اليوم عملت المقابله الشخصيه في السفارة الامريكيه

اخوي انشاللة ربي يتمملك امورك على خير
بغيت اسألك كم رسوم الفيزا اللي دفعتها؟

رسوم الفيزا بـ532 ريال على ماعتقد

تدفعينها عن طريق بنك سامبا

أهليين خيتوو ..
الله يسهل لنا ويسهل لك ..

امممم بالنسبه للشغل للحين ما طلبت اجازهـ .. < ادعوا لي انهم يوافقون بدون تعقييد يآآآآآرب يوافقون
بطلب منهم أول ما استلم الفيزا وقرار الابتعاث ..
على فكره في المقابله ما سألوني ولا جابوا أي طاري لـ دوامي ..

شكوووورهـ على التوضيح ..
الله يوفقك ..

مبروك تباطيتك ،،،،،،،،،،،،،،
والله يوفقك

أهلاً .. أخوي

هم يطلبون شهاده بنكيه إذا انت طالع على حسابك.

أما انا على برنامج طويل العمر الملك عبدالله .. فـ اعطيتهم بطاقة الملتقى ..

إسلام والذي قد اخذ من اسمه نصيب .. أقول فيه:

بيض الله وجهك ياخـوي اســـلام ... عز الله انك ما قصرت يوم تخدمني
من صباح الخير لين صلّى الإمام ... وأنت واقـف في الباركينق تنطـرني
يالله انّــك توفقـه فـي كـل الأيــام ... ويالله عسـى صدوف الخير فيه تجمعني

اعطيته 165 وبوووووثـه هههههههـ

خصوصاً انو لما رجعني لـ سيارتي لقيت واحد صادمها .. صدمه خفيفه ..ولقيت ورقه مكتوب فيها:
انا صدمت سيارتك .. اتصل على الرقم ......... .

هو لما شاف الصدمه تعاطف معاي بغى يرجع فلووسي كخخخخخ .
وااعطاني رقمه وقال اي شي رياض مافي موشكييل اتصل انا يجي .. فووديته اناه هههههـ <هنا حسيت انه اخوي ولا أبوي .

الله يستر عليه .

أهليين ابو صقر ..
فعلاُ ودّك إذا ما تعرف اسفط موترك وأقرب تاكسي ..
عموماً أنا ماكان عندي وقت اني أتبعه على موتري لأني ما سددت سامبا..

قلت استثمر الوقت وأروح معه هو يعرف الطريق .. وصفطت سيارتي عند بنك سامبا الي بالعليا ورجعت الظهر ولقيتها مصدومه .. < ابوك يالحظ الحلو هههـ ..

بالنسبه للمقابله .. انت تختار عربي أو انجليزي ..
فيه وحدهـ لبنانيه تنظم المقابلات وتنادي الي يبغى انجليزي يرفع يدهـ ..
عموماً أنا اتكلم انجليزي ولكن بصراحه خفت من سؤال غامض او شي من هالقبيل فـ اخترت عربي .. عشان كذا تأخرت ..

مدة المقابله 10 دقايق تقريباً ..

إسلام كخخخخخ ..
أول مرره أشوف بنقالي موب نصااب ههههـ ..

موقف يرويه لي إسلام بعد ما خلصت وحنا بالطريق ..

لقيت رقمه داق علي .. ولقيت رقم ثاني داق علي

لما جيته و هو في مواقف السيارات كان عنده واحد باكستاني < حقييير .

يقولي إسلام ان الباكستاني يقوله .. خلاص رووح أكييد الزبون رااح مع واحد غيرك .. وهذا انت تدق عليه ولا يرد !!

قال : لا زبون موجود داخل بس هو في تأخير أكييد فيه موشكيييل < يحاتيني يا فديته ههههه.

المبلغ .. يا رجال والله يستاهل الي يطلبه .. بس طلع الولد قنووع ,,

وموقف ثاني بغى يصدمنا "شيول" هههههـ أنواع الاكشن خلها على ربّـك .. كل شي مر على خير .. يالله لك الحمد ..

بالتوفيق للجميع

أهليين اختي ..

تروحين سامبا .. وتقولين ابغى أدفع رسوم طالب مبتعث ..

يعطونك طلب تعبين فيه بياناتك وتدفعين 532 ريال فقط .


الله يوفقنا وإياكم جميعا يا أخوان ..

دعوآآآآتكم لي ..

وتذكر أنو لما تدعو لأخيك بـ ظهر الغيب الملائكه تقول: ولك بالمثل ..

أشكر كل من شارك بـرأي أو أدلـى بـ معلومه أو حتى سأل سؤال ..
الله يوفقنا وإياكم لـما يحب ويرضى ..
أخووكم ../ تبـآطيتك .

يعطيك العافيه اخوي "تباطيتك" الصراحه موضوعك جدا مهم واسلوب الطرح جدا شيق وممتع ^ــ^

حاب اسألك بخصوص الشهادة البنكية لأني راح ادرس على حسابي بالبداية.. السؤال هل لهم حد معين كمبلغ او لا ؟

وبخصوص "بطاقة الملتقى" للمبتعثين مع البرنامج ايش فكرتها بالضبط.. حاب آخذ عنها معلومات بسيطه منك ولك جزيل الشكر.. ^^

الحمد لله على السلامة ,وسلامة موترك
والله يجزي اسلام كل خير :/

الله يوفقك ويسهل لك امورك ,