الأعضاء الإشتراك و التسجيل

الملتقيات
ADs

اليوم عملت المقابله الشخصيه في السفارة الامريكيه

اليوم عملت المقابله الشخصيه في السفارة الامريكيه


NOTICE

تنبيه: هذا الموضوع قديم. تم طرحه قبل 4708 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية تباطيتك ..!
    تباطيتك ..!

    مبتعث جديد New Member

    تباطيتك ..! الولايات المتحدة الأمريكية

    تباطيتك ..! , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى لغة أنجليزية , بجامعة تكساس
    • تكساس
    • لغة أنجليزية
    • ذكر
    • إلباسو, تكساس
    • السعودية
    • Mar 2011
    المزيدl

    May 9th, 2011, 09:28 PM

    السلام عليكم ورحمة الله وبركاته ..

    وصلت الرياض الساعه 7 الصباح المهم افترييييييت ليين داخ نفوخي ..

    أخر شي سفطت سيارتي على جنب وأقرب تاكسي ..

    مرحبا .. بايي < بنقالي
    ايوا صديق ..
    أبغى السفاره الامريكيه معلوم ولا مافي معلوم ؟
    معلوم ..
    أخذت اوراقي من السيارهـ ومع "إسلام" للسفاره< أسم سايق التاكسي .

    طبعاً أنا قلت لـ "إسلام" انتظرني وأنا بعطيك الي تبي بس دخيلك لا تخليني .
    قال : مافي مووشكييييل . < يا حبني للمووشكيل فديتوو ,,


    زي ماهو واضح في العنوان ..

    اليوم الاثنين بـ تاريخ 9-5-2011 الساعه التاسعه والنص كان موعدي بالسفارهـ

    طبعاً صار أكشن طويل عريض لأني ما سددت سامبا ... المهم كنت صاف طابور عند البوابه ولما وصل دوري ..

    الي على الشباك وحده لبنانيه : عطني جواز السفر و دي أس 160 و تسديد سامبا وَ ورقة تحديد الموعد .

    قلت لها : كلهم موجدين لكن سامبا ما سددت بعد ..

    قالت :: يوووهـ "مافيك تفوت عالسفااارااهـ"

    قلت : شوووو < تحمست مع لهجتها هههه

    قالت روح سدد وأرجع .

    قلت موعدي الساعه تسعه ونص .. يروح علي ولا لا ..؟؟

    قالت روح معك للساعه عشر ونص وتكون عندي هوني ..

    رجعت لـ إسلام كان مسفط في مواقف السيارات .

    قلت: يلا مشينا اخترع لي بنك سامبا . لازم أسدد رسوم الفيزا .

    سألت عسكري .. لو سمحت اخوي فيه بنك سامبا هنا بحي السفارات ..

    قال : نعم عند ساحة الفزاري . بعد الدوار على يدك اليمين

    مشكور يالطيب ..

    رحت أنا والسواق وكانت الساعه 9 وربع وانتظرت لين فتح البنك الساعه 9 ونص بداية الدوام ..

    المهم دخلت البنك وسددت الرسوم ..

    ورجعت لـ اللبنانيه وأعطيتها أوراقي , وأعطيتهم جوالاتي ومفتاح سيارتي وحطوهم بـ ظرف
    وأعطوني كوبون قالوا إذا خلصت من السفارهـ بتطلع تعال وعطنا الكوبون وحنا بـ نعطيك أغراضك .

    المهم .. دخلت وجلست انتظر وكان رقمي متأخر كثيييييير فـ أنتظرت من الساعه 10 حتى الساعه 12

    وإسلام ينتظرني براا ..

    المهم وصل رقمي ..

    ونادتني الـ لبنانيه .. قالت شباك رقم 10

    طبعاً المقابله : رجل أمريكي من ورا شباك زجاجي " نفس نظام البنك" .
    عطني جوازك و اي توني و دي اس 160 .
    وبعدها سألني ..
    وش بـ تدرس ؟؟
    ليش طالع لأمريكا بالذات ؟؟
    هل سافرت للأردن من قبل ؟؟
    قال روح للفيدكس وخذ ملف من عندهم .. عشان يوصلون لك جوازك ..
    انتهى.

    قلت لو سمحت ..
    كم المدة الي راح يستغرقها ؟

    قال اسبوعين تقريباً ..

    ورحت .. للفيدكس أوخذوا 125 ريال لاني من خارج الرياض .

    انتهت قصه السفاره .

    طلعت وأخذت أغراضي ... ولقيت اسلام ينتظرني .. وداق على رقمي مليون مكالمه هههه

    المهم رجعت لـ سيارتي و رجعت لأهلي الساعه 8 مساءاً .

    الأمور سهلة جداً والله يوفقنا وإياكم للحصول على الفيزا ..


    الأسئله لأهل الخبره:

    ماهو الأجراء الي بعد حصولي على الفيزا ؟؟ وين أروح ؟؟

    متى استلم التذاكر ؟؟

    متى استلم التأمين الصحي ؟؟

    بالتوفيق للجميع ,,
  2. وعليكم السلام ورحمة الله وبركاته ..

    هذي احلى حركة اذا ضيعت , اصفط على جمب ووقف لك تكسي وقله المكان الفلاني والحقه بموترك ,
    طيب استفسار بسيط ,
    بالنسبة للمقابلة حاورك بالعربي ولا بالانجليزي ؟
    وسواق التكسي كم عطيته ؟ والله يا شكله صلخك بالمبلغ
    7 "
  3. شباك رقم ١٠ هو اللي مقابلني والله انه فلاوي طبعا معه مترجم بس المترجم وصخ احس انه يسلكلي هههههه

    المترجم قالي شهر ويوم راح المترجم قالي الامريكي اسبوعين ولا عديا اسبوع الا وهم داقين علي فيدكس وقالو تعال خذ جوازك الصراحه انخرشت قلت شكلهم رجعوه لكن الحمد لله الفيزا موجوده
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.