جامعتي تطلب 61 في IBT ,, و 500 في PBT ,, او 6 في IELTS,, وش الاسهل فيهم لاهمنتوا ؟!!!

السلام عليكم

بكل اختصار حبايبي ,, جامعتي طالبه مني لأستوفي الشروط ان اكون حاصى على
61 في IBT
500 في PBT
6 في IELTS

وأنا ما ابي اضيع وقت في التحضير لشي انا في غنى عنه دام الجامعه معطيتني 3 خيارات !

فسؤال بكل بساطه وش افضل اختبار من ناحية السهوله والبساطه

وانا الصراحه لفلي انترميديت وقد جربت التوفل الورقي وكان استهبال لدرجة اني بغيت اصيح
تحطمت نفسياً ومعنويا حسيت اني ما عمري تعلمت انقلش واني على كل الي درسته ما درست الا اساسيات

ولاكن في نفس الوقت اشوف ان الجامعه طالبه درجة 61 في IBT اي انها 50٪ من الدرجه الكليه
فأشوف انها كويسه مره !

فياليت يا شباب الي جرب واختبر ,, يقلي وش الافضل ولاهنتوا حبايبي :)

اختبرها كلها وجرب

Internet Based Test
هي الأسهل ولكن ينبغي عليك معرفة أنه لا يمكنك المراجعة او الرجوع الى القسم الذي تم الأنتهاء منه
والله الموفق
أنصحك اخي أنك تقراء قصص أو الجرايد بالأنجليزي دائماَ هذه المعلومة لك ولجميع الدارسين حيث أنك سوف تستفيد من الأخبار والمناقشات ومن ثم تترجم مالم تعرفه وتحفظه عن ظهر غيب
والله ولي التوفيق

^
اخوي اشكرك من قلب حقيقةً
انا إن شاء الله بختبر IBT
ولاكن هل نسبة 61 صعبه او ان من السهل الحصول عليها !

انا الاندرستاندينق (ريدنق , ليسنينق) عندي الحمد لله قوي ,, وحتى الحمد لله اقدر افهم وش المقصود بالكلمه من خلال قرائتي للقطعه بشكل عام
والسبيكنق يعتبر انترميديت
الرايتنق .. طريقة كتابتي جيده كأسلوب ,, ولاكن السبلينقس وبعض القرامر وقواعد الكتابه مضروبه عندي وبقوه !

انا حالياً في الاونه الاخيره بدت لغتي تتطور بشكل ملحوض ,, ولله الحمد ,, اصبحت اتكلم واستخدم القرامر بدون ما افكر يعني صارت تجي من نفسها
حتى لما اجي اكتب جمله اقم اكتبها ولما اجي اشيك الاقيها صارت كويسه ,, يعني صارت اللغه جايه من نفسها اكثر من انها فهم للقواعد

مشكلتي العويصه هي اني داخل لفل انترميديت وعندي فوكاب كثير للفلات العاليه ولاكن الفوكاب السهل يعني اغراض البيت انواع الفواكه والخضروات الحيوانات
الالوان الاشياء السهله البسيطه تلاقيني ما اعرفها ,, والاشياء الي ما يعرفونها الشباب تلاقي لي خلفيه كبيره عنها هههههههههههه

والقرمر اكرهه كره غير طبي لا تسألني وش معنا باسيف فويس او باست بارقرسيف لاني ما ادري ,, فقط اقول واكتب بالطريقه الي احس انها صح او ان صوتها مار علي !!

والله يعين إن شاء الله !

اما عن نصيحتك للقراءه ,,, انا انصحك ايضا بقراءة كتاب للاطفال جداً شيق ومعروف جداً اسمهDiary OF Wimpy Kid ولها اكثر من جزء ولها فلم توه نازل
وطريقة القصه عباره عن مذكره يومياً ,, الي استفدته منها هو ان طريقة الكاتب جداً رائعه في سرد قصته والاحادث اليوميه ,, وكيف كان ينتقد اخوياه ووو الخ
والي عجبني في الكتاب انه جاي ع صيغة الماضي ,, فتعرف حنا اصعب حاجه لنا لما نجي نقول قصه او سالفة حنا سويناها من قبل تكون مليانه بقرامر الباست تنس !
فالكتاب مره مره استفدت منه رغم اني لم اقراء الا ١٠ صفحات فقط !

انصحكم في هالكتاب ,, ومشكورين وما قصرتوا

تقدر تجيبها و انت مرتاح بس قبل كذا شد حيلك في التحضير

انت مقدم على اي جامعه ؟؟

^
جامعه تعتبر للفنون ,, ما اعتقد انها مهمه للبعض هنا
لانها جامعه مقتصره على الفنون بشكل عام

الايلتس اسهل من التوفل بحكم تجربه

^
يعني الحصول على ٦ في الايلتس اسهل من الحصول ٦١ في التوفل

انا جبت 6 في الايلتس عالبراد
و جبت 68 في التوفل بالموت << بس طبعا بدون ولا تحضير ولا مراجعه