الله يوفقك ويدخلكم الجنة ردو عليا والله ضروري

هلا فيك أخوي ومرحبابك ..
شوف أخوي أنت تقدر تختار أي تخصص أفضل !! التخصص اللي تحس إنك راح تبدع وتتميز فيه وإنت حابه إختاره لاتنتظر من أحد يختارلك ..
وأتمنى الشباب يفيدونك في المميزات لكل تخصص وتختار التخصص وتتوفق فيه يارب..
تحياتي لك ..

صح أخوك نسيت بالنسبه لي أشوف إن علوم الحاسب أفضل تدري ليش ؟
لأن الإبداع والتميز فيه أكثر ومن ناحية التوظيف راح تلقى في الشركات الكبرى أو البنوك أو حتى في المستشفيات .. أما التمريض ألحين أي شخص يدخل معهد ويصير ممرض وماأظن فيه تميز وإبداع والتوظيف بيكون بس في المستشفيات كممرض .. وإنت اللي تقدر تقرر وتختار .. وهذي وجهة نظري ماأدري عن الأخرين .. يفيدونك الشباب ماراح يقصرون ..
تحياتي لك ..

بدون ماتفكر طبعا تختار تمريض .. انا اقولك ليش ..
اولا من ناحية الوظيفة فالتمريض في نقص وظايف بشكل هائل ولا عشر سنوات قدام تملي هالنقص
ومن ناحية الرواتب فالرواتب جدا عالية وكويسة
واصلا نقص في الطقم التمريضي الرجالي مره كثير .. فنصيحة مني ابعد عن الحاسب كل اللي يروحو امريكا يدرسو حاسب
انت اختار تخصص مطلوب ومرغوب كثير .. وله مستقبل وظيفي ..
وربي يوفقك

حاسب الي وانت مقفل عيونك والله يوفقك يارب دعواتك ان الله يوفقني بدراستي واخواني المبتعثين

اخوي نصيحه ..

اول شئ التمريض ماشاء الله حلوو جدا بس اول شئ الاولوية الى البنات والبنات هابين هب عليه هل النخصص يعني ابعد عنه .. وعلوم الحاسب مادري عنه اي شئ بس لو تدخل تخصص قليل في السعودية او توة فاتحينا

يكون كويس لو تلاحظ ترا التخصصات الطبيه كثير وحلوة اكثر من التمريض بس شوف ميلانك على ايش .. ومن ناحية الحاسب لو تبعد افضل وشوف تخصص غيرة كويس ..

تخصص صحي طبعا افضل
التمريض افضل من علوم الحاسب بالف مره
وتخصص طب طوارئ بعد ممتاز
وتخصص العلاج التنفسي كمان ممتاز
اهم شي لاتخرج عن الحقل الصحي وان شاء الله امورك اوووكي

بالنسبه للرواتب
بكالريوس حاسب الي ممكن تستلم من 6 الاف الى 10 كحد اقصى ويمكن ما تحصلك وظيفه اصلا
اما التمريض بالدبلوم تستلم 8الاف بالراحه
وبالبكالوريوس تستلم 14الف ريال وقس على ذلك التخصصات الصحيه
في السعوديه عندنا نقص كبير في الكادر الصحي بجميع التخصصات والمسميات من اطباء الى ممرضيين الى اخصائيين
والله العظيم اني اعرف واحد اتوقع له 3 اشهر متخرج من امريكا ماجستير حاسب الي ولا لقى وضيفه الى الان

شوف اخوي تخصص التمريض حلو وبالتحديد البكالوريوس

وانا كنت بقدم عليه في كلية البترجي في جدة بس لما سألت واحد من الشباب قلي " طيب يانيرس "

من بعدها كرهت الدكتوراه والتمريض ومابي حتى سواق اسعاف ^^

انا اشوف اذا كنت محتار بينهم الحاسب افضل لانك بتتعامل في بيئه كلهم نفس جنسك ذكور.

وانت استخير والخيره في ما اختاره الله

هذا الخبر من جريدة عكاظ طµط*ظٹظپط© ط¹ظƒط§ط¸ - 1600 ط®ط±ظٹط¬ ط*ط§ط³ط¨ ط¢ظ„ظٹ ظپظٹ ط§ظ†طھط¸ط§ط± ط§ظ„طھظˆط¸ظٹظپ

الخدمة المدنية تتحرك لانهاء معاناتهم
1600 خريج حاسب آلي في انتظار التوظيف

محمود الحارثي ـ نجران




يجلس أكثر من 1600 خريج من حملة البكالوريوس في تخصص الحاسب الآلي منذ خمس سنوات على «دكة» انتظار الوظيفة، بعد أن فاتهم قطار الوظائف التعليمية، إلى جانب استبعادهم عن وظائف الخدمة المدنية بحجة أن تخصصهم يؤهلهم للوظائف التعليمية، وهو الأمر الذي لم يحصلوا عليه.
وأوضح لـ «عكاظ» عدد من الخريجين أنهم حصلوا على درجة البكالوريوس في تخصص الحاسب الآلي، وكان الأمل يحدوهم في الحصول على وظائف لكنهم وجدوا أنفسهم ضمن خانة العاطلين رغم ندرة تخصصهم.
وفي هذا السياق، أكد الخريج أحمد جمعان أنه وزملاءه الخريجين قدموا للوظائف التي تعلنها وزارة الخدمة المدنية أكثر من مرة، وفي كل مرة يتم قبولهم مبدئيا ومن ثم يتفاجأون عند الترشيح بأنهم مستبعدون ويجهلون السبب في ذلك.
فيما قال الخريج عبدالعزيز الحارثي «لم تنظر لنا أية إدارة حكومية وتم قبول خريجي كليات المعلمين للتدريس رغم أن مستواهم ابتدائي ونحن لنا الحق في تدريس المرحلتين المتوسطة والثانوية ولم يتم قبولنا حتى على بند التعاقد، موجها تساؤله إلى الجهات المعنية إذا لم تستطع وزارة الخدمة المدنية ووزارة التربية والتعليم توفير وظائف لنا وهي الجهات المسؤولة عن ذلك فأين نذهب»؟.
وأضاف الخريج الحارثي أن عدد الخريجين على مستوى المملكة يتجاوز أكثر من 1600 خريج وجميعهم يعيشون واقع المعاناة ذاتها.
وناشد الخريجون عبر «عكاظ» المسؤولين لحل مشكلتهم والنظر في وضعهم بعين الاعتبار وإنقاذهم من شبح البطالة الذي يلاحقهم منذ أكثر من خمس سنوات.
وعلمت «عكاظ» من مصادر مطلعة عن وجود تحرك في وزارة الخدمة المدنية لانهاء معاناة الخريجين.