من امريكا للسعودية .. وش أفضل طيران مجرب؟؟؟

السلام عليكم

الموضوع واضح من عنوانه :)

محتاارة اختار اي طيران من امريكا للدمام! طبعا التذكرة رح تكون على الملحقية :p
القطرية ولا الاتحاد ولا الامارتية!

يالييت والله تخبرونا تجاربكم من ناحية افضل خطوط من امريكا للدمام!
طبعا اقرب مطار دولي لمدينتي هو شيكاغو!

كثير الا يمدحو القطرية .. لكن المشكلة القطرية تقلع من مدينتي اقصة الشمال لهيوستن اقصى الجنوب! يعني مشوار في امريكا بعدين تقلع للدوحة! .. هذا الا شفته في الرحلات على موقعهم مادري عاد!

والاتحاد يقولو كراسيها ضيقة .. وطبعا اذا صدق مشكلة لأن الرحلة طوووويلة ومتوااصلة!
الا جربها ياليت يعطينا رايه :confused:

طبعا المجال مفتوح لاقتراح غير الي ذكرته لووول :p

نصيحه مجرب .. الخطوط السعودية حطي عليها ( X )

مالك الا القطريه شئ ممتاز جدا ويمر الوقت بسهوله جدا ومده الرحله 16 ساعه من الدمام الى الدوحه ومن الدوحه الى واشنطن .. بس شيكاغو مادري كم ..

والقرار راجع لك . .

القـــــــــــــــطريه ,,افضل شي

السعودية اكييييييييد اكس كبيير بعد!!

مو المشكلة القطرية الظاهر انها ما تطلع من شيكاغو! أظن فقط واشنطن وهيوستن ونيويورك!

وانا في الشمال! يعني مشوار لهيوستن ماله داعي! .. اقرب مطار دولي لي في شيكاغو ربع ساعة بس خخ!

مشكورين على المرور :)

عزيزي على كرهي للخطوط الا أن لها ميزة محد ينكرها
وهي إنها تنقلك من أمريكا للسعودية والعكس من غير توقف ...
إذا مايهمك هالشي وعادي لو توقف كم ساعة في مطار بطريقك .. فالقطرية هي الأفضل بلا منازع

القطريه والاماراتيه

وانا اهم شي عندي صراحه ،، الراحه بالرحله حتى لو كلفتني مشوار اطول

عزيزتي من شيكاغو إلى هيوستن 2 و 45 دقيقه إلى 3 ساعات على الأغلب ...

و من شيكاغو إلى واشنطن ساعتين ...

و من شيكاغو إلى نيويورك 2 و 30 ...

فكلها حول بعض و ما فرقت ساعه أو نص ساعه ...

و بالنسبه لي أنا جربت القطريه للدمام ممتازه جدا جدا ...

فشوفي اللي يجوز لك و القرار لك ...

تحياتي لك ...

مرحبا .. من وجهة نظري وتجربتي ..

الاماراتية .. المرتبة الأولى بلا منازع

القطرية .. 2

السعودية .. 6 هههههههههههههههه

طبعا .. جربتها كلها .. واستقريت مع الخطوط الاماراتية .. طبعا من لوس انجلوس الى دبي .. ومن دبي الى جدة ..

هههه طيب وش ميزة كل وحدة ما قلتوو ليي :)

يعني وش الي شفتوه مختلف وريحكم وخلاص قررتوو انكم تسافرو على الطيران الفلاني؟!

نوسه مصممه انها ماتقتنع بسهوله ههههههه