تكفون ردوا على موضوعي بسرعه غيرت تخصصي موعج مقابلتي الاسبوع الجاي وش رايكم

بسم الله الرحمن الرحيم

تكفون شباب بيكم تردون علي ظروري تنحصوني او لا
شفوا القبول المشروط حقي وقولوا رايكم الجامعه معترف فيها بموقع الوزاره بس ما ادري التخصص
هل معترف فيه او تكفون فيدوني بغى غير التخصص من الاداره الاعمال الى محاسبه نفس الدبلوم
انا الدبلوم متخرج محاسبه بمعدل 4.87 -5 من جامعه البحرين الحكوميه بالمنامه
تكفون شفوا التخصص هذا للي بموقع الوزاره ناس يقولون الملحقيه ماراح توافق على التخصص حقي وتحطمت
بعد ماقدمت على الفيزا موعد مقابلتي يوم الاثنين الاسبوع الجاي
هل السفاره لها دخل بالشروط المقبول او لا
http://www.filesh.com/live/13038854441.png

وش تنصحوني غير او لا التخصص

وربي قمتت وسوس يوم قربت سفرتي

تكفووووووووووووووت طلبتكم

تاكدوا للي من حاجتين وطنونيني وريحوا بالي

التخصص و الجامعه معترف فيهم بموقع او لا

والتخصص مو معترف هل ياخر في الحاقي بالبعثه او لا

هل السفاره لها علاقه يوم غيرالشهاده او لا بغى رد وافي يالاخوان

السفاره تطلب اي توني وهل تطلب القبول المشروط او لا

منتظر ردودكم تكفون والي يرحم والديكم

السفاره مالها دخل بالتخصص وماتطلب القبول المشروط بل تكتفي بالمعهد وتقدر لو ماقبلت الوزاره ترجع على تخصصك القديم قبل صدور قرار الابتعاث وهذا ابدا ما ياثر على الفيزا
الله يوفقك

اقتباس:

---

المشاركة الأصلية كتبت بواسطة مدري وش السالفه !!

السفاره مالها دخل بالتخصص وماتطلب القبول المشروط بل تكتفي بالمعهد وتقدر لو ماقبلت الوزاره ترجع على تخصصك القديم قبل صدور قرار الابتعاث وهذا ابدا ما ياثر على الفيزا
الله يوفقك

---

طيب اخوي يعني تنحصني غير التخصص او لا
وهل الجامعه موقفه معترف فيها او لا بموقع الوزاره ياليت تفديوني لان خلاص سفرتي قربت الامريكا
وبغى روح كل شغلي مظبوط مابي توهق هناك
تنحصني غير محاسبه قبل للاسافر

شوف انا مابكلمك عن الملحقيه تقبل التخصص ولا لانك انت الحين بتروح وعندك سنه ونص لغه ماعليك خوف تقدر خلال هالفتره تتفتل بين التخصصات الين ترسي لك على بر
انا بتكلم عن نفس التخصص
ادارة اعمال حلوه ومستقبلها ما ادري اذا اقوى من المحاسبه و ترا الي يدرس على الدبلوم معناها تطلب منك درجه اعلى في التوفل الا اذا درست بمعهد نفس الجامعه الي تدرس فيها غير ان شهادة الدبلوم معادله بشئ بسط جدا قد لايحتسب وسنوات الدراسه ماتفرق عن البكالوريوس الا بالشي القليل
قريبتي راحت تدرس بكالوريوس بنفس تخصصها الدبلوم ولكن دون تقديم شهلدة الدبلوم والاكتفاء بالثانويه

الجامعه والتخصص معترف فيها

^^^^^^^

هو يقصد محاسبة مايقصد علوم حاسب

انا دخلت على نظام الجامعات الموصى بها

والجامعة معترف فيها والتخصص كذالك معترف فيه

يعني امورك تمام لا تحاتي

ولاكن اجابة على سؤالك وش الي افضل في التخصصين

التخصصين جيدة ولاكن وجهة نظري ان المحاسبة اقوى وافضل ومطلوبة في سوق العمل

اقتباس:

---

المشاركة الأصلية كتبت بواسطة مدري وش السالفه !!

شوف انا مابكلمك عن الملحقيه تقبل التخصص ولا لانك انت الحين بتروح وعندك سنه ونص لغه ماعليك خوف تقدر خلال هالفتره تتفتل بين التخصصات الين ترسي لك على بر
انا بتكلم عن نفس التخصص
ادارة اعمال حلوه ومستقبلها ما ادري اذا اقوى من المحاسبه و ترا الي يدرس على الدبلوم معناها تطلب منك درجه اعلى في التوفل الا اذا درست بمعهد نفس الجامعه الي تدرس فيها غير ان شهادة الدبلوم معادله بشئ بسط جدا قد لايحتسب وسنوات الدراسه ماتفرق عن البكالوريوس الا بالشي القليل
قريبتي راحت تدرس بكالوريوس بنفس تخصصها الدبلوم ولكن دون تقديم شهلدة الدبلوم والاكتفاء بالثانويه

---

يعطيك الف عافيه اخوي على ردك يالغالي

اقتباس:

---

المشاركة الأصلية كتبت بواسطة مدري وش السالفه !!

الجامعه والتخصص معترف فيها

---

الحمد الله بس غيربيه موقع الوزاره ماغيروا او حدثوا التخصصات الجديده والمطلوبه
عشان كذا سالت غير للمحاسبه نفس الدبلوم

اقتباس:

---

المشاركة الأصلية كتبت بواسطة k-o-k-o

^^^^^^^

هو يقصد محاسبة مايقصد علوم حاسب

انا دخلت على نظام الجامعات الموصى بها

والجامعة معترف فيها والتخصص كذالك معترف فيه

يعني امورك تمام لا تحاتي

ولاكن اجابة على سؤالك وش الي افضل في التخصصين

التخصصين جيدة ولاكن وجهة نظري ان المحاسبة اقوى وافضل ومطلوبة في سوق العمل

---

بالنسبه للافضل اخوي بواقع تجربتي بالقطاع الخاص
الاداره الافضل وانا كنت محاسب بشرركه ومره تعب شغل المحاسبه ومعقد
لاكن الاداره الافضل بكثير
عشان كذا طلبت كمل دراستي ويكون تخصصي الاداره واحب التخصص هذا
لانه سهل وبنفس الوقت المواد غلبها حفظ وفهم
وانا بالحفظ اموري تماام وسهله