-
طلب مساعدة الشباب
السلام عليكم ورحمة الله وبركاته
انشاء الله تكونو جميعا بخير اخواني بصراحه انا محتاج اللغه لضروف عملي حيث انها تتطلب اللغه الانجليزيه بشكل ملح ففكرت بالدراسه في امريكا وعندي بعض الاستفسارات ياليت الشباب يساعدوني في توضيحها انا المده اللي اقدر اجلسها من 3 الى 4 اشهر هل المده كافيه لتطوير اللغه بشكل معقول خاصه وانا مستواي الان مبتدئ وياليت كمان اللي عارف معهد حلو مايبخل علي فيه ومحتاج اعرف كم تكلفة مدة 3الى 4 اشهر شامله المعهد والعائله والمصاريف انتضر توجيهاتكم دمتم بصحه وعافيه
-
رد: طلب مساعدة الشباب
ربي يوفقك إخوي بدر
واللـه مآعندي ذيك الخلفيـه
بس من وجهة نظري. .شوف لك معهد حلو . .بولأيـه رخيصـه .
ويكون يوفر سكن مع عوآئل
كل الود
-
رد: طلب مساعدة الشباب
تسلم اخوي المطنوخ يعطيك العافيه وبنتظار الشباب يفيدونا
-
رد: طلب مساعدة الشباب
بالتوفيق أخوي بدر
لو تشوف المكاتب اللي توفر الدراسة بالصيف وترتب لك المعهد والسكن والتذاكر وكل شي اريح لك بس إذا تبي توفر لك كم ريال الله يعينك تبحث وتتحرى عن المكان المناسب.
واعتقد في وجهة نظري أن 3 شهور تكفي للي عنده مبادئ في اللغة انك تروح وتتعلم اللغة للتحدث أما إذا كنت تحتاج اللغة لكتابة تقارير وغيره مثلا فأعتقد تحتاج وقت أكثر من كذا
أما بالنسبة للتكلفة فيتعمد على الولاية والمعهد اللي تبي تروح فيهم.
ويمكن الأخوان اللي جربوا يفيدوك أكثر مني ....
وربي يسهل عليك
-
رد: طلب مساعدة الشباب
مدة اتقان اللغه تختلف على حسب الاشخاص وان كانو مبتدئين في ناس ينهونها بسته شور وناس بسنه ونص فانت خلك على ال3شهور واعمل توكيل لاحد الاقارب واذا لقيت نفسك متقن تنزل واذا لا تطلب من الموكل له امورك يقدم لك على اجازه بدون راتب الين تتقن اللغه
وترا الاختلاط مع الناس ومحاكاتهم لها الدور الاكبر في الاتقان
وانا راح اعطيك موضوع فيه مقاطع لكيفية تعلم اللغه واذا اتبعت تعليماته صدقني راح تنهيها بوقت قياسي
http://www.mbt3th.us/vb/forum8/thread273438.html
بالنسبه للمعاهد القويه انا مادري وين الافضل بس انا اخترت معهد لويس اند كلارك معهد مؤسس وفي ولايه اوريغون بمدينة بورتلاند واخترت هالمدينه لانها امنه جدا ورخيصه ومافيها ضرايب
بالتوفيق