الغاء الدخول والخروج الخاص بالسعوديين من تاريخ 28 ابريل..

يعطيك ألــف ألـــف عــآفيه على الخبر < والله كنا نعاني من هالمششكلة وبتريح الكثير خاصة الطلاب الي توهم جايين لأمريكا > أتكلم من حكم تجربة سسبع ساعات انتظار هـــع

أما الأخ الي يسسأل عن اللآب تـوب أكيد فيه تفتيش يالغالي وهذي عليها محاكمة وازعاج ، الأخت نوني يعطيك العافيه ترى تفتيش اللآب مو يدوي يشغل الجهاز ويششوف فيه برامج هههههههه هذا يدخل على أجهزة ويفحصونه الي هي البلاستيكية وتحطين فيها الاغراض وهي تمششي على الجهآز
والأخ الي يسسأل عن الـ i-94 يالغالي قالو انتظار الآمقريشن فقط < الي هم مثل ماتقول الجوازات ولآزم تمر عليهم هالورقة ولآزم تختمها قبل لآتطلع من المطار الي أنت نزلت فيه علششان ماتصير عليك مششكلة بعدين

بالرغم من اني مهمووووم ياصاحبي لكن وربي انك اضحكتني جدا , يسلمو ع خفة الدم

دوم الضحكة ياحبيبنا

أخوي باحث دكتوراة وسع صدرك .. ترا انا مثلك ابحث دكتوراة ولا لقيت لكن وش نسوي مدرعمين في هالحياة ومتفائلين واللي خلقنا مو مخلينا

لكن خل شعارك في الحياة هو البيت القائل ( فل الحجاج وخل عنك الهواجيس *** كل(ن) يموت وحاجته ماقضاها

مايتغير شي بعد القرار
الورقة البيضا بتكون موجودة وختم الدخول عادي مثل كل المسافرين يعني تصورها وترسلها للمحلقية
بس اللي تغير انه مافيه ختم دخول خاص ولا فيه انتظار اكثر من خمس ساعات

القرار ماله دخل بالتفتيش <<<< الجمارك
يعني لازم برامج لابتوبك اصلية لان ماتدري احتمال الجمارك يفتشونك وممكن لا

مين قال مايفتشون!!!!!!
التفتيش عالحظ ممكن يفتشون وممكن لا
فالاحسن الواحد ياخذ احتياطه ومايسوي الاشيا اللي ممكن تسبب ترحيل وغرامة كبيرة مثل (برامج التقليد باللاب )

بنفس يوم تطبيق القرار
صديق زوجي سافر من شيكاغو وقالوله مايحتاج تمر الايمريقيشن بس ماصدقهم وراح للمكتب والموظفين قالو روح مايحتاج ختم..

الله يحفظك بس ! والله لو تنمسك ان تروح عليك خابور وتتمنى ان ماعرفة الدرب لأمريكا
امش في السليم وخل امورك بالنظام وكل شيء تمام ولاتلف وتدور وتسوي ذكي عشان مايلفون ويدورون عليك ويتبلون عليك بشيء , وبغض النظر من الخوف من العقوبات الامريكية , عليك اولا الخوف من الله تعالى وعدم سرقة حقوق الغير , سواء كان برنامج او نظام او أي شيء كان تم الحصول عليه بطرق غير شرعية .

اصلا مالهم داعي واسألتهم زي وجههم بس مسوين زحمه على الفاضي

كل اللي يشتغلون بالامقريشن احسهم سجانين ويخوفون لو يسألونك سؤال تنسى اسمك من الخوف ههههههههههههه

فكه منهم بس مو معناه انهم لغو الختم وتسجيل الدخول

تسجيل الدخول والختم وبصمة العين والأصابع بعد ماتنزل من الطيارة وتدخل المطار وبعدها تستلم شنطك وآخر مرحلة الامقريشن

مشكور على النقل ويا حظهم الجدد اللي ما بيشوفون الامقريشن

اييه .. عـآرفين اني جـآي قريب انشاء الله .. فقـآلو مالها داعي يزعــل علـينا ^ ^

الاحـلآم ب بلآآش ي اخوآن >>>>>



..