الوزاره تحولني للملحقيه والعكس
السلام عليكم
انا عندي مشكله وعجزت الاقي حل اتمنى تساعدوني .المسأله ومافيها ان الملحقيه حطوني على الهولد الشهر الي فات لأن المحرم مو معي . كلمت الماليه وشرحت لهم ظروفي ورفعوا الهولد. المهم ان المحرم راح الاسبوع الي فات وزاره التعليم بالرياض علشان ياخذ امر اركاب ومعه كل الاوراق . الوزاره مارضت تعطيه امر الاركاب لانه لازم يجيب لهم خطاب من الملحقيه انه هو المحرم ولما طلبت من الملحقيه قالوا الي احنا مو من صلاحياتنا انه نعطيك الخطاب المفروض الوزاره يكون عندها اصلا المعلومات وفي الاخير كل جهه تحولني على الجهه الثانيه والى الحين ما احد عطاني الخطاب والمحرم ما جا وانا باقي الي بس اسبوعين ويحطوني على الهولد مره ثانيه اتمنى احد يفيدني
والله يوفق الجميع يارب
رد: الوزاره تحولني للملحقيه والعكس
اعانك الله ... انا اللي اقدر افيدك فيه
ضعي سؤالك في هذا الرابط وان شاء الله تجدين اجابه وافيه
http://www.mbt3th.us/vb/forum8/thread275345-5.html
رد: الوزاره تحولني للملحقيه والعكس
طيب الحين انتي مبتعثة عن طريق الوزارة او عن طريق وظيفة او على حسابك؟
لان الملحقية اللي انتي فيها ما ارسلوا اوراقك للرياض لازم يرسلونها يمكن راسلينها لكن فيه شي ناقص؟؟؟
لان قبل فترة رحت للوزارة وطلبت امر اركاب لاني على حسابي قالي الموظف حرفيا كم رقم ملفك اذا موجود عندنا ابشر بامر الاركاب
يعني لو ملفك موجود راح يعطونك انتي ومرافقينك ....
يعني لازم تراسلي الملحقية على الايميل الخاص فيهم وهم يعطونك الخبراو تتصلي فيهم..
لان معلوماتك عندهم وهم اولى بالافادة لك يعني على قولتك الخطاب يقدرون يرسلونه لك ايميل انك مبتعثة...
والله اعلم بالباقي لكن سهالات ان شاء الله
رد: الوزاره تحولني للملحقيه والعكس
الله يعينك ويسر لك امرك يارب
رد: الوزاره تحولني للملحقيه والعكس
اول شي المرافق مضاف عن طريق الحكومة الالكترونية ... يعني يقدر المرافق يفتح الموقع عند الموظف اذا كان الموظف صادق يبي اثبات .
الشي الثاني ارسلي الايميل اللي يقول هذا مو من صلاحياتنا للمحرم خلية يطبعة ويودية الوزارة ويقول هذا رد الملحقية .