اخوكم بحاجتكم فهل ستمدوا يد العون له ؟؟

عمليه في القلب لمدة 3اسابيع متواصله وانت تقول معهد!! !!انا اذكر ابوي لم سوو له العمليه في صدره بقى بالعنايه المركزه اكثر من 3ايام وبعدها في العنايه الوسطى اسبوعين ولوما هو طلب خروج على مسؤوليته ماطلع وانت تقول 3 ايام !!!!
وبعدين وين اهلك عنك!!!!شلون انت متروك كذا لحالك شلون انت وافقت بسرعه كذا هذا اقرب الى الجنون
وين الاوراق الي وقعت عليها شلون يفتح صدرك 3مرات في اقل من شهر اصلا وش الاسباااااب !! اقراها بند بند خصوصا اخر عمليه
ياليت تعطينا الاسباب و اترك المعهد الحين وشوف نفسك
الله يشفيك

اسئل الله الكريم رب العرش العظيم ان يشفيك ويعافيك ويقيك شر الامراض آآآآآمين

أختي اول شئ مشكورة على مرورك ثاني شئ انا ماقلت عملية بالقلب عمليتي بالرئة اول وثاني وثالث عملية كانوا يفتحون بصدري شئ بسيط يعني 1_2 سم ويدخلوا انبوب صغير لمدة 3 ايام واطلع بس العملية الاخيرة كانت العملية بالرئه ترقيع مكان الخرم ضليت 3 ايام الاولى بالعناية المركزة وبعدها ضليت بالمشفى يمكن 5 او 6 ايام وطلعت ومن ناحية لمن تقولي اهلى وين ماعندهم خبر الا عالعملية الاخيرة ولا كبرتها سويت انها شئ سهل ماحبيت اخوفهم وبعدين نصيحتي لك ماكل شئ يصير هنا معك توصليه لهم لانه لو خوفتيهم بيعشيوا بقلق وبنفس الوقت ماراح يفيدوك بشئ يعني بيجون ؟؟ ولو حاولوا يجون اكيد يبيلهم مده ؟؟؟؟

وافقت اسوي العمليات لانه الالم فوق كل شئ والعمليات الثلاث الاولى لو مارحت المستشفى وضليت افكر اروح كان صار شئ مايحمد عقباه لانه الهواء لمن يمتلئ بالصدر ويضغط عالرئه والقلب ويصغر حجمهم فلازم يسرعون ويسحبوا الهواء علشان ترجع الرئه والقلب لحجمهم الطبيعي
وبعدين انا سالت عن مكان المعهد مو المعهد لاني ابي استاجر بشقه قريبه من المعهد من شان اترك اغراضي فيها واراجع المستشفى وبنفس الوقت لمن اتشافى بمشيئة الواحد الاحد يكون قريب مني المعهد

يارب انه المعلومه وصلتك ولو باقي شئ مافسرته قولي لي وكل شئ بشرحه لك
ومشكورة اختي عالمرور والرد
والله يجزاك خير الجزاء

اللهم امين

تسلمين عالمرور ياختي

والله يوفقك بحياتك ويجزاك خير الجزاء

اخوي لازم الملحقيه توفر لك كل الامور اللازمه وهي الي تنقلك من حقك دام هي جايبتك اتصل عليها وقول لهم انا بحاجه الى من يعينني في نقل اغراضي وتوفير سبل الراحه
انت المفروض الحين متحرك شي ويعطونك اجازه خارج رصيد البعثه لمدة شهرين الى ان تتحسن حالك
اخوي لاتضغط على نفسك ارسل لهم اوراق العمليات وقول لهم اني المفروض ما اسافربطائره فما بال تعب الباصات وهالكلام
ياجماعه اي احد بيروح الملحقيه هاليومين يساعد هالرجال ويحلص اموره

اختي الإكتفاء بالمزيد دعيني صامت والا وربي لو قلت لك مابخاطري وماصار معي لأنجنيت مما سأقوله
وجميع من فالملحقية لديهم خبر قولي لهم الشخص الذي أغمي عليه و طاح بالفندق يوم وصوله واشنطن وسيعرفوني

شاكر لك اهتمامك اختي

لا اله الا الله!!!!وربي حماني قلبي كيف كذا ماهتمو!!!لازم احد يروح باسمك وينهي امورك وين وجيه الخيرياجماعه
اخوي شوف النادي السعودي الي بمدينتك !!!
طيب انا عندي سؤال هل الم البطن والظهر وارد بعد عملية ترقيع الثقب؟ام انه الم غير اعتيادي لازم تتاكد من طبيعة العمليه التي اجريت لك من خلال الورقه الي وقعت عليها.....انا اعتذر عن عدم قدرتي على مساعدتك وليس بيدي الا الدعاء الله يشفيك يارب وترجع الديره مرفوعا الراس وتكون الانسان الذي تطلعت اليه
اخوي حاول الان تخرج من دائرة الالم وفكر بالامور الايجابيه صدقني الشفاء ماهو الا امل وتفائل وبتلقى نفسك اقوى بكثير ...
الله يشفيك

يااختي كم مرة علي ان اقول لك وربي ان الملحقيه اغلبها لديها خبر عني وعن حالتي ؟؟؟

ثاني شئ انا بحثت عن النادي بالفيس بوك ماحصلته لان الاخ ناصر قال بالفيس بوك

ثالثا مو هذا اللي مجنني انه الام البطن والظهر بعد عملية الترقيع حتى اني لهذا اليوم لم اجد دكتوري الذي اجرى لي العملية اقسم اني في حيرة من أمري بسبب هذا الموضوع

ايضاً هناك اشياء صارت معي تزيد شكي

من بعد العملية زرت الطواري اكثر من 7 مرات ولكن بدون فائده حيث كل مرة يعطوني ابرة مورفين فقط ولكن مرة من المرات كانت دقات قلبي متسارعه وبزيارتي للمشفى الممرضه التي عملت لي تخطيط القلب قالت دقات قلبك متسارعه ولمن عملت اشعه x-ray قال الممرض ايضا انه مبين ان الحالة السابقة التي قبل العملية رجعت لك (وربي ثم وربي انه الممرضين والممرضات صاروا يحفظون اسمي وينادوني به ) ولم وصلت تقارير الممرضه عن التخطيط والممرض عن الاشعه للدكتور قام الدكتور واجرى مكالمه على الدكتور الذي عمل لي العملية الاخيرة بعد علمه باسمه ورقمه ولم استمع للمكالمه وفالاخير يقول لي اني بصحة جيده ومن دون كشف وعكس ماقال الممرضين

بصحة جيده والشباب يساعدوني بالمشي ؟؟؟ لاحول ولاقوة الابالله

والله شئ عجزت عن تفسيره انا واخواني الشباب

حتى مملت من ذهابي للمشفى وصرت اتحمل الالم واخذ من هذا الدواء

أسأل الله بهذا اليوم أن يشفي كل مريض

شاكر لك اختي على مرورك مرة اخرى

اولاً الحمد لله على السلامه ... لابأس انشاءالله

اسأل الله سبحانه وتعالى ان يشفيك ويشفي جميع امراض المسلمين وان يهون عليك مصيبتك ويشرح صدرك عليك بالدعاء واللجوء الى الله

والخضوع له خاصة في السجود , ويشهد الله انك بطل ,, فرحتني والله لانك ماعلمت اهلك وهذا اذا دل فانه يدل على شجاعتك وحبك لوالديك واعتمادك على نفسك .

انتبه لاتفكر في الدراسه الان صحتك اهم من كل شىء وانت عندك تقارير طبيه , روح الملحقيه وبلغهم باللي صار وصدقني الشباب السعودي في خدمتك

عليك بالدعاء والتحصين > قراءة اذكار الصباح والمساء > وانصحك بالمداومه على ماء زمزم واخذ ملعقتين من العسل عند الاستيقاظ من النوم

وتذكر دائماً حديث الرسول صلى الله عليه وسلم عندما قال " مانزل بلاء الابذنب" __ قال تعالى [ واذا مرضت فهو يشفين]

الله يشفيييييك ويزيل كل الامك ......... امين يارب

الله يسلمك يالغالي
اللهم امين وجميع مرضى المسلمين ياااااااااارب

والله من دون ماتوصي يالغالي

ابلغ الملحقيه ؟؟؟

الملحقيه يالغالي عندها خبر بحالتي وبتقارير ولكن .... ؟؟

الله يسعدك ويوفقك اخوي الحزبي عالمرور

دمت بحفظ المولى