اخوكم بحاجتكم فهل ستمدوا يد العون له ؟؟

لا تستغرب ولاشئ اخوي لبى روحك
هل تعلم ماهي جملتهم الوحيده لي كل ماتصلت على موظف او موظفه

حنا عندنا 50 الف طالب وطالبه تبينا ندور على مستشفى لك مو فاضين قوم بنفسك بهالشئ

وربي هالجمله التي استقبلها من اغلب الموظفين والموظفات
ليه اجل عندنا ملحقية ليه مايقفلون ويداومون في منازلهم ويرسلوابالايميلات احسن توفير بنزين هذا ردي وربي لهم بعضهم يتقبلها بضحكه واحدهم ابشركم اقفل بوجهي واااااااااه وبعد موظفه واجنبيه
الله ياناس وش صاير فينا
الله لا يجعلكم تمرون باللي مريت فيه ويبعدكم عن الايام السوداء

أهلا أخي الخيال السعودي

كم أثلجت صدري بكلامك
ولكن أين من هم ينقلون أخبارنا وقصصنا إلى المسؤلين وإلى الصحف السعوديه ؟؟
نسأل الله بهذا اليوم أن يوصلك بالسلامه ولايريك أنت وجميع من سيصلون للولايات المتحده الأمريكيه مكروه وجميع من هم هنا من أخوه لنا وأخوات
مشكور على مرورك وردك أخوي
دمت بحفظ العزيز

اعاهد نفسي بان اساعدك الى ان تحصل على ماتريد

لا اعمل ماذا اقول لك
لكن مابيدي إلا الدعاء الله يوفقك ياأختي ويحقق لك كل أمنياتك ورغباتك ويجعل والديك فخورين بك وأمدك الله بالعمر الطويل

دمتي بحفظ الرحمن

اسأل الله العظيم رب العظيم ان يشفيك..

قدامك العافيه يالغالي وماجور باذن الله..

اخوي الزم ماعلى الواحد صحته وطاعة ربه ووالديه..نصيحتي الاولى انك تبلغ اهلك ولاتفكر فيها من ناحية ان الواحد يعتمد على نفسه الواحد بضيقته وتعبه والله مايوقف معه الا اهله وحتى لو تكدروا على الاقل تلقى من يشيل همك معك..

وانت بضيقه والله يفرجها عليك لكن والله لابد تعلم اهلك بطريقة غير مباشره بحيث يعرفون مشكلتك بالضبط وهذا اول حل لمشكلتك..

الشي الثاني اذا معك اوراق تثبت مشكلتك وتعامل الموظفين بالملحقيه معك ياليت تكتب تطرح موضوع بصحيفة سبق لاني اشوفها الافضل بطرح المشكلات الشخصيه من الجرائد الورقيه الي مافيه امل يطرحون مشكلة الا لين تمر على المسؤولين..وصدقني لو طرحت مشكلتك بالصحيفه بتكسب شغلتين الاولى باذن الله بيصعدون مشكلتك وبيهتمون فيك والشغله الثانيه نقول ان شاء الله بعد الشكاوي على الملحقيه تتعدل وتتغير للافضل

والله يعينك ويشفيك..

هلا اخوي
الله يعافيك يالغالي وتسلم
لا ياخوك ماعلمتهم بالاول بعلمهم بالاخير لكن الله يكتب اللي فيه الخير
ومن ناحية الجرائد والله بحق هاليوم انه بعد واحد من السفاره السعوديه قال لي مثل هالكلام فتخيل موظف فالسفاره يقول هالكلام اجل ماذا نقول نحن ؟؟؟

جزيت خير ياعيوني عالمرور
والله يسدد خطاك

مرحبا اخوي ،، الله يعينك يا رب و يشفيك ..
هذا مكتوب و لازم تكون اقوى ..

لو كانت ولايتنا حولك كان و ربي ارسلت لك اخوي يساعدك ولو بشي بسيط ..

عزيزي اعطيني اسم معهدك بالضبط ،، كلم الملحقيه و خليهم يرسلون لك اسم المعهد او عنوانه ..

وانا باذن الله بأحاول الاقيلك في البدايه فندق قريب من المعهد عشان تقعد فيه اول ما توصل
و باعطيك عناوين شقق قريبه
واذا وصلت لمعهدك ان شاء الله روح على المسؤول عن شؤون الطلاب و حاول تشرح حالتك عشان يساعدك في فهم عقد الشقه ..
او شوف احد الطلاب السعوديين ،، و روح للعناوين حقت الشقق و ان شاء الله يساعدونك في استئجار الشقه ،،

و ان شاء الله يا رب تكون ازمه و تعدي ،،
و نصيحتي انك تكلم احد من اخوانك بالسعوديه او احد اقاربك ..
بينك و بينه بدون ما يدرون اهلك اذا خايف يقلقون عليك ،،، يجيك لو اسبوعين الين تخف حالتك ،،

انتبه على نفسك و على صحتك و خلي نفسيتك تمام لأنها هي نص العلاج

اختي miss n

صحيح وربي كل هذا مكتوب ومقدر ولا علينا الا نرضى به
الله يسلمك ردك ذا كأنك أرسلتي اخاك وساعدني بيض الله وجهك
انا كلمتهم اليوم لكن تعرفين ماشاء الله ردوا وعطوني اسم المعهد خخخخخخخ !!!
لا حول ولاقوة الا بالله
اللهم يامن ترى عبدك المظلوم ان تجيب دعوته وتصبره وتصبر اخوته واخواته المبتعثين على كل ظالم و ظالمه
اختي انا بحاول اجيب اسم المعهد هاليومين وعنوانه
لا والله ياأختي من ناحية اكلم احد من أقاربي او اخوتي مرة شايل هالفكرة من راسي دعيني اشكي همومي لنفسي واصبر فربي لن ينساني فالقران هو ونيسي الوحيد

تسملين اختي عالمرور وبيض الله وجهك وجزاك الله كل الخير
دمتي بحفظ الرحمن

السلام عليكم,,,,,
لابأس طهور ان شاالله
انت انسان مبتلى والله اذا احب عبد أبتلاه
ألجى الى الله العلي القدير وان شاالله انه مايردك ,,,,
وانا اقترح انك تشوف وين المعهد بعدين المعهد يدبرون لك عائله واسكن عند عائله حتى لو بعيده عن المعهد
لانك محتاج اجد يراعيك وينتبه لصحتك وتغذيتك والعائله راح تدلك على المستشفيات الممتازه والاطباء الجيدين
وابدا في الدراسه اذا الطبيب سمح لك لان الدراسه راح تنسيك الالم وتشوف الناس احسن من الوحده .......
وبالنسبه لاهلك حتى لو سافروا لك هم مايعرفون عن المستشفيات ولاعن امريكا..........