وشو احسن طيران للحامل في الشهر السابع.. اللي مجربين و اللي يعرفون تكفون خبروني....

السلام عليكم و رحمة الله
تحية طيبة للجميع

الموضوع باين من عنوانه .. يوم السبت انشاء الله بنطلع قرار الابتعاث و زوجتي حامل راح تدخل في الشهر السابع ... نبغى نعرف وش انسب طيران بالنسبة للراحة لها ... ناس تقول روح على الالمانية لانها عندها ترانزيت في المانيا خمس ساعات تقدر الحامل تريح شوي عن الطيارة ... و ناس تقول لا.. ادعسها بالسعودية او القطرية مرة وحده و خلاص ...

اخاف اروح بالالمانية و الترانزيت خمس ساعات " سيم سيم موت" هلاك و تعب و انتم تعرفون... و لو رحنا بالقطرية من الدوحة الى امريكا برضو تعب طول الوقت بالطيارة ؟؟؟؟؟؟؟

فاللي عنده علم وين الافضل و الاريح تكفون فيدوني لاني من جد حدي احترت.. و ابغى السلامة لزوجتي و الجنين ....


حفظكم الله و رعاكم و انا بانتظاركم ,,,

وعليكم السلام

ومن المانيا إلى واشنطن او نيويورك ( أقصر مسافة إلى أمريكا تقريباً) أكثر من 8 ساعات

أنا أقول من جدة إلى واشنطن او نيويورك أفضل و بدون توقوف

أنصح بإستشارة طبيبة زوجتك قبل السفر لان في بعض حالات الولادة لا ينصح بركوب الطائرة، فالطبيبة أعلم بحالة حمل زوجتك

و أذا لايوجد أي مشاكل، أنصح بأخذ تقرير من الطبيبة لان بعض خطوط الطيران تمنع من ركوب الحامل في شهورها الأخيرة، لإعتبارات السلامة و إعتبارات مادية، لانه في حالة حصول أي حالة طارئة يظطر الطيار بالهبوط في أقرب مطار وهذا يكلف شركة الطيران مبالغ طائلة، ولهذا السبب تحرص بعض الخطوط بعدم إركاب الحوامل إلا بتقرير طبي من الطبيبة

و توصلون بالسلامة و مبارك المولود مسبقاً

كفو و الله ابو قصي.. ما قصرت ... كفيت و وفيت..

بالنسبة لطبيبتنا العزيزة .. قالت الجنين مستقر و الحمل كله طيب و الحمد لله ...

ننتظر المزيد..

اتوقع القطريه والكل يششهـد برآحه فيها وتاصللون بسلامه

والله جبتها بالصميم انا وضعي نفس وضعكـ زوجتي بالشهر السادس وراح تدخل بالسابع

لجل كذا كنت ابي درجه اولى ع الخطوط القطريه وطلع الفرق اللي بأدفعه فوق 14 الف ريال وحاولت بالخطوط السعوديه وطلع قريب من هالسعر بأقل من القطريه بألفين ريال ومع كثرة سؤالي نصحوني كلهم بالخطوط القطريه ع السياحي بحكم انها افضل شي مجرب يعني


وبالنسبه للأخ اللي ذكر ضرورة التقرير الخاص بالحمل طبعا كلامه 100% ضروري يكون معاكـ تقرير طبي لجل ماتتعطل بالمطارات والله الموفق

طيب ياخوان الي زوجتة بشهر التاسع ايش تنصحونة بسفر قبل الولادة ولا بعدها+++الوضع محير+++

والله يا أخ فارس بدون ماتشاور بعد الولادة سافر لاسباب اولها دام زوجتك مشاء الله والله يتمم لكم فرحتكم قاربت ع الولاده وبشهرها الأخير خلها عندك اهلك او اهلها يساعدونك في امور الزوجه ونت اعرف بها

الشي الثاني كذا انت راح تعرضها للخطر بمجرد سفرها بالشهر الاخير واسأل الطبيبة اللي تتعالج عندها وحط ببالك ان الرحله طويله الى امريكا ممكن توصل الى 14 ساعه وهالشي مايخارج زوجاتنا ونت عارف


انا ما اقول غير الله ييسر لك اموركـ ويوفقك

انا نفس الوضع وزوجتي بالشهر الخامس وانشالله باخذ تقرير لان اغلب الطيران اذا عرفو انها حامل ماراح يخلونها تركب الابعد ماياخذون التقرير
وبالنسبه لي انا ناوي اخليها من الرياض لواشنطن دعسه وحده والله يعين
واذا عندكم اي اقتراح اكون شاكر ومقدر
تحياتي

ترى الخطوط السعودية وكثير من الخطوط ماتطلع الحامل بعد الاسبوع 35 ... وقبله لازم تقرير طبي

اخوي الالمانية بعد رحلة عشر ساعات توقف ترانزيت و بعدين رحله 8 ساعات لواشنطن احس مره اوفر
بينما السعوديه 14ساعة وتوصل
افضل شي السعودية و القطرية ترى الدرجة الثانية من القطرية جدا ممتازة و اتوقع الفرق 6 الاف لو حاب
غير كذا الالمانية مافد سمعت احد مادحها
الله يهون على زوجتك و يسهل اموركم