شد الهمه واطلع على البعثه ولا تفوتها خصوصا في عمرك صح انا اصغر منك بس يا ليتني نفس عمرك
وبخصوص الدراسه الدراسه هنا سهله جدا جدا واذا كنت مثابر اكيد راح تحقق طموحاتك وراح تكون انسان ناجح بس تفائل بالخير
وتراني اعرف ناس اعمارهم فوق الـ 27 وتوهم يبدون الدراسه في اللغه مو في الجامعه في اللغه !!
ولك اطيب تمنياتي في حياتك
fahad banihameem May 11th, 2011, 07:17 AM
7 " أنا نفس الشي راحت علي حوالي خمس سنين في محاولة فاشلة.. والحين أنا مبتعثة عشان أتعلم تعليم صحيح بإذن الله..
كلنا نغلط.. بس هل نتعلم من أغلاطنا؟
هل راح تدرس فعلاً؟
إيش اللي كان ما يخليك تدرس وتكمل زمان؟ الملل؟ ما تستمتع بالدراسة؟ حدد الإجابة بجدية.. وتأكد إن كان هذا العائق راح يظهر في فترة ابتعاثك أو لا..
رضا أهلك أهم شي.. فسواء سافرت أو فتحت عمل حر.. اجتهد في إنك تبيض وجههم وتريح قلبهم.. هذا أقل شي تقدر تسويه عشان تبر فيهم..
لا تهرب من الواقع.. لكن فكر كيف تحسن الواقع وفقاً لما يناسب رغبتك وقدراتك..
العمر مطلقاً مطلقاً ما هو عائق..
العائق الحقيقي هو الأسباب اللي ما خلتك تنجح في تجاربك السابقة.. عشان كذا لازم تعرفها، وتتأكد إن قرارك الجديد ما راح يفشل بسببها..
بالتوفيق
Reem Hasan May 11th, 2011, 07:53 AM
7 " يبن الحلال انا نفسك ولا تضايقت ولا شي
دخلت جامعه الملك سعود ودخلت معهد الادارة وكلهن على سنه وجلست سنه في البيت بينهن
والحين رجعت عزيمتي وبطلع خلال كم شهر ان شاء الله وتوني داخل 22
وسع صدرك وصدقني دراستك بامريكا احسن وافضل من اللي درسو هنا لان بيكون معاك لغه زي البلبل
وغير كذا بتكون معاك شهاده من امريكا هذي بحد ذاتها بتقول انها خيره ماكملت في سعود
وشف راتبك اذا رجعت ان شاء الله بعد كم سنه وشف راتب خويك وشف راتبك في المستقبل اذا تزوجتو
وبتبي تحمد ربك وتراها سنتين ووسع صدرك انا زي حالتك ولا تضايقت وناس كثير كذا
اهم شي تكون بس متحمس لـ امريكا وللغه الانقليزيه هناك
حاول انك تقرا عن االابتعاث كثير لاني احسك بتطلع مغصوب خخ
الله يوفقك و يوفقنا
*عبدالله* May 11th, 2011, 08:12 AM
7 " اذا كان الكلام المحفز ما تتأثر فيه ... زي مثلا لا تنظر خلفك وانظر الى المستقبل المشرق ... فهذي مشكلتك ولازم تعدلها
ما عندك عزيمة لاكمال الدراسة ... برضو مشكلتك
لا تتوقع ان هالعالم عندهم عصى سحرية لحل مشاكل الناس
اول من راح يساعدك هو انك تساعد نفسك
وساعد الناس على مساعدة نفسك
يعني لا تجي وتغيب ولا تحضر المحاضرات ولا تحل الواجبات وفي الاخير اذا رسبت تقول الله يقلعهم رسبوني
عندك عزيمة ... يعني كل يوم تصحى بدري وتروح تحضر كل المحاضرات
عندك همه ... يعني تروح كل يوم وتحل جميع الواجبات
انسى الماضي ... يعني لا تتوقع انك فاشل وانك راح تستمر في الفشل
اذا مو عاجبك هذا الكلام فهذي مشكلتك
في امريكا الدراسة هنا غير
شي يفتح النفس ... من ناحية التدريس ومن ناحية البيئة التعليمية ومن ناحية الناس اللي حولك ... بس اهم شيء تتوفق في معهد وجامعهة ومدينة حلوه
طبعا صعب تحصل كل شيء يجي على مزاجك
الدراسة بامريكا غير معقدة ولكنها تحتاج شدة حيل
كثير من الناس اللي فصلو من جامعات سعودية الآن جالسين يكملو ماجستير بامريكا ... طبعا هذي ليست قاعدة ولكن الواحد منهم حس بالغلط فيبغى يعوض اللي فاته
ناس كانت تدرس في كلية التقنية والمعاهد الفنية واللي متخرج من مهاعد نيوهورايزن .. كملو البكالوريوس بامريكا والآن جالسين يدورون على قبول لدراسة الماجستير
هذا الكلام ليس انشائي او من وحي الخيال
اللي تسويه الآن كالتالي
تجيب قبول معهد جيد ويكون جدي واكاديمي
تطلع فيزا
واقرب طيارة على امريكا
تدرس على حسابك فترة اللغة كاملة ويمكن تكلفك ما بين 90 الى 100 الف
فترة اللغة اذا انت شاد حيلك تاخذها ما بين 9 الى 12 شهر
بعد كذا راح تنظم للبعثة مباشرة بعد انهائك لمرحلة اللغة
ويمكن خلال هذي الفترة تنظم للبثعات وانت في مرحلة اللغة
او ممكن تجي مكرمة ملكية لضم جميع الدراسين على حسابهم الخاص
اذا عندك اي سؤال ارسلي ع الخاص
oska88 May 11th, 2011, 08:51 AM
7 " قرأت كتابتك هذه ..
وأحسست بكل ماتقوله ..
لكن تأكد هناك الكثير بمثلك عُمرك وأكثر بكثير .. انا بمعهدي تقريباً4 أعمارهم مابين 27 و 30 وراح يكملون البكالوريوس وحتى بعضهم استقال من عمله وغامر من أجل هذه البعثه
تأكد أنك لن تكون وحدك .. اذا صدقت النيه مع الله وعزمت على الجد والاجتهاد ..
ولا تلوم نفسك ولاتنظر الى غيرك صدقني بتتعب .. لذلك حاول تعيش في حدود يومك .. واحمد الله على الصحه والعافيه وتراك باقي ماراح من عمرك شيء
اسأل الله لك التوفيق
الصفحة الشاكية May 11th, 2011, 09:41 AM
7 " من القلب اشكر الجميع
بكل امنه كل الردود رائعه جداً واستفدت منها كثير وبإذن الله راح احفظ هذا الموضوع في المفضله وراح يكون مرجع لي كل ماحسيت بأني تخاذلت او قصرت مع نفسي بجد ماكنت متوقع اشوف كل هذي الردود الي رفعت من معنوياتي وعطتني عزيمه واصرار وثقه بنفس
مره اخرى اشكر الجميع وجزاكم الله خير ولاعدمتكم وعسى دروبكم كلها تساهيل آمين يارب
وحيد امه May 11th, 2011, 10:34 AM
7 " اخوي انت مكبر الموضوع كثير
انت عمرك 22 وزعلان وانت توك في بداية العمر والمفروض تنظر للجانب الايجيابي ،، اكتسبت خبرة حياتيه وجامعيه
وازيدك ولد خالتي ابتعث لامريكا السنه اللي فات تدري كم عمره ؟ 27 سنه وتوه بيدرس لغه وبعدين بكالريوس
عادي جدا اخوي الموضوع مو انه تتخرج بدري ولا متاخر ومهما كان عمرك العلم ماله عمر ابدا
والرزق بيد الله سبحانه وتعالى لاتشيل هم ،، كل اللي عليك تبذل الاسباب وتترك اللعب وابتعد عن الشباب الداجيين واهتم بدراستك وربك بيسر امورك
موفق ياخوي
نواف بن خالد May 11th, 2011, 10:48 AM
7 "
وبخصوص الدراسه الدراسه هنا سهله جدا جدا واذا كنت مثابر اكيد راح تحقق طموحاتك وراح تكون انسان ناجح بس تفائل بالخير
وتراني اعرف ناس اعمارهم فوق الـ 27 وتوهم يبدون الدراسه في اللغه مو في الجامعه في اللغه !!
ولك اطيب تمنياتي في حياتك