اخوكم بحاجتكم فهل ستمدوا يد العون له ؟؟

وعليكم السلام ورحمه الله وبركاته اختي ام عبدالعزيز

صحيح كلامك كله بس انتي من جدك عائله بتقبلني وبهالوضع اللي انا فيه لا اتوقع بل واجزم انه لن تقبلني عائله وانا بهالصحه
صح معك حق الدراسه والجمعه مع الناس راح تنسيني شوي لكن ماراح تنسي الواحد كل همومه لكن الحمد لله على كل حال
وعلى قولتك الاهل ماراح يعرفون شئ لو جو لهنا واؤويدك على هالفكرة المفروض الطالب بعض الامور مايوصلها لاهله لانه اختار هالطريق بنفسه فيكون على قد اختياره ويتحمل كل شئ يصير له
مشكورة اختي ام عبدالعزيز والله يوفقك ويخليلك عبدالعزيز
دمتي بحفظ الرحمن

اخوي هذي افضل المعاهد في واشنطن من مصادر موثوقه الى الان مالقيت افضل المستشفيات المخصته بحالتك وراح اوافيك بالمستشفى

اختار احد المعهدين وهات منه قبول وان لم تكن باستطاعه في المراسله انا اسجلك وانهي امورك وخلك بنفس سكنهم الجامعي افضل لك اخوي وسط الطلاب ينفعونك وهناك ابحث عن افضل المستشفيات لاني وللاسف الى الان مالقيت اجابه مفيده اوالمعلومات ضحله لاني الى الان انا بالسعوديه وان شاء الله اذا الله ويفقني وجيت ابسال عن افضل المستشفيات في واشنطن

بالتوفيق

السلام عليكم,,,,
اولا انت ودك تسكن مع عائله ولالا
بعدين انت مافيك مرض معدي
يعني هم ماراح يشيلونك من الارض انت واضح انك تقدر تخدم نفسك بس هي مسأله انهم يخدمونك في انهم يدلونك على
المستشفى الجيد والطبيب الجيد
مع احترامي لك بس انت قاعد تكرر نفس الغلطه لازم تروح لمستشفى ممتاز والاعضاء ماراح يعطونك المعلومه الدقيقه مثل العائله
لانهم اهل البلد وعارفين الامور كلها
يعني لو احنا قلنا لك اسم المستشفى الممتاز طيب فيه كذا طبيب انت وشلون بتعرف الطبيب الجيد علشان ماتتكرر نفس الغلطه
انا اقول هالكلام من واقع تجربه انا اول ماوصلت كان ولدي مريض وتخيل زوجي سابقني بسنه يعني عارف المدينه زين
وفي البدايه ماعرفنا وين نروح بعدين دلونا العائله اللي كان زوجي ساكن عندهم وودونا لطبيب العائله تبعهم,,,,,
ارجوا اني ماثقلت عليك بكلامي وفي الاخير انت ادرى بظروفك .........
الله يوفقك ويرجعك لاهلك غانم سالم..............

ااسال الله الكريم رب العرش لعظيمان يشفيك
اسال الله الكريم رب العرش العظيم ان يشفيك
اسال الله الكريم رب العرش العظيم ان يشفيك

مع احترامي لك , ماعندك سالفه , يعني الرجال يقول لك انه مايقدر يمشي وان فيه شباب سعوديين يساعدونه في المشي وتجين تقولين انت قاعد تكرر نفس الغلطه والي واضح انك تقدر تخدم نفسك ! وبعدين معليش يعني زوجك صار له سنه في نفس المدينه ولا لقيتو دكتور الا من العائله الي كان ساكن فيها زوجك ؟ هذا بلى ابوك ياعقاب طيب الرجال يقول لك ماصار له كم اسبوع في الديره ,يعني والله من جد الي يده في الماء مب مثل الي يده في النار

وبعدين وش دخل سؤالك في ودك تسكن مع عائله ولا لا يعني بالله عليك الرجال بيستحي يقول لا والله ودي بس مدري شلون كيف ؟ يعني والله العظيم لو مارديتي ردك ذا انه ابرك لك الا زدتي النار حطب يعني هذا تخفيف ولا تبي تعاتبين ولا وش .. ازين مافي كلامك كله ذا اخر شي الله يوفقك ويرجعك لاهلك غانم سالم ... < حتى نقط جمبها يعني خلصتي كلامك الله يرحم مزنه بس

حبيبي مايدسم شاربك الا يمناك < شطحه , بس وانا اخوك انت لاتنتظر احد يجيك بإذن الله انك قادر تخلص امورك بنفسك وياليت لو تسمع كلامي وتكلم احدفي السعوديه يحجز لك عن طريق بوكنق ولا يحجز لك عن طريق اي مكتب المؤيد ولا الطيار في فندق لمدة اسبوعين الين تخلص امورك وتضبطها وتنقل في شقه لك ولا مع عائله,و توكل على الله واقدم وعسى الله يسهل امورك ويشفيك ويرفع عنك يارب ويسخر لك من يتولى امرك

اخوي وشفيك قبيت
ترى الناس اجناس وكلن عنده اسلوب مختلف
مدري على اي اساس قيمت الرد على اساس النقط والا علامه الاستفهام
هي تقصد ان تكون عند عائله افضل له لأن صعبه واحد مريض يسكن لحاله
ولو سكن مع طلاب اغلبهم بيكون مشغول
والعائله والله برأي افضل عالاقل من البلد هم اعلم بالدكاتره سواء زين او شين ..
واخوي فيصل لاتزعل ..


وحسبي الله ونعم الوكيل في الملحقيات اللي مايخافون الله الحين اجنبيه وتنفخ

اخوي برأي يا عائله يا تشوف لك احد من الرياض اخوك والا عمك والا صديق لك لاتقول انا اخترت الطريق وبتحمل كل شئ لا يا اخوي ترى لو يجيك شئ لا سمح الله والله ان يزعلون عليك
لاتقول مالهم فايده يكفي ان معك احد يساندك
وترى المبتعثين مساكين كل واحد مبتلش في نفسه وفي دراسته فلا تحط امل فيهم ..

والله يشفيك يارب والله انه دمعت عيني من ردودك

اللهم رب الناس، مذهب البأس، اشف أنت الشافي، لا شافي إلا أنت، شفاء لا يغادر سقماً
اللهم رب الناس، مذهب البأس، اشف أنت الشافي، لا شافي إلا أنت، شفاء لا يغادر سقماً
اللهم رب الناس، مذهب البأس، اشف أنت الشافي، لا شافي إلا أنت، شفاء لا يغادر سقماً


الله يكون بعونك

أسأل الله العظيم أن يشفيك و يذهب البأس عنك

أعرف واحد كان مبتعث قبل حوالي أربع سنين و كان عنده ولد أظن كان عمره سنتين وقتها و كانت عنده مشكلة في القلب يقول الرجل أن الملحقية دفعت حساب عملية القلب لولده و مبلغها تقريبا حول النص مليون ريال و على حسب كلامه الموضوع ما كان فيه واسطة

بالنسبة لمشكلتك و الله أنا أعتذر ما عندي أي قدرة للمساعدة فأنا في السعودية و لست في أمريكا و معلومات ما عندي غير اللي قلت لك اياه فوق
لكن حبيت أفهم يعني أنت الملحقية تقول لك ابحث لنا عن مستشفى ، طيب الأجاويد من المبتعثين السعوديين شرواك و هم كثير ما شاء الله ما يقدرون يشوفون لك مستشفى يعني أتوقع لو تتواصل مع الأندية السعودية أكيد بيوجهونك للأشخاص اللي بيفيدونك . الشي الثاني أنا ما فهمت أنت محتاج عملية أخرى أو فترة نقاهة أو ايش بالضبط ؟

على كل حال ، هناك ملتقى آخر اسمه ملتقى الطلاب السعوديين في أمريكا و كندا حاول تتواصل معهم و إن شاء الله بيفيدونك
شفاك الله و وفقك و أعادك لأهلك سالما معافى

لا اله الا الله صاحب الموضوع له كم يوم مادخل الله يجيب العواقب سليمه
اخي صاحب الموضوع ياريت تبشرنا عنك ترا اخوانك مهتمين لوضعك
اللهم اشفيه اللهم عافه اللهم ادخل الصحة في بدنه والنور في قلبه والسعادة في حياته والتوفيق في رزقه
دعواتكم ياجماعه اخونا بحاجه الى دعائنا

اولا / الله يسلم قلوبكم ع المرور
ثانيا / اعذروني ع التأخير بالرد والانقطاع المفاجى لكن ماباليد حيله
ثالثا / أنا وصلت وشنطن دي سي من 4 ايام وتعبت اول يوم بسبب السفر وتنومت بالمستشفى ولكن تم نقلي لمستشفى ليس بالجيد وفالاخير قالوا انك بصحة جيده
كيف بصحه جيده ؟؟؟ وصدر كالفرن من زود الحرارة والالم ول استطيع المشي بسبب ظهري وصدري

غير هذا لي 3 ايام اراجع فالملحقيه ومن دون اي فائدة وفالاخير مسؤل فالملحقيه ادخل عليه واشكي له الوضع وزود ماانا متعب لاحظت الممرضه تعبي وعرجي بالمشي وذهبت وسحبت الكرسي لي وتقول ارتاح وهو ليس على باله يبتسم بوجهي او يقول استريح وفالاخير بعد عرض مشكلتي عليه وتقاريري وربي ثم وربي يقول للسكرترة اذهبي واحضري ملفات المساجين الاربعه ويعرضها امامي ويقول هؤلاء لهم شهرين بالسجن ولا ندري عن حالتهم وانت حر ولا تستطيع تذهب للمشفى ؟؟
مادخلي بهم هم من اتوا بالمشاكل لانفسهم والمفروض ان تؤدي عملك وتتابع حالاتهم ليس ان تشكي لي
لا حول ولاقوة الا بالله
ولكن فالنهايه وخلال ماأنا خارج من الملحقيه سمعت السكرتيرة كلامي معه وحولتني على دكتورة بالملحقيه اسمها الدكتورة حنان وذهبت وعرفت عن مشكلتي وربي انها هي اول انسانه تستقبلني بالوجه الرحب وتقوم بالاتصال بزوجها فالسفاره الكويتيه وتخبره انه يعمل لي موعد بأفضل مشفى في واشنطن وتم التواصل بيني وبينه وارسلت له التقارير وقال لي ساعمل لك موعد وفالقريب ساخبرك وساتصل بك
سبحان الله اخر من ينفعني الغريب وبالسفاره الغريبة

اشكركم جميعا على مروركم وردودكم الله يجزاكم كل الخير

اعانك الله يا اخي
سادعولك تاكد يا اخي
ان الله حبيبنا في كل مكان قد لاتكون احبتنا حولنا ولكن الله مهما تنقلنا هو معنا!!!اليس ذلك سعيدا!!!جميعنا معك وننتظر بشغف تحسن حالتك
فانا لا املك سوى الدعاء ولا حول والا قوة الا بالله