وش اكثر شي يطور من لغتك كـ مبتدئ ,
السلام عليكم ورحمة الله وبركااته,,,,
ان شالله امووركم تماام , طبعا السفررة قربت
ويعلم الله ان الخووف واصل موااصيل , سوااء من المطاار او اللغة ,
من خلال تجارب الاعضااء الكراام وش اكثر شي مهم ولابد من البدء فيه ,
طبعا بنعرف ان كل المهاارات مهمة ولكن ابي تجااربكم من خلال اللغة ,
لكي نستفيد نحن المبتدئين والجدد ,,,
يلا يااارب نجد تفااعل وان شالله في مواازينكم
رد: وش اكثر شي يطور من لغتك كـ مبتدئ ,
كثرة القرائه والكتابه والاستماع والترجمة من إنجليزي - إنجليزي والنقاشات وعدم الخوف او الإحراج من الوقوع في الخطأ وتكرار النطق الصحيح البحث في google بالغة الانجليزية
رد: وش اكثر شي يطور من لغتك كـ مبتدئ ,
اول شي اذا مبتدئة وتوك
اعتمدي بالبحث عن الكلمات في القاموس الكتابي
انا تخرجت من الثنوية ميح عندي لخبطة بالكلمات
لكن بعدها حاولت اني اتفهم الكلمات وعيبي الوحيد القواعد فقط والشي يبيله تركيز اكثر
انتي لاتبحثين عن اسهل حل لان زواله سريع ابحثي عن تركيزك فقط وراح تشوفين وش اقصد
حطي في بالك تتعلمين وراح تتعليم بدون ماتحسين
اذا تبين تتعلمين وحدك خذي ساعة وحدة كل يوم حفظ كلمات +كتابة +قراءة +استماع عن طريق اي وسيلة
فيه كتيب كلمات انجليزي - انجليزي - عربي ونصحوني فيه بالجامعة لان يعطيك الكلمة العربية ومعناها بكلمتين بالانجليزي
تلاقين معاه سيدي بيفيدك كثيرررر
الشي اولا واخيرا يعتمد بعد الله عليك
انتي تقدرين تتعليمن وتقدرين ماتتعلمين فقط نصيحة اعملي فيها وكررتها لك
حطي في بالك تتعلمي وابحثي على تركيزك
تجربتي:
بحثت على تركيزي سابقاً وحصلته يفكر بالفله والطلعات والمذاكرة بعدين .... ^_^
الحين:.
اصبحت اشتاق للدراسة ودي بس امسك القلم ودفترفاضي واشخبط شخابيطي المعتادهـ
وخلك متفائلة....
رد: وش اكثر شي يطور من لغتك كـ مبتدئ ,
مشاهدة الأخبار في قنوات الاخبارية وتعويد الاذن ان تسمع بالانجليزي ومشاهدت الأفلام بوضع السبتايتل (شريط الترجمة) بالانجليزي
رد: وش اكثر شي يطور من لغتك كـ مبتدئ ,
توصلون بالسلامه ان شاء الله
انا عندي خطه انا طبقتها ..وكثير ناس اعرفهم طبقوها
وكنت اقول للطلاب الي معي يسونها ..اسيوين ..اوربيين عرب..ناجحه ميه بالميه
انك اليوم مثلا .. كنت بمطعم او بقاله او اي مكان
وطلبت بيتزا ...انت تبيها بالخضار بس ماتعرف وش الخضار ..وتبيها بالجبن ماتعرف وش الجبن
تبي ملاعق ماتعرف وش الملاعق ..
الحل انك اذا رجعت البيت .تفتح القاموس ..وتحفظ معنى الخضار والجبن والملاعق
وبكرا ترجع للمطعم وتطلبها .. راح تحفظون غصبن عنكم
..
وكمان تسون جدول للكلمات للي راح تصادفكم اليوم
مثلا اليوم تبي تروح لبقاله .. اكتب وش الي تحتاجه بالعربي وترجمها بالانقليزي
او مثلا اتوقع ان أحد راح يسألك
..تبي تحاسب بصرافه ولا كاش ؟ ..كم عمرك ؟...معك سياره ولا ؟
زي كذا
..انا سويت كذا .. وراح تحفظون كلامات كثيره لأنكم بتحتاجونها بحياتكم اليوميه
وخلي حب اللغه قدامك وراح تتعلمين بسرعه
اتمنى اني افدكم ..دعواتكم لي
رد: وش اكثر شي يطور من لغتك كـ مبتدئ ,
والله و الذي نفسي بيدة انه ماشفت شي من الي قالوة اصحاب النفسيات المريضة في هذا المنتدى ، و راح تشوف بنفسك ان ٨٠٪ من كلام المنتدى ماهو الا وسوسة زايدة و احيان هذرة ، فلا تشيا ببالك ، انا كنت شايل هم اكثر منك و لما وصلت صرت اضحك علي نفسي مثل المجنون علشان اني ضيعت وقتي بقراءة المواضيع السلبية و الحاجات الخرافية عن المطار و غيرة ( الاميرة و الوحش + مصاص الدماء + قصة سندريلا ) !!
اول شي بيتطور من لغتك ( حبة حبة مو بيوم واحد ) : القواعد ثم الكلمات ثم المحادثة .
احرص دائما علي حفظ الكلمات الجديدة و مراجعة القواعد ، و صدقني اذا فهمت بالكلاس ( و هذا شي طبيعي بإذن الله لانه المدرس بيكون صديق الطالب و فية فرق كبير بطريقة التدريس عن السعودية ) تحتاج ترجع البيت تقرا القاعدة لدقيقة واحدة او دقيقتين ثم تحل الواجب بسرعة البرق !!
انصحك :
من يوم تدخل موضوع و تشوف صاحبة يتكلم بسلبية حتي لو عن حجر بالارض اطلع منه لان هدف الموضوع اثارة البلبلة فقط لا اكثر
رد: وش اكثر شي يطور من لغتك كـ مبتدئ ,
نسيت شي ...
انسي كومة الاوراق الي تسمى كتب في مكتبة جرير او غيرها ، الي كل كتاب يعتمد علي ١٠ قبلة كانة فيلم غامض !!
هذا الكتاب و ريحوا انفسكم
http://thisisenglish.files.wordpress...picture-11.png
اسمة : القواعد الانجليزية في الاستخدام او english grammer in use ، مرررة سهل و الكتاب حقق مبيعات مهولة في بريطانيا و امريكا ، فكرتة انه صفحة للقاعدة و صفحة للتمارين فقط ، يعني مافية بربرة و كثرة كلام ( زبدة الموضوع فقط )
نصيحة يا اخوان والله الكتاب ممتاز و فية قواعد كثيرة مكتوبة بشكل منظم و مرتب
رد: وش اكثر شي يطور من لغتك كـ مبتدئ ,
اقتباس:
المشاركة الأصلية كتبت بواسطة إياد العنزي
والله و الذي نفسي بيدة انه ماشفت شي من الي قالوة اصحاب النفسيات المريضة في هذا المنتدى ، و راح تشوف بنفسك ان ٨٠٪ من كلام المنتدى ماهو الا وسوسة زايدة و احيان هذرة ، فلا تشيا ببالك ، انا كنت شايل هم اكثر منك و لما وصلت صرت اضحك علي نفسي مثل المجنون علشان اني ضيعت وقتي بقراءة المواضيع السلبية و الحاجات الخرافية عن المطار و غيرة ( الاميرة و الوحش + مصاص الدماء + قصة سندريلا ) !!
اول شي بيتطور من لغتك ( حبة حبة مو بيوم واحد ) : القواعد ثم الكلمات ثم المحادثة .
احرص دائما علي حفظ الكلمات الجديدة و مراجعة القواعد ، و صدقني اذا فهمت بالكلاس ( و هذا شي طبيعي بإذن الله لانه المدرس بيكون صديق الطالب و فية فرق كبير بطريقة التدريس عن السعودية ) تحتاج ترجع البيت تقرا القاعدة لدقيقة واحدة او دقيقتين ثم تحل الواجب بسرعة البرق !!
انصحك :
من يوم تدخل موضوع و تشوف صاحبة يتكلم بسلبية حتي لو عن حجر بالارض اطلع منه لان هدف الموضوع اثارة البلبلة فقط لا اكثر
اخي اياد .. انت تكلمت على الي حصل معك فقط بالمطار وغيره ..فيه ناس صارتلها افلام هنديه بالمطارات وغيرها
واللغه كل واحد له طريقة فهم .. انا افهم من الكلاس وهذا بعد الاعاده والتكرار
مافيه شي معمم على كل الطلاب
واذا امورك تيسرت فهذا خير وبركه من الله ..فـ احمد ربك عليها
غيرك جميع خطاه متعثره حظه سئ
الحمد لله كل حال ..
رد: وش اكثر شي يطور من لغتك كـ مبتدئ ,
^^^^^^^^
يا عزيزي انا ماعمري تكلمت من فضاوة ، انا تكلمت عندي و عن الي جو معي و غير اصحابي الموجودين بأمريكا ، يعني الحالات الشاذة الي كاتب شي في الـ I-94 و ورقة الجمارك ثم الواقع شي ثاني ، فمافي غرفة خضرة ( مدري ايش سموها ) ولا الـ FBI تطاردك ، ولا بطيخ !! كله هذرة منتدى و صدقني انا من زمان مقتنع ان فية هذرة مو طبيعية بالمنتديات العربية( كفاية المقدمات الي اطول من الموضوع نفسة ، ولا الي يجي يشرح تاريخ دراستة بالمنتدى )
رد: وش اكثر شي يطور من لغتك كـ مبتدئ ,
أكيد كلامك صح وانا تجربتي الحمد الله كانت ربع ساعه بالمطار وابسط مايكون..لذلك الحمد لله
لكن كمان اعرف ناس ألطعو ساعات بالمطار ..وأكيد المنتدى يجيبلك النفسيه.. والمواضيع السلبيه هي الاغلب
..
لكن كلنا نستفيد من تجارب بعضنا ..
بالتوفيق لك