ابغى فزعتكم ومشورتكم

السلام عليكم ورحمة الله

اخواني , اتمنى انكم تساعدوني في البحث عن جامعه في امريكا وفي ولاية تكون ممتازه فيها تخصص

(بكالريوس هندسة سلامة)

Bachelor of Science (BS): Safety Engineering Degree

ابني الآن يدرس في كندا في مرحلة اللغة وبعد كم شهر انشالله بينتقل الي معهد الجامعه
الان عنده قبول (ادارة أعمال)

وانشالله راح يغير الي تخصص Safety Engineering Degree

لكن بعد ما نحدد الجامعه اللي راح يدرس فيهه هذا التخصص

ارجو من اللي عنده خبره عن هالتخصص يساعدني ويجاوبني على:

1-ايش رأيكم بالتخصص؟
2- ممكن تذكرون لي الجامعات اللي تدرس هالتخصص في امريكا؟؟؟
3-الولاية ..مهم تكون امان والدراسة فيها ممتازه؟؟؟؟

يمدحون جامعة شرق كنتاكي بتخصص الهندسه

امريكا كبيرررررررة صعب نحدد لك مكان معين!

عشان كذا .. ادخل على موقع وزارة التعليم العالي ومن ثم الجامعات الموصى بها .. اختر الدولة امريكا واختر المدينة والولاية الي في بالك واكتب اسم التخصص بالانجليزي واختر المرحلة بكالوريوس .. رح تطلع لك جميع الجامعات الموصى بها بالتخصص والمكان الي اخترته :)

بالتوفيق

هـــلآ والله وغـلا أخــوي مطلع الششمس بالنسسسبة للتخصص جــميل جــداً جــداً وفي نفس الوقت ترى مرغوب اكثر من باقي تخصصات الهندسسة لأن أخوياي الي عندي ثلاثة جايين لأمريكا علششان هالتخصص بالذات أما الجامعات الي تدرس هالتخصص أتوقع ماهي كثيرة بس الجامعة الأولى الي هي جامعة أوكلاهوما ستيت Oklahoma State University في مدينة ستل ووتر مدينة جميلة جــداً جــداً والـجآمعة بعد جميلة والــديرة رخيصة وديرة دراسسة . أما الجامعة الثانيه : جامعة كنتاكي الشرقية EASTERN KENTUCKY UNIVERSITY بالنسسبة للمدينة والله ما اعرف عنها شي بس فيه ناس يمدحونها . أما الجامعة الثالثه : في ولاية تكسسآس TEXAS A & M UNIVERSITY والولاية حلوة ولو انها ششوي غاليه بس جميلة جداً جداً . أما الجامعة الرابعه : جامعة سينسناتي UNIVERSITY OF CINCINNATI - MAIN CAMPUS المدينة في ولاية أهايو ونعجز عن الكلام عن ولاية أهايو . أما الخامسه والأخيره : جامعة نورث كارولينا UNIVERSITY OF NORTH CAROLINA AT CHARLOTTE ما أعرف عنها أي شي نهائياً. والجامعات مو كثيرة الي تدرس هالتخصص أتوقع في العالم 11 جامعه فقط أتمنى إني أفدتك يالغالي

الله يعطيكم العافيه ومقصرتوا على ردودكم

اخوي رعد جزاك الله خير على هذه المعلومات المهمه