السلام عليكم ورحمة من الله وبركاته الموضوع واضح من العنوان القبول وهمه بس الحل لدي ناتج عن تجربة وأسف إذا عندي أخطا فذي تجربة و الحمد لله صار المطلوب الهدف من ذكر التجربة حتى الإخوة الذين لديهم بعض الاستفسارات حول القبول يحاولوا و يجربوا و إنشاء الله ثلاثة أشهر كحد أقصى و يكون عندهم القبول .
طريقة المراسلة وحصولك على القبول المشروط أولا دخلت موقع وزارة التعليم العالي الجامعات المعترف بها أدخلت الدولة .........الولاية..........( بدات بأخر ولاية ).......... و ولاية ولاية أسم التخصص ...( باللغة الإنجليزية تخصصك العام )... الدرجة العلمية ......
بعد ذلك راح تنزل لك قائمة بالجامعات التي بها تخصصك أدخل على موقع الجامعة (أفتح موقع جوجل للترجمة جنبك ) الآن أبي أدخل على قسمي مثل ( رياضيات Mathematics ) أدور على ( كلية أو مدرسة Colleges and schools ) أو ( قسم department ) أو ( أكاديمي Academic ) المهم ترجم وأدخل وجرب و شوف حتي توصل ( جوجل يترجم الموقع كاااامل يصير الموقع بالعربي ) بس أفضل انك تحاول باللغة الإنجليزية أدخل أي موقع جامعة سعودية وحاول تدخل موقع القسم راح يكون تدخل الكليات بعدها الأقسام سهله اذا فتحت صفحة القسم وصلت دور على إيميل ( رئيس القسم Department Chair ) أو السكرتيرة أو ( المساعد Associate ) أو المسول عن الدراسات العليا بالقسم أو المسول عن البكلوريوس وتكون في (هيئة التدريس والموظفين Faculty and Staff ) بعد كده أنت حصلت إيميل الشخص الي يعطيك الكلام الأكيد تروح مرسل له إيميل القبول و بعد كذا انتظر رده .
الردود من الجامعات :
1. نحنا ما نقبل طلاب أجانب .
2. نحنا ما عندنا قبول مشروط .
3. نحن ما نقبل بسبب........ .
الي ردوا كذا هما الي خسروك أتركهم ( الصراحة كنت أرد لهم شكرا أنكم نظرتم في موضوعي عشان يعرفوا أن الشعب السعودي راقي بالتعامل و اذا ارسل غيري يحترموا رسالته )
4. قدم على موقع الجامعة وأفتح ملف وخلاص ( بدون كلام كثير ما يعطيك إجابة )
5. هذا رابط التسجيل و بس . أفضل من السابقين بس بين وبين يعني وسط
6. أنتظر نشوف أورقك و نعرضها على القسم ونرد عليك ويكون ردهم جميل محترم .
7. نحنا نقبلك ونديك الي تبي بس أفتح ملف في مركز القبول .
8. مبروووك ترى قبلت وراح نرسل لك القبول خلال أيام . ( بدون فتح ملف وأي كلام ثاني مثل ما صار معي )
دي الردود الحلوة على طول تفتح موقع الجامعة وتفتح ملف وتسجل وترسل إيميل لصاحبك تقول ترى أنا فتحت ملف و سجلت وبعد كاد تنتظر حتى يجيك رد القبول بتوفيق من الله و تيسيره .
ثانيا محتويات إيميل القبول يكون ملف بصيغة PDF مرفق في الإيميل ويكون كتالي ( خطاب طلب القبول – السيرة الذاتية – التوصية الأكاديمية عدد ثلاث – الشهادة الجامعية أو أخر شهادة دراسية لك – كشف الدرجات – أي شهادات و دورات دراسية – صورة الجواز – الضمان المالي أو الشهادة البنكية أنا حطيتها كلها ) وتكتب نفس خطاب طلب القبول في الإيميل .
ملاحظات :-
1. عشان تعرف الجامعات يمكن من موقع الوزارة أو بتحصل بعض الإخوة جزاهم الله خير مجمعين بعض الجامعات التي يكون بها قبول مشروط .
2. لازم تعرف بعض الكلمات باللغة الإنجليزية مثل أسم الكلية و القسم و بعض أسماء في قسمك .
3. أنا قدمت على 150 جامعة متحمس حااااول وتوكل على الله .
4. بعض الجامعات أتوهقت معاهم ودفعت رسوم فتح الملف بعد فترة ردوا قالوا ترى ما عندنا قبول وكلامك ذا وراح نرجع لك فلوسك بعد كم يوم .
5. مرة أرسلت لرئيس قسم طلب قبول رد علية على طوااال قال أنا أحب الطلاب السعوديين وهم مجتهدين و أنا عند طالب بنفس تخصصك و الطالب ذا محترم و محبوب و أسمه فلان المهم قلت شكرا و قال خلاص أنا راح أقبلك المهم بعد فترة رقم من أمريكية رديت مين أنا فلان عرفت الأسم على طول قال رئيس القسم دا طيب ويساعد السعوديين و هو راجل أمريكي أمريكي وقال ذا طلب سعودي كلمه وساعده لفتح الملف فقلت الحمدلله أنا فتحت الملف و خلاص فقال خلاص أنا راح أتابع معاك بس بعد ما جاني كذا قبول غير ذي الجامعة أرسلت لصاحبي أنا أسف وراح أروح ولاية ثانية فقال بالتوفيق . ( أغلب الناس بالجامعات محترميييين )
6. بعض الناس يقول أن الجامعة ما راح تنظر في أوراقك بدون ما تدفع رسوم التسجيل ذا كلام صحيح بس أنت الأن تكلم شخص كلام عادي كلام مبدئي .
7. صيغة طلب القبول دور في المنتديات و بتلقوا غير الي أنا كاتبها و يمكن إذا تعرف شخص متمكن من اللغة يكتبلك .
8. صيغة خطاب القبول . مرفق
9. السيرة الذاتية دور في المنتديات و بتلقوا غير الي أنا كاتبها الي داخل القوس خاص فيني أنتبه وعدل على كيفك وترجم و أفهم .مرفق
