السكن في واشنطن و سانتا باربرا (مدينة الدراسة)

السلام عليكم ورحمة الله و بركاته :

عندي اذا تسمحون لي سؤالين ياليت تفيدوني :
1- هل احجز فندق في واشنطن من الرياض او الافضل اني اكلم الملحقية و يحجزون لي ؟خاصة اني سمعت انه الملحقية تعطي خصم في بعض الفنادق .

2- انا تواصلت مع معهدي عشان يوفر لي سكن مع عائلة لي انا واخوي ,و لكن لين الحين ماوصلني ردهم مع اني من زماااان راسلتلهم ايميل بخصوص السكن , لكن كل ما استفسر اذا لقوا لي عائلة او لا !يقولون لي اننا اذا لقينا بنقولك , و بيني و بينكم انا مررررررررررررررره قلقانة بخصوص هالشي خاصة انه مابقى على سفري الا بس اسبوعين , في رأيكم وش اسوي الحين انقذوني تعبت من التفكير !!!!!!!:( و لحد يقول دوري شقة لانهم يقولون صعب القى شقة على طول .

بلييييييييييز ردوا علي لاني محتاجة احد يعلمني وش اسوي .

كيف حالك اخوي
انا لي 3 من اخوياي في سانتا باربرا لهم شهر في المدينه الا حد الان مالقوا سكن اما انه بعيد عن المعهد والا القريب غالي وهم اللحين ساكين فندق بالاسبوع لكن انا مابغى احطمك لكن هم بشروني بان الطلاب اللي في المعاهد والجامعات اللحين في اختبارات وبكثير يخلصون خلال اسبوع وفيه منهم كثير اللي بيسافر خلص دراسة والا بغيرون الولايه...لكن مافيه مشكله اذا زنقت عليك راسلني بالخاص وانا اكلم الشباب واعطيك ارقامه وهم يفيدونك انشاء الله

الله يعافيك مشكور ماقصرت (:

محد وده يرد على السؤال الاول!

هلا اختي
اول شي لا تشيلي هم ولسى انتي تقولي باقي اسبوعين . هذا شي والشئ الثاني الموتيلات كثيره في امريكا
اول ما توصلي خلي سواق التاكسي يوديك على عنوان المعهد ومن هناك يدورلك على اقرب موتيل . الشغله سهله بال GPS يدورلك على موتيل قريب
واذا رحتي المعهد عن طريق الطلاب تحصلي سكن لأن كثير يسكن ويغير . اهو عندك اكثر من خيار .

وتوصلي بالسلامه

اخوي تركي الله يطمنك و يريح بالك ...