الأعضاء الإشتراك و التسجيل

الملتقيات
ADs

اخوكم بحاجتكم فهل ستمدوا يد العون له ؟؟

اخوكم بحاجتكم فهل ستمدوا يد العون له ؟؟


NOTICE

تنبيه: هذا الموضوع قديم. تم طرحه قبل 2413 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. هلا اخوي فيصل
    بولاية الرياض ؟؟ وليه تقولها كذا والله اني اتمنى اكون بمكانك وربي لو بالارض اللي انت فيها لابوس الارض مليون مرة
    عالاقل ياخوك تعرف وين تروح وتعرف تعالج نفسك وتعرف توصف حالتك وتعرف وش يسوون فيك المستشفيات
    اااااه ليت الزمن يرجع وراء ياخوك
    لكن كل شئ مكتوب ومقدر والحمد لله على كل حال
    حلو هالموقع تبع الشقق
    من ناحية المستشفى والله ماعرفت له وثاني شئ اللي سمعت عنه اني لازم اتصل على العياده واسوي موعد
    لكن بسوي مثل ماقال لي واحد من الشباب ادخل طوارئ
    والله يكتب اللي فيه الخير
    والله ياخوك صادق والله اني محتاج واشهد بالله مابه واحد بأمريكا حاس باللي حاس أنا فيه
    لكن لك مني والله ثم والله لو قمت بصحتي وعافيتي بمشيئه الله لاحاول انبه اكبر قدر من المبتعثين الجدد بأشياء يغفلون عنها
    ولأطلع كلام بصدري وربك ثم وربك لو اطلعه ماتتحمله الجبال عن بعض الجهات المختصه دعني صامت ياخوك
    رح ياخوك جعل اللي جابوك يفرحون فيك ليوم الدين ويجعل عمرك وعمرهم طويل

    عن جد تشكر فيصل على مرورك المبهج لقلبي
    دمت بحفظ الرحيم
    7 "
  2. والله مدري وش اقول لك , بس ترا هنا فيه الصالح وفيه الطالح نفس الي عندك وفي الدوائر الحكوميه وفي المستشفيات ويمكن وش اقول لك اخس وأردى يعني ان كانك ماتدري عن الي ناطلينه في الشارع وهو فيه القلب او السكر بالضبط مدري ناسيه عشان مامعاه حق العلاج ف إدر مثل مايقولون ,ولانب اقول لك هالكلام عشان احطمك لا والله بس عشان تكون توضح لك الصوره , وفي كل مكان وانا اخوك بس شف إن كانك تخبر احد من اخوانك ولا قرايبك ولا من اخوياك يحولك على حسابك منها تمشي امورك الين تنقل واشنطن وتتعالج وعقبها يسهل الله , وبعدين عندي نقطه ثانيه ودي اقولها لك تفائل رغم الي فيك وان غدا لناظره لقريب بإذن الله ربي يبدل حالك عن قريب ويسهلك امورك ويعافيك وعليك بالقران والله العظيم إنه دواء للنفس
    7 "
  3. لا حبيبي فيصل اللي يصير هنا اردى واردى واتوقع تفهم قصدي من اقصد ....
    لا ياخوك الحمد لله ميسورة ولله االحمد مو كل شئ الفلوس والله الصحة فوق كل شئ
    اي تفائل يرحم والدينك بلاك ماتدري عن اللي صاير معي وربي ثم وربي مايضل فيك تفاؤل لكن االحمد لله على كل حال
    صدقت اخوي ماينفع الواحد بهالغربه إلى كتابه الكريم وذكر الله بكل وقت
    سلمت يالذيب على ردك ومروك الله يسعدك
    7 "
  4. ماشاء الله عليك
    برغم كل هالمعاناه للحين متمسك بربك و تحمده عالصحه
    والله يخوي اني ادعي لك ان الله يفرج لك همك ويلبسك لباس الصحه والعافيه
    وتتقدم للامام وتكمل هدفك اللي بنيته ..
    والله لو اني قريب منك ما بخلت عليك بمساعده


    بالتوفيق يالغالي
    7 "
  5. المشاركة الأصلية كتبت بواسطة مقتولك
    ماشاء الله عليك
    برغم كل هالمعاناه للحين متمسك بربك و تحمده عالصحه
    والله يخوي اني ادعي لك ان الله يفرج لك همك ويلبسك لباس الصحه والعافيه
    وتتقدم للامام وتكمل هدفك اللي بنيته ..
    والله لو اني قريب منك ما بخلت عليك بمساعده


    بالتوفيق يالغالي
    شف اخوي بقلك شئ واحد هنا دامك جيت بهالمكان فأعرف شئ واحد انه ماحد خلفك يسند ظهرك يعني لو طحت اعرف انك انتهيت مامعك الا رب العباد تشكي له الحال وتحمده على كل حال
    لاتقول انا جاء على حساب مدري مين وعندي مدري مين لا لا لا تكون غلطان ترى مادروا عني وعنك واقولها بكل مكان لكن مو الحين انا مافيني شدة بنفسي بصايح لا بس راح يجي موعدها ويارب يكون قريب
    فديتك اخوي عالمرور والرد
    الله وياك يالغالي ويوفقك ودعوتك والله تسوى الدنيا ومافيها
    دمت بحفظ الرحمن
    7 "
  6. المشاركة الأصلية كتبت بواسطة مشآعر إنسآن
    شف اخوي بقلك شئ واحد هنا دامك جيت بهالمكان فأعرف شئ واحد انه ماحد خلفك يسند ظهرك يعني لو طحت اعرف انك انتهيت مامعك الا رب العباد تشكي له الحال وتحمده على كل حال
    لاتقول انا جاء على حساب مدري مين وعندي مدري مين لا لا لا تكون غلطان ترى مادروا عني وعنك واقولها بكل مكان لكن مو الحين انا مافيني شدة بنفسي بصايح لا بس راح يجي موعدها ويارب يكون قريب
    فديتك اخوي عالمرور والرد
    الله وياك يالغالي ويوفقك ودعوتك والله تسوى الدنيا ومافيها
    دمت بحفظ الرحمن
    الله ييسر لك امورك يالذيب
    لكن خذها مني نصيحه صف نيتك وشل عنك هالفكره وادع ان الله يهديهم

    الله يجعله بميزان حسناتك يالغالي
    7 "
  7. المشاركة الأصلية كتبت بواسطة مقتولك
    الله ييسر لك امورك يالذيب
    لكن خذها مني نصيحه صف نيتك وشل عنك هالفكره وادع ان الله يهديهم

    الله يجعله بميزان حسناتك يالغالي
    والله ثم والله ياخوك يالنية كانت صافيه بس بعد ماشفت وسمعت والله تغيرت الفكرة
    مالومك انت لانك مو عارف وش صاير لكن ازين لك وربي خليني ساكت
    ادعي لهم بالهداية ؟؟ والله بحق هاليوم مادعي هالدعوة لو تحط السكينة على رقبتي

    مشكور ياعيوني عالمرور المتكرر
    الله يسدد خطاك اخوي
    7 "
  8. اسأل الله العلي العظيم ان يشفيك ويردك الى اهلك سالما معافا يااااااارب يااااااكريم

    بس اخوي وضح المشاكل الي تعانيها عشان يمكن تفاديها قصدي ليه ما وقف معك موظفين الملحقية وفي حالتك المفروض ان السفارة تشتغل كمان !!!!!!!!!!!! ايش الي ساير بالضبط الشيئ هذا غريب .
    انا جاي على حسابي بدون بعثة بس بسراحة الوضع مقلق جدا ؟؟؟؟؟؟؟؟؟؟؟؟

    تقبل مرروري وتمنياتي لك بالشفاء العاجل
    7 "
  9. استغرب عدم اهتمام الملحقيه باامرك وتيسيير امورك حنا ماعليش مانبي منهم شي بس انت حاله صحيه ..اتمنى تكتب لصحيفه سبق
    اشوف تدق على السفاره بعد تستشيرهم انا مدري اذا مايساعدونا بهاالمواقف متى يساعدونا وما جدوى بقائهم كموظفين في واشنطن
    اتمنى لك الشفاء ولو باليد حيله كان ساعدك ..
    7 "
  10. اللهم امين

    من ناحية الملحقية الله يقويك رح اسالهم وقلهم وينكم عن هالولد
    من ناحيتي انا للحين مو عارف صح اسمع وعود وكلام بس افعال لا وربي ليه ؟؟ انا بعد اسئل نفسي
    ومن ناحية السفارة سفاره نيويورك لي فترة ادق وبعد نفس النظام ارسل تقاريرك وربي ماخليت احد بالملحقية ولا السفاره الا وتقارير مرسلها له
    افعال وين الله اعلم

    ومن هالمنبر بما انك ذكرتني بالسفاره اشكر الاخ عبدالله الشايع هو الشخص اللي عن جد حسيت انه وده يخدمني لكن لست تحت سلطته لان ولايتي بعيد عنه واقرب سفارة لي نيويورك
    الله يسعدك اخوي عالمرور الحلو
    7 "
4 من 7 صفحة 4 من 7 ... 345 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.