مسافر بعد يومين وابي اقتراحتكم في الاشياء اللي باخذها؟؟

مصحفك وسجادتك ...اهم شئ لاتنساه
اممم شطاف الوضوء ... والافياش الامريكيه
فناجيل القهوه - التمر - القهوه

وفي مواضيع كثيره بالمنتدى بخصوص هالموضوع خذلك لفه عليها

يسلمو اختي ومشكور على مرورك العطر

باخذ لي لفه ان شاء الله لو ما حصلت باخذ يوتيرن وارجع لموضوعي

ساعه ام عقارب,,,
سجاده فيها بوصله تلقاها محل مفروشات ب 25 ريال..
قران من المكتبه,,
ممممم جب معك كاش لا يقل عن 2000 دولار اذا كنت مبتعث,,, اذا كنت على حسابك جب اكثر,انتبه لا تجيب اقل فتاكلها..كل الدنيا فلوس في فلوس,,ثقتك في الفتره الحاليه في فلوسك
جب معك ملابس كوت((مهم)) جوالك عادي جيبه,,
انتبه على مشغل كبيوترك,,لازم يكون اصلي..يمررونه على الجهاز,,
شوف اهم شئ باعتقادي الفلوس,,حاول تحول في صراف راجحي في المطار خله يحول الى دولارات,,
تحياتي,
مثل ما قالت جب فيش انترناشونال,,,تراه هنا ب 10 دولار حول 37 ريال,,

منوووور اخوي ومشكور على النصايح ومن ناحية الفلوس باخذ معي كاش وباخذ مهي الفيزا كارد والماستر كارد

لكن من ناحية الافياش وش تقصد بالفيش الانترناشونال؟؟؟؟؟؟؟؟؟؟؟؟؟؟؟ شلون يجي شكله؟

كيف يعني يمررونه مهو بس يفتحونه!!!
انا الهاردسك او شي زي كذاانكسر المهم انه قام يخرش داخل وصار اللاب مايشتغل وركبت غيره
مدري اذا اصلي ولا لا
علموني انا في مشكله!!

لآ تنسى الدكشنري ( المترجم )

توصل بالسلامه يابعدي ،

- مصحف قران
- بوصلة لتحديد القبلة .
- محول كهربائي .
- اللاب توب و مو مشكلة أبداً مسألة الويندوز الأصلي . النت الآن موفر أكواد تحوّل النسخ إلى أصلية في دقايق أو من أي محل اطلبهم نسخة أصلية يمكن سعرها 200 أو 300 بس تريحك .
- سجادة
- مقلمة أظافر + اعوواد أسنان + أعواد قطن .

- حقيبة إسعافات أولية يكون فيها كل الأدوات الأولية مِن شاش و قطن و مقص صغير + فيفادول أو أي خافض حرارة + باسكوبان أو أي مسكن للمغص + سولبدين أو أي مزيل للإنفلونزا . كل واحد وحسب العلاج اللي يرتاح له . ضروري جداً أخذ هذه العلاجات الرئيسية لأنّ اختلاف الجو بمجرد الوصول إلى المكان أضراره ستكون حتمية للأسف .

- ملابس شتوية لأن الوقت كان شتاء . + ملابس صيفية أقل من الشتوية لأن ممكن وقتها يكون متوفر معنا مبلغ و نقدر نشتري بعض الأمور في الصيف .
- جوارب متينة لاتقاء البرد + كرتونين أو ثلاث مناديل ورقية .
- أقلام جافة و قلم رصاص + دفترين جدد و ملف حافظ نايلون + بلاستيك . راح تحتاجوه و لو أخذتوا واحد علاقي اللي ورقه متين يكون أفضل كمان .


هذا الموجوووود ولا جاء شي راح افيدك ،

يقصصد زي صورة اخونا زييييياد مصورها ،

أهم شي ساعة الفجر (وهي ساعة رقمية تصدح بصوت الاذان في اوقات الصلوات الخمس حتى لاينقطع صوت الاذان عن مسامعك)، فوالله ان في سماعه راحة لايعلمها الا من افتقده في بلاد الغربة.

وفقنا الله واياك لما يحب ويرضى.