~دراســـة ماجستير فيزياء في أمريــكا~
الســلام عليكم ورحمة الله وبركاته..
اخواني واخواتي اعضاء وزوار منتدى مبتعث,,..
اتمنى الي عندو اي فكره .. او معلومات يفيدني في موضوعي
انا حابه جدا اكمل دراستي في تخصصي فيزياء..حيوية
لكن ما اعرف الى الان ما اعرف اتوجه الى اي ولايه..
ابغى اعرف ايش الأولى الجامعه وقوتها في تخصصي ولا
اختار الولاية او المدينه الي تناسبني اجوائها والمعيشه فيها.. :confused:
عن نفسي مهم عندي ان الولايه ماتكون بارده
ورخيصه وآمنه :rolleyes:
بس الظاهر انه يستحيل القى ولايه بهذي الطلبات
لان الي فهمته ان ولايات الشمال كلها بارده وثلوج
وولايات الغرب والشرق غاليه وزلازل واعاصير
والجنوبيه يقولون مشاكلها كثيره لانهم عنصريين
طيب وين نروح يعني :wallbash:
محتاجه فعلا القى شخص يفيدني ويطمني
ويطمن زوجي لانه كمان محتار ومتخوف..
وعلى فكره انا ام لطفلين ..وهذي احد
الاسباب الي مرددتني يعني خوفي انشغل
عن اولادي بالدراسه .. والله فعلا محتاره
ياجماعة الخير ..
اتمنى تساعدوني وتفيدوني
خصوصا من الاشخاص الي عايشين ومجربين
الحياة هناك..
رد: ~دراســـة ماجستير فيزياء في أمريــكا~
وعليكم السلام
لا تخافي ......أمريكا كان فيها مبتعثين من زمان يحكي زميلي يقول كنا بأمريكا كلها 3000 بس الأن أكثر من 36000 مبتعث يعني السعودي معروف محترم بأمريكا كلها
من جهة التخصص فهو في أغلب الجامعات الأمريكية بس المشكلة في مواصفات الولاية
أفضل حل تسألي المبتعثين في المدن الكبيرة و تضعي قائمة بالمدن الي تبين الدراسة فيها وبعد كذا تبدي بالقبول
الله يوفقك ويسهل أمرك
رد: ~دراســـة ماجستير فيزياء في أمريــكا~
انا مثلك تخصص فيزياء
بس باقي خليني اخلص اللغه بعدين يصير خير :)
رد: ~دراســـة ماجستير فيزياء في أمريــكا~
شكرا شكرا اخوي كينج..
اشكر مرورك العطر ويعطيك العافيه..
انا محتاره حاليا بين الولايات بعدين بشوف المدن..
.
.
متوكله هلا بك وحياك ..
ليه ماتاخذين اللغه من بره مو احسن مثلي :)
رد: ~دراســـة ماجستير فيزياء في أمريــكا~
هلا اختي
زوجتي مبتعثة لدراسة الدكتوراة في الفيزياء ونحن الآن في بوسطن المدينة غالية ولكن المكافأة تكفي للعيش فيها .
جامعات بوسطن من الافضل على مستوى العالم ، الجو حار صيفا وبارد شتاء(ثلوج)
ومعانا طفلين، صحيح ان الوضع يعتبر صعب مع الاولاد ولكن نحاول اساعادهم قدر المستطاع،
رد: ~دراســـة ماجستير فيزياء في أمريــكا~
من يعرف جامعه تقبل قبول مشروط تخصص فيزياء ؟!ّّّ!! ماستر الله يوفقكم تردون
رد: ~دراســـة ماجستير فيزياء في أمريــكا~
:( :(
ليش مافي اجابات بكل مواضيع الفيزياء
؟؟؟؟؟؟؟؟
رد: ~دراســـة ماجستير فيزياء في أمريــكا~
اقتباس:
المشاركة الأصلية كتبت بواسطة احساس صادق
من يعرف جامعه تقبل قبول مشروط تخصص فيزياء ؟!ّّّ!! ماستر الله يوفقكم تردون
ياخوك الله يرضى عليك ويسعدك إذكر الله والجامعات كثيره ..
عموما" تفضل هالجامعه تعطي قبول مشروط :
http://www.wiu.edu ...western illinois university
وهذا رابط فيه الجامعات إللي تحمل تخصص فيزياء :
http://ru.mohe.gov.sa/univ.aspx?uc=s...ertid=4&stid=0
تمنياتي لك وأنا أختك بالتوفيق بإذن الله ..
رد: ~دراســـة ماجستير فيزياء في أمريــكا~
السلام عليكم ورحمة الله وبركاتة
لااله الاالله محمد رسول الله
شاعره للاسف جيتي متاخره .. موفقه
رد: ~دراســـة ماجستير فيزياء في أمريــكا~
اقتباس:
المشاركة الأصلية كتبت بواسطة Shojon
:( :(
ليش مافي اجابات بكل مواضيع الفيزياء
؟؟؟؟؟؟؟؟
هلا بك عزيزتي والإستفسارات والردود عن علم الفيزياء كلها موجوده ..
تفضلي الرابط :
http://www.mbt3th.us/vb/forum76/thre...post1062059942
تمنياتي لجميع الإخوان والأخوات بالتوفيق إن شاء الله ..