وتحدي لانها كانت مركزه عالكرسي ورغم التعب والعناء الي لقته الا انها لما جلست على الكرسي نست كلللل التعب الي عانته وغمرتها السعاده وابتسمت ابتسامة النصر
    وتوته توته وخلصت الحتوته. حلوه ولا فتفوته؟<<<<طلعت معي القصه لاني باقي مانمت ههههههه
    يااختي لاتنظري لها نظرة تشاؤوم انا مثلك تماما بس ساكته واصبر نفسي بحلمي الجميل
    هونييييييها وتهووووون
    7 "
  3. طااااااااااااااااااااااااااااط طرررررررررررررررررررريق وخروا هذه صديقه العمر <<<< لااحد يجي جنبها

    وى وى وشفيكى ياحياتى ليه متكدرة وانتى عارفه ان امووووووووووري اصعب من امورك لكن باقي متفائله وانتى امورك هانت مابقي الا تضفين وجهك من السعووووووووديه

    لكن الباقي علي انا ورررررررررراى مطبات وكبارى باقي اعديها <<<<هههههههههههههههه

    لكن دام الامل موجود مافي شي مستحيل ولو الله ثم الامل ماكان تطورنا بهالحياه
    والله لايخيب مرادك وترى بكره مسيره عليكم جهزى القهوووووووة والحلي << ترى ماى لف بخيله خخخخخخخخخخخخخخخ << امزح
    وترى
    الأمل نبتة زُرعت في أحشاء كل إنسان.. تنمو بإيماننا بها وتطمأن ثم تظلّنا بظلّها

    ياااااااااااااااااااارب يالله ياكريم يامجيب يافارج الهم وياكاشف الغم يسر امووووووورنا وامور كل مبتعث وفرج همومنا يارب
    7 "
  4. ياستي الحماس محيجيك الا اذا رحتي امريكا

    أنا حماسي انقتل واتنكب أبو جدو بس مع نفسه!

    تجربة وحابة أعيشها كيف ماكانت

    ووقتها حتتعرفي ع نفسك أكثر

    انتي لو بتفكري أنه مجرد سفرك ومواصلة تعليمك ورجوعك بأعلى الشهادات

    هو سبب في تغيير تاريخ عائلتك ونفسك بعد الله

    وقتها محتلتفتي لشيء سواء جاك حماس والا فتح هههه

    محتشوفي الا الطريق اللي يوصلك لحلمك

    موفقة يارب
    7 "
  5. حتى انا مثل حالتك قبل ما اسافر بكم اسبوع كان يطري على بالي اني اكنسل و ادرس بجامعه الملك سعود بكلريوس بس كنت اقول اننننس ما رصيت المده ذي عشان اتراجع بالنهايه و كنت اقول انا رايح علي الترم اللي راح و الترم هذا و الصيفيه خل اقضيهن في امريكا و اطور لغتي و ان ما عجبن الوضع ارجع و الحمد لله جيت على وقت المكرمه و انضميت لكن للحين محتااااار لدرجه اني ما استفيد من وقتي هنا من الحيره حييييره الله يكتب لنا اللي فيه الخير
    7 "
  6. المشاركة الأصلية كتبت بواسطة saudi2011
    بسم الله وعلى بركة الله .

    موضوعك هذا كلنا مرينا فية خصوصا اذا وصلنا لمرحلة الجد وقرب السفر ..
    كل واحد لة تجربة وانا راح اقول اللي مريت فية ..
    كنت متحمس ومندفع خلال التقديم على الفيزا وقدمت تضحيات ذاتية بدون مساعدة من احد ولم يوقف معي احد ولك ان تتخيلي حتى نماذج السفارة انا اللي عبيتها بنفسي بدون مساعدة من احد وبعد ذلك رحت المقابلة ورغم تخويف الشباب مشت اموري على احلى مايرام وعديت وصرت انتظر الفيزا على احر من الجمر..

    مرحلة انتظار الفيزا اول مرحلة في الاحباط**

    قدمت تقريبا بشهر 9 ميلادي ومر علي فترة 4 اشهر وانا ماني عارف هل راح تصدر الفيزا او لا خصوصا انا موظف والوقت محسوب علي واخاف العمل يغيرون رايهم ويكنسلون وكل القريبين مني ماشجعوني بالعكس تحطيم وانا مااسمع لااحد واجلت المعهد ثلاث مرات حتى المعهد طفش من كثر تاجيلاتي المهم في شهر واحد صدرت الفيزا ووصلنا للمرحلة اللي بعدها ..

    مرحلة السفر ***

    هنا بداء الشيطان يوسوس لي اني ماراح اتاقلم مع امريكا وغيرها من الاشياء وكان مايزيد الطين بلة كل من حولي يحاولون يثنون من عزمي بعدم السفر وانا للامانة من داخلي احس اني توهقت بس اكابر على نفسي واخذت المسألة مثل العناد وصرت اتمنى الايام تطول قبل السفر عشان ماسافر بس يكون سبب خارج عن ارادتي

    ساعة الصفر**

    خلاص عقدت العزم وجهزت اموري والنفسية في وضع يرثى لها لكن الواحد يتوكل على الله حاولت احجز من الرياض مالقيت اقرب رحلة من قطر مرورا بفرانكفورت الى دنفر توكلت على الله وحجزت وسافرت ووصلت وصارت الامور سهالات والحمدلله ..

    الان **

    احتجت تقريبا الى اسبوع او اكثر حتى تأقلمت على المكان والاجواء والناس وطبيعة المكان خصوصا اني جيت من مكان صحراوي مثل الرياض وفجاءة طبيت في ثلوج كولورادو لكن توكلت على الله وتسهلت الامور وهذه تجربتي وانا متأكد ان 90% منكم جميعا مر بهذا الشعور والاحساس وهذه الفوبيا ولكن بالعزيمة والاصرار والتوكل على الله تتسهل كل الامور


    رد بالصميم اخووووووي
    والحال من بعضــــه ،،
    7 "
  7. المشاركة الأصلية كتبت بواسطة my live
    السلام عليكم ورحمة الله وبركاته

    مو عارفه ابدا من وين ....
    من قبل مايبدا التقديم للمرحلة السادسه وانا متحمسه اني اواصل تعليمي واسافر امريكا واحصل ع اللغه وارجع بشهادة الماستر اللي حلمي مو متوقف عندها .... وقدمت ع البعثه وانا كنت اسعد الناس بهالشئ وانتظرت النتائج بفارغ الصبر وزي ماانتو عارفين الفترات الطويله اللي كانت بين التقديم والتدقيق وخروج النتايج والملتقيات مع انها كانت فترات طويله الا ان حماسي ماتراجع بالعكس كنت عارفه انو مافي شئ يجي بالراحه .... وكله كوم وانتظار تجسير وقبولاته كوم ثاني ..بس كمان كنت قوية ومتفائله بان القادم احلى ... جاني قبولي بشهر مارس واجلت الين يونيو <<< عشان المرافق~
    وخلال هالفتره قدمت تضحيات كثيره عشان خاطر حلمي ومستقبلي وصارعت كثيرررررررررررر كثير
    مشكلتي الحين اني فقدت الحماااااااااااس ... خلاص ماصرت اهتم بموضوع البعثه حتى مو قادره اراجع اللي حفظته من الانجليزي بما ان السفر قرب ... احس اني قاعده امثل قدام اهلي اني مهتمه وانا من جوة مشاعري بردت بس عشان مااكسر خاطر ابوي وامي اللي سهلو لي كل شئ عشان اكون مرتاحه
    كنت متوقعه اذا قرب موعد السفر اني بطير من الفرحه وابدا اشد حيلي واتحمس اكثر بس انصدمت بنفسي ... معقوله يكون السبب اني تحمست كثير بالبدايه لين خلاص طالت المده عن حدها ..او ان هالشئ اللي احسه بداية تراجع عن بعثتي .؟؟؟؟
    اللي خلاني افتح الموضوع وحده من صحباتي امس تقولي انتبهي اذا انتي مو متحمسه ماراح تمشي اذا وصلتي هناك !!!
    والله خوفتني ... اخاف اخيب ظن اهلي ...
    يمكن اكون محتاجه بعض الكلمات الحماسيه واللي تصحيني شوي من البرود اللي عايشته الحين!!
    ياليت تقولون لي وش هالحاله اللي امر فيها ؟؟ في احد زيي ؟؟
    ياااليت ماتبخلون علي بالنصااااايح ... والله محتاجه لها
    آختيـ آولا آنتي من المحظوظين بهذهـ الفرصه العظيمهـ .. درآسهـ على حساب الدوله .. غيرك يروح على حسابه الخاص وسرفيه وحالته حاله كله عشان البعثه ...
    هذه فرصه جتك على طبق من ذهب لاتتركيها ..
    آنا نفسي في البعثه وكنت ناوي اقدم عليها بس قدر الله ماشاء فعل صادفت وفاه جدي الله يغفر له ( آعدولهـ بالرحمه) .. ولا قدرت والحين آنا ناوي الا ان شاء الله بقدم على المرحله السابعه .. فالنصيحه الاخيره لك انك تستخيري .. والبعثه من وجهة نظري هيـ آفضل من الدراسه في الجامعات عندنا
    7 "
3 من 3 صفحة 3 من 3 ... 23
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.