رد: الله يخليكم سفري قرب وقربت للجنون
توكلي على الله واستخيري واتركي الامر للمدبر سبحانه وأجرك ماراح يضيع بالعكس راح يكون بالك مرتاح بوجودها امامك احسن من سماع صوتها ونسيانها لك وصدقيني انا عندي طفلين وعادي الحضانه او الروضه من الصباح للعصر ومرتاحين اكون خلصت وخذيتهم اوتركتهم للمغرب وابوهم ياخذهم صدقيني تمشي اذا سجلتيها في مدرسه اسلاميه فيها حضانه بتعرف الصلاه والاذكار وبتلعب وبتعلم وبتجيك دايخه وفيهاالنوم خليها بحضنك وصدقيني من قلب ام راح ترتاحين
رد: الله يخليكم سفري قرب وقربت للجنون
اقتباس:
المشاركة الأصلية كتبت بواسطة ** ميشيل أوباما **
ياعمري يااختي مدري وش السالفه حسيت انك عاطفيه مثلي ومن قالك انا اللحين كل ماشوفها اولماتصحى من النوم واتخيل اني بتركها اضمها وابكي الله يعين الامهات الطفل امانه تتعلق برقبتك وتتحملين مسؤليتها وتفكرين فيها طول العمر اللحين قاعده جمبي وتاكل لبانه وتتفرج على توم وجيري وعلى طرف نوم يازينها خخخخخخ
دامك تبكين وانتي لسى مافارقتيها اجل الافضل انك تأخذيها انا غير لاني جربت واخذت ولدي معي وتعب ومرض لدرجة احيانا احس بفقده ايام الله لايعيدها وتعبت ورجعته وماشاء الله الحياة ماشيه لي كم شهر ماشفته بس اش اسوي هي هيك الحياة بدها حياته هناك افضل من هنا مانكر انه ماصار يقولي ماما صار يقولها لامي بس عادي لما ارجع اعرف شلون اخليه يذكر هههه حسيت حالي راح ابكي وانا اكتب اشتقت له بس اساس مع ضغوط الدراسة احس مافي وقت لتفكير في الاشتياق بس يمكن الي ساعد انه صغير يعني مو حاسس بفراقي الله يهديه ويصلحه ويرجعني واشوفه بأحسن حال
رد: الله يخليكم سفري قرب وقربت للجنون
ميشيل توكلي على الله وخوذى بنيتك معك واحمدي ربك ان عمرها 3 سنوات اجل الطالبات الي عندهم رضع وش يقولن
بنتك دخليها مدرسه اسلاميه والعصر اذا جت شغليلها افلام كرتون وياكثرها عندهم وملي البيت العاب لها صدقيني ماتجي الساعه 8 الي هي بسابع نومه يعني ماراح تشوفيها الا تقريبا 4 ساعات
انا الحمدلله عندي ولد 5 وبنت 3 ونص وماشي الحال
الله يخليهم لنااااااااااا وبعدين بنتك راح تتكلم اجلش بظلاقه غريبه راح تبهرك لو كل يوم اختلطت باصدقائها نصيحتي دامها كبيره خوذيها لاتجيها جاله نفسيه هذا اهم عمر طلع قلبها لاتصدميها تكفين
والله يكتب لك الخير
رد: الله يخليكم سفري قرب وقربت للجنون
ماشالله اخت مسرات احس انك قويه والله يثبتك ويصبرك احس كلامك خوفني وانا اخاف بعيد الشر من انها تمرض بس بنتي 3 سنوات يعني فاهمه ومتعلقه فيني وبابوها لاننا مدلعينها رحت امريكا اسبوعين بدونها الكل يقول كانت حزينه ولما جيتها قعدت يوم كامل تبكي خايفه اني اسيبها ثاني
الله يعين
وياليت اخواتنا يقولون تجاربهم مع اطفالهم
واختي بنت ابوها لاعدمتك حياتي وتسلمين على الرد المفيد
دمتم بود
رد: الله يخليكم سفري قرب وقربت للجنون
الله يكون ف عونك .. ويسهل امورك وامور الطلاب والطالبإت آجمعيـن ..
..
< طبعـآ الأخ عزوبـي ..
عندي مشورة .. آحس انهآ آنسب شيء !!
لو فيه آمكآنية آنك آنتي تآجلين درآستك لـ بعد كم شهـر .. وتجلسين مع بنيتـك ،
ويطلع زوجك يبدآ اللغه ، ويرررتب آموره ويعرف الديرة ..آلخ
وبعدهآ تسآفرين والأوضآع كلهآ مرتبة وتبدين درآستك وزوجك متقدم عليك ب شيء بسيط
آتوقع آنه آريح لكم وآزين ..
مجرد وجهة نظر .. :)
والله يكتب لك اللي فيه خييره ..
تحيآتي ..
رد: الله يخليكم سفري قرب وقربت للجنون
الأفضل والأضمن والأصح......خذيها معاكم....
والحمد لله عندك وحده...مو3...
أعرف وحده بفرنسا معاها ولد عمره4سنوات واخذته معاها بالرغم من ان عنده حساسية وربو.... عادي وامورهم زي العسل ..
وماشي على مايرام...
فخذي بنتك معك عشان يرتاح قلبك وتقدري تركزي بدراستك...وزي ماقالت وحده من العضوات حطيها بحضانه وقت دوامك..
رد: الله يخليكم سفري قرب وقربت للجنون
ادرسي فترة ... بالكثير سنه وجيبيها معاك ... يمكن في امريكا تهدأ
رد: الله يخليكم سفري قرب وقربت للجنون
سبحااااااااااااااااااااان الله
رد: الله يخليكم سفري قرب وقربت للجنون
السلام عليكم
اناعندي ولد بعمر بنتك بس يمكن اصعب منها
اول شي سكنا بالدور الارضي علشان مايكون احد تحتنا ونزعجهم لان القانون عندهم صعب
وبعدين اشتركنا بقنوات اطفال صار قدام الtv على طول بعد ما يوصل من الحضانه واشترينا له العاب كثيره
صار بيتنا كنه محل العاب والحمد لله الحين احسن من اول لان الحضانه لها دور كبير اذا كانت راقيه يتعلمون سلوكيات جيده
ويتركون السلوك السيئ طبعا الحضانه اذا كانت مأسسه صح وفيها حديقه كبيره وكل مرحله عمريه مع بعض راح تكون افضل
بعد الله,,,,,,,,
بس ماقلتي لنا انتي وين على اساس لوانتي حولنا نساعدك.......
رد: الله يخليكم سفري قرب وقربت للجنون
اهلين اختي ام م عبدالعزيز ومشكوره جدا على توضيحك الرائع
انا ياعزيزتي في ولاية اركانسس مدينة جونسبورو
وانتي فين مكان تواجدك ؟؟
فحفظ الرحمن