بخصوص أجراءات المقابلة بالسفاره ؟!
.
.
.
السلام عليكم ورحمة الله
صباح الخير جميعاً
أخواني أنا عندي مقابلة في السفارة بعد بكرى في الرياض ..؟!
أبي أعرف وش يبغوُن بالضبط؟
الأوراق اللي أخذها معاي وشّي ؟
وش المطلوب ؟؟
للمعلوميه أنا معاي :
i20
ds160
جواز
حجز موعد > 45 ريال
وصل السيفيس
صور وجه
أعتقد باقي تسديد سامبا ؟ بس كم أدفع لهم ؟
وإذا فيه شيء ناقص ، ليتكم تساعدوني
الله يعطيكم العافيه
اللي يعرف لا يبخل علينا : لا هنتوا
الله يوفق الجميع لما يحب ويرضى
ما أنام إلا ألقى لي جواب << ^^ :(
.
.
.
رد: بخصوص أجراءات المقابلة بالسفاره ؟!
اهلا اخوي انا بصراحه موعدي عندي مقابله كذلك في 14 مايو
بس حتى انا موعارف شي بس المكتب اعطاني اوراق وقال روح فيهم للمقابله
بس اخوي اقدر افيدك بشغله انا سويتها بخصوص سامبا هذي رسوم لازم تدفعهاااااااا فورا لان لمن تسوي المقابله بيطلبون منك الوصل
كل ماعليك بكره الصباح تروح سامبا تقول للموظف بس تسديد رسوم السفارة الامريكيه وهو بيفهم على طول بيعطيك شيك تكتب فيه المبلغ واسمك وكل شي وتسدد
واحتفظ بالوصل لانك راح تسلمه لهم بعد بكره
والملبغ المطلوب منك 532
رد: بخصوص أجراءات المقابلة بالسفاره ؟!
اهلا اخوي تقريبا كذا كاملة الاشياء مع ايصال سامبا وطبعا الايتوني صورة وخذ الاصل بعد
واذا على حساب الملك يبغالك تاخذ بطافة الماتقى
رد: بخصوص أجراءات المقابلة بالسفاره ؟!
.
.
الله يعطيكم العافيه
ماقصرتوا .. لكن
انا طالع على حساب الملك برنامج الملك عبدالله
هل يطلبون منيَ كشف حساب ؟ واناَ طالع للماستر
لأ لما سجلت في البرنامج ، كنت طالب والأن انا موظف حكومي
هل يطلبون من جهة عملي شيء؟ كَ أجازه أو أثبات على رأس العمل ؟
أو أن مالهم علاقه بذلك ؟
مشكورين حبايبي
والله يوفقك للخير
.
.
رد: بخصوص أجراءات المقابلة بالسفاره ؟!
كشف حساب لا مايطلبوون تكفي بطاقة الملتقى
لاتجيب سيرة عن الوظيفة لانه ممنوع تكون موظف حكومي وانت مبتعث تعتبر
الا اذا قعدت بعد التخرج سنة مثلا
رد: بخصوص أجراءات المقابلة بالسفاره ؟!
.
.
طيب انا ، الحين ..؟!
كتبت لهم ب { الأبلكيشن } أني موظف ؟
يعني { نكبت } نفسي مثلا ؟!
هههههههه << ضحكت واحد متوهق
أكيد بيعرفون من الابلكيشن ؟
:(
.
.
.
رد: بخصوص أجراءات المقابلة بالسفاره ؟!
امممممممممممممم انت ماتذكر الشروط يوم قدمت عالبعثة
اتوقع يبغالك اجازة بس مااقدر افيدك لو مرافق صح تجيب اجازة من الوظيفة بس الحين ماادري
الله يعينك
رد: بخصوص أجراءات المقابلة بالسفاره ؟!
اخوي تأكد من سالفة تحويل مبلغ 200 دولار
لأني اودعت لهم 200 دولار واخذت معاي الورقه الايصال طبعا عن طريق المكتب الي اخذت منه القبول
للعلم انا طالب بكالوريوس وعلى حسابي يعني مادري اذا تنطبق عليك الشروط او لا
تقبل مرووري
رد: بخصوص أجراءات المقابلة بالسفاره ؟!
.
.
الله يكتب لك الأجر في موازين حسناتك
انا مقدم أجازه لمدة - سنة -
لكن للحين ما ردوا لي خبر بالموافقه أو الرفض ..
يعني السفاره احتمال يطلبون مني إحضار إجازه من جهة عملي أو أستقيل < قول الشاعر : أحلاهُمَـا مُـرُّ :(
إذا أحد نفس حالتي يا ليت يطمني ..
رد: بخصوص أجراءات المقابلة بالسفاره ؟!
اوراقك اوكيه بالنسبة انت كاتب موظف تقدر تدخل وتعدل بياناتك عادي مهم دارين بشي الين يوم تجي عندهم
يمرر الجهاز على الباركورد وتطلع معلومات تسجيلك يمديكـ تعدل...
لان بيقولك كيف على حساب البعثة وانت موظف
ومنها تبعد عن طلباتهم مثل خطاب من العمل على الدراسة .....الخ