تكفون تنصحوني بـ EC او Embassy او EF ؟؟ ( تحطمت بعدما قفلو els !!)

سلام عليكم

كيفكم ان شاء الله تمام

انا كنت اليوم بقدم على els بس تم ايقافه مثل ماقريت

والحين محتار في اي معهد ادرس

انا رايح سان فرانسيسكو وابي اعرف افضل معاهد هناك وعندي ثلاث خيارات

EC او Embassy او EF

والي يعرف معاهد افضل منها يكتبها لنا

وسلامتكم يالغالين ..

انتظركم لاني اليوم بروح للمكتب

شوف اذا المعاهد خاضعة تحت اشراف جامعي او كلية
فالمعهد كويس اما الخاص الذي لايخضع الا تحت المال فهووو فاشل بالدرجة الاولى
وكل معهد له عدة فروع حاول تشوف اللي بنفس مدينتكـ
وع العموم حط في بالك 30% بيعلمك المعهد ؟؟
اهم شي معهد معتمد والشي اذا موقوف موقوف تكدس فقط
ونا استغرب بعض المكاتب للحين تحول الطلاب الى els

مشكور اخوي ع المعومات .. والله يجزاك خير

بس استنى راي الشباب في المعاهد هذي .. لان لغتي تجميع من مشاهده الافلام وما تأهلني لدخول معهد تابع لجامعه

عشان كذا ماقدامي الا التجاري في البدايه اخذ كم كلمه حتى اخش معهد جامعه

والشئ الثاني .. ملاحظ ان مافيه تفاعل في المنتدى .. اطرح الموضوع وماتجي الردود الا بعد يومين او ثلاث

والشئ الثالث ... ترا تحطمت وتحطم قلبي معي من القلق واني مالقيت احد يساعدني

Embassy
أسواء معهد يمكن ان تدرس فيه في حياتك
انا شخصيا ادرس فيه بلوس انجلوس ومعهد سيء بمعنى الكلمة
وقاعد ادور نقل لمعهد يعطيك تعليم اكاديمي

اهلين اخوي الشهري .
ممكن توضح ليش سئ المعهد .. انت تسب فيه والثاني يمدح
من جد احترت
على العموم انا بسجل شهرين بس عشان اطور لغتي ثم اسجل في معهد اكاديمي تابع لجامعه
والله يسهل على الجميع

اقتباس:

---

المشاركة الأصلية كتبت بواسطة a.alwahab

اهلين اخوي الشهري .
ممكن توضح ليش سئ المعهد .. انت تسب فيه والثاني يمدح
من جد احترت
على العموم انا بسجل شهرين بس عشان اطور لغتي ثم اسجل في معهد اكاديمي تابع لجامعه
والله يسهل على الجميع

---

السلام عليكم , صراحة تفكيرك غريب ! دخل معهد تجاري تطور فيه لغتك ثم تنقل لمعهد حكومي ! وش الفايدة انك تدخل معهد تجاري فاشل ما يأسسك صح ولا يعطيك معلومه ويضيع وقتك

نصيحة لك توجه لمعهد جامعي مباشرة ولاتلف وتدور في سراديب المعاهد التجارية مثل ELS وغيرها

اقتباس:

---

المشاركة الأصلية كتبت بواسطة ابوسـعود

السلام عليكم , صراحة تفكيرك غريب ! دخل معهد تجاري تطور فيه لغتك ثم تنقل لمعهد حكومي ! وش الفايدة انك تدخل معهد تجاري فاشل ما يأسسك صح ولا يعطيك معلومه ويضيع وقتك

نصيحة لك توجه لمعهد جامعي مباشرة ولاتلف وتدور في سراديب المعاهد التجارية مثل ELS وغيرها

---

اهلين ابو سعود ... حسب معلوماتي المعاهد التابعه للجامعات بدايتهم في الدراسه من مستوى متوسط .. وانا لغتي ضعيفه وكثير نصحوني اطور لغتي ثم احول على معهد حكومي

واحد من الشباب لغته ضعيفه راح لمعهد حكومي وكانت لغته ضعيفه صراحه تحطم ويقول كل الي فالكلاس لغتهم حلوه ويشاركون الا انا

وللمعلوميه انا لغتي تمشي حالها يعني اطلب في المطعم وكم كلمه تمشي في الشارع والمحلات .. بالنسبه لفهم اللغه انا افهم الي يتكلم بنسبه 70%

انا صراحه ودي احد ينصحني ..

يا اخوي تم ايقافة من الملحقية ام نفس المعهد ماعاد يستقبل مبتعثين ( مبتعثين ركز ) انا اخوي عنده قبول من ELS لكن الخبر حيرني

اقتباس:

---

المشاركة الأصلية كتبت بواسطة محمد200

شوف اذا المعاهد خاضعة تحت اشراف جامعي او كلية
فالمعهد كويس اما الخاص الذي لايخضع الا تحت المال فهووو فاشل بالدرجة الاولى
وكل معهد له عدة فروع حاول تشوف اللي بنفس مدينتكـ
وع العموم حط في بالك 30% بيعلمك المعهد ؟؟
اهم شي معهد معتمد والشي اذا موقوف موقوف تكدس فقط
ونا استغرب بعض المكاتب للحين تحول الطلاب الى els

---

اخوي اشرح لي كيف اني بستفيد من els وهو معهد خاص ؟ و فيه فروع تابعه لـ ELS تكون هي المعهد الجامعي ؟ كيف طلع معاك ان المعاهد الخاصه كلها تعابنة ؟ ليش الاجانب يستفيدوا من المعاهد بشكل كبير و ينجحوا و يدخلوا جامعات ( ياباني - كوري - صيني - برازيلي ) لا و درجاتهم دائما عالية .. الا احنا السعوديين دائما نلعن المعاهد ، حتي صرت في الفتره الاخيرة اشوف ناس توهم ما اخذوا الفيزة و تلاقيهم يلعنوا المعاهد الخاصة وهو ما جربها ؟

طيب اذا انت تقول ELS سيئ و غيرك يقول كابلان و غيرك يقول كذا و كذا وكذا .. يعني برأيك المتواضع ! هل ندرس بأمريكا ولا لا ؟

انا بستفيد و الحمد لله من ELS الي بمنطقتي و كلامك مع الاسف ما يمد للصحة بشي ، و انا لو اقول لك اني ما استفيد من المعهد 60 % الي 80 % انا اضحك عليك !! ياخي المعهد يلعمك كيف تتكلم بالقواعد و كيف تفهم الانجليزي ( قراءة - كتابة - استماع - محادثة ) و اذا شايف انك المعهد ما يعطيك الا 30 % ياخي لا تجي على امريكا و تتعب نفسك ، فيه ELS و غيره من المعاهد في السعودية ، فألتحق بواحد منهم و ريح راسك

اقتباس:

---

المشاركة الأصلية كتبت بواسطة إياد العنزي

اخوي اشرح لي كيف اني بستفيد من els وهو معهد خاص ؟ و فيه فروع تابعه لـ ELS تكون هي المعهد الجامعي ؟ كيف طلع معاك ان المعاهد الخاصه كلها تعابنة ؟ ليش الاجانب يستفيدوا من المعاهد بشكل كبير و ينجحوا و يدخلوا جامعات ( ياباني - كوري - صيني - برازيلي ) لا و درجاتهم دائما عالية .. الا احنا السعوديين دائما نلعن المعاهد ، حتي صرت في الفتره الاخيرة اشوف ناس توهم ما اخذوا الفيزة و تلاقيهم يلعنوا المعاهد الخاصة وهو ما جربها ؟

طيب اذا انت تقول ELS سيئ و غيرك يقول كابلان و غيرك يقول كذا و كذا وكذا .. يعني برأيك المتواضع ! هل ندرس بأمريكا ولا لا ؟

انا بستفيد و الحمد لله من ELS الي بمنطقتي و كلامك مع الاسف ما يمد للصحة بشي ، و انا لو اقول لك اني ما استفيد من المعهد 60 % الي 80 % انا اضحك عليك !! ياخي المعهد يلعمك كيف تتكلم بالقواعد و كيف تفهم الانجليزي ( قراءة - كتابة - استماع - محادثة ) و اذا شايف انك المعهد ما يعطيك الا 30 % ياخي لا تجي على امريكا و تتعب نفسك ، فيه ELS و غيره من المعاهد في السعودية ، فألتحق بواحد منهم و ريح راسك

---

رحم الله امرء عرف قدر نفسه

لاتقارن طالب سعودي مع الصنيين او اليابانيين او البرازليين .
99% من اليابانيين والصينيين الي يجون لعندنا في ELS تكون عندهم لغة ويجون مباشرة على لفل 7- 9 والداج فيهم يبدأ من 6

اما باللنسبة للبرازليين فلغتهم هي الاتينية الي هي الـ root حق الانجليزية تطابق الكثير من الكلمات والقرامر وكل الي يجونا من البرازيل على لفل 8-9

والسعودي لغته 0 يبدأ من الحروف الأبجدية او لفل 1 ( الغالبية العضمى في المعهد عندنا )
انا معك ان بعض السعوديين مهملين ولاحول الدراسة , ولاكن وش رايك في طالب مجتهد يحضر الكلاسات قبل بدايته بـ 10 دقايق ومحترم مع المدرسين , ويلقى اخس معاملة من الإدارة والمعلمين بسبب تكبرهم وطغيانهم لأكتفائهم من الطلبة السعوديين وأخر الشهر راسب بسبب المزاجية ورفع الميزانية ! لاتنسى الأمور النفسية الي تنتج عن الفشل والأحساس بالظلم والقهر فهي اكبر عائق امام تقدم الطالب علميا .