ما صار قبول .. 3 شهور لا حس ولا خبر !!
سلام عليكم
يا جماعه الحاله صعبه
والقبول له ثلاث شهور وما وصل لا معهد ولا جامعه .. امس كملت اليوم ال 90 بعد ما تواصل المكتب معهم وماعطونا رد
ارجع اراسل المكتب يقول حنا مب مقصرين معك ونراسلهم اول باول
وانا الوقت يضيع علي لا عندي جامعه ولا شغل
احد عنده حل او طريقه اجيب فيها القبول خلال اسبوعين بالكثير ؟
مع العلم اسم الجامعه california state universty - long beach .. المعهد بنفس الجامعه
الفزعه يالربع .. ضاقت بي الوسيعه
وكرهت امريكا بسبب هالقبول
رد: ما صار قبول .. 3 شهور لا حس ولا خبر !!
الحين المكتب وين مكانه هنا ولا برى
بعدين تقدر تجيب مو اسبوعين خلال 10 ايام
شوف المكتب المعلن بمبتعث وراسلهم ع الايميل ...
رد: ما صار قبول .. 3 شهور لا حس ولا خبر !!
وعليكم السلام
والله ياخوي الحال من بعضو انا مقدم على جامعتين بنفسي
وقاعد انتظر لي اسبوع وبتجنن
صرت احلم بالقبول وانا نايم وهاتك ياكوابيس مره بتجي ومره اقول ماهي جايه
الله يسهل امورنا ... للمعلومية الجامعة اللي انت مسجل فيها حلوه
رد: ما صار قبول .. 3 شهور لا حس ولا خبر !!
موضوعك غريب الصراحه ثلاثه شهور ماجاك شي انا من رأيي انك تكنسل المكتب وتشوف لك مكتب ثاني واتمنى لك التوفيق
رد: ما صار قبول .. 3 شهور لا حس ولا خبر !!
اقتباس:
المشاركة الأصلية كتبت بواسطة محمد200
الحين المكتب وين مكانه هنا ولا برى
بعدين تقدر تجيب مو اسبوعين خلال 10 ايام
شوف المكتب المعلن بمبتعث وراسلهم ع الايميل ...
المكتب بالسعوديه .. ياليته يقفل اليوم قبل بكرا
طفر بي خذ مني 3 الالف
على اساس بيدبر لي سكن ويبضبط لي مواصلات وتأمين صحي ومن هالكلام
رد: ما صار قبول .. 3 شهور لا حس ولا خبر !!
اقتباس:
المشاركة الأصلية كتبت بواسطة hiytham-aljohani
وعليكم السلام
والله ياخوي الحال من بعضو انا مقدم على جامعتين بنفسي
وقاعد انتظر لي اسبوع وبتجنن
صرت احلم بالقبول وانا نايم وهاتك ياكوابيس مره بتجي ومره اقول ماهي جايه
الله يسهل امورنا ... للمعلومية الجامعة اللي انت مسجل فيها حلوه
والله هذا اللي مصبرني
الجامعه ما تتفوت ابدا .. لكن ربك كاتب هالتأخير :(
الله يوفقك ويسهل عليك
رد: ما صار قبول .. 3 شهور لا حس ولا خبر !!
خلك من المكتب وكلم انت الجامعه او ارسلهم ايميل واشرح لهم وضعك و ان شاء الله مايقصرون
و الله صديقتي اكثر من شهرين تدق على مكتب تجسير وهما يقولون لها حنا مو مقصرين وبعدين ارسلت للجامعه خلال نص ساعه ردو وطلبو عنوانها
تقول اقل من اسبوع والآيتوني تبعها وتبع اولادها معها
بشرنا لاني نفس الحاله انتظر قبولي بس انا لي اسبوع وبنجن
بالتوفيق
رد: ما صار قبول .. 3 شهور لا حس ولا خبر !!
لا لا اكيد فيه اشياء غلط ~/
انا توني مقدم لخويي على معهد وجاه القبول في ثلاث ايام !!
راجع معهم اكيد فيه اغلاط
رد: ما صار قبول .. 3 شهور لا حس ولا خبر !!
انصحك بتعامل مع مؤسسة قبولي جاب قبولي خلال 9 ايم و ولد خالتي خلال 6 ايام
تفضل الرابط : iAdmission
بالتوفيق
رد: ما صار قبول .. 3 شهور لا حس ولا خبر !!
اقتباس:
المشاركة الأصلية كتبت بواسطة درر*
خلك من المكتب وكلم انت الجامعه او ارسلهم ايميل واشرح لهم وضعك و ان شاء الله مايقصرون
و الله صديقتي اكثر من شهرين تدق على مكتب تجسير وهما يقولون لها حنا مو مقصرين وبعدين ارسلت للجامعه خلال نص ساعه ردو وطلبو عنوانها
تقول اقل من اسبوع والآيتوني تبعها وتبع اولادها معها
بشرنا لاني نفس الحاله انتظر قبولي بس انا لي اسبوع وبنجن
بالتوفيق
والله يختي شكلي براسلهم مع ان لغتي لك عليها
جزاكِ الله خير